أنصحكم بتقنية "ريبوندنق" لتنعيم الشعر

[شوق وحنين]

السلام عليكم

اخواتي حبيت أنقل لكم تجربتي في تنعيم الشعر..

أنا شعري نوعه متموج ومتطاير ومنفوش شويه وصعب التحكم فيه..
كنت أتعب من الستشوار والفير ويسبب له الجفاف والتلف.. وفكرت سنوااات في حل لهالمشكلة وكنت خايفة من عمليات تنعيم الشعر.

اقترحت علي صديقتي أسوي شي أول مرة أسمع عنه اسمه (ريبوندنق) وقالت لي إنه احسن من الكيراتين والريلاكس.

وفعلاً رحت صالون وسويت الريبوندنق ماركة لوريال .. كلفني ما يعادل 450 ريال سعودي (يختلف المبلغ من صالون للثاني).. وبعد اسبوع قصيت أطرافه وصبغته بلون عسلي..

النتيجة رووووعة بدون مبالغة صار شعري ناعم وما يضيع وقتي في الاعتناء به، صار ممكن أغسله وأمسح عليه بالسيروم وأمشطه وأخليه يجف في الهواء ويصير مرتب..

وإذا أبيه أرتب أكثر حق مناسبة أو حفلة نجرد أنشفه بالسشوار بدون شد وجذب ويصير حلووو

طبعاً الحين طول شعري وظهر الشعر الأصلي هههههههه صار ثلث الشعر من فوق البني الأصلي وتحته المنعم العسلي.. بس ماقدر أسوي له ريبوندنق لأني حامل.. ان شا الله بعد ما أولد أسوي له..

طبعاً من مزايا هذي الطريقة انها تعالج الشعر وما تتلفه نفس الريلاكس العادي، إضافة إلى ان نعومة الشعر ما تنتهي مدتها بعد 6 أشهر نفس الريلاكس، لا هي تبقى على طول لحد ما تقصين الشعر.

إذا حابين تجوفون صور دخلو قوقل وكتبو rebonding