ولادة مبكرة فى اخر السادس

[نسرين احمد]

ازيكم جميعاً انا حعرض اللى مريت بية وياريت اللى ليها تجربة مشابهة تحكهالى عشان استفاد من التجربة وارتاح نفسيا انا عندى 34 سنة حملت طفلى الاول بعد سنة وثلاثة شهور من الزواج والحمد للة ولدتة فى الاسبوع التاسع والثلاثين بولادة قيصرية قبل ميعادى بيومين عشان كيس المية اتفتح ثم حملت بعد سنة فى بنت وقد اية مش عارفة اقولكم من ساعة السونار ما بين انها بنت وانا فرحانة قد اية المهم عشان ما اطولش عليكم كان الحمل تمام لغاية قبل نهاية الشهر السادس بأسبوع حسيت بمغص قلت فى الاول يمكن عادى ولكن اللى قلقنى لقيت افرازات مهبلية بها دم ثم اشتد الالم ورحت المستشفى قالوا الرحم اتفتح ولازم راحة واخذت حقن لوقف الطلق ولكن بعد كام ساعة انفتح كيس المية وكان لازم اولد بنتى واتولدت فى الاسبوع ال27 بولادة قيصرية للمرة الثانية لانها كانت نازلة برجلها والبنت ماتت بعد 4 ايام فى الحضانة والحمد للة على كل شىء ولا اعتراض على قضائة اريد ان اعرف منكم انا والدة من 35 يوم
1- اسباب الولادة المبكرة بالرغم انى والدة عادى قبل كدة فى الشهر التاسع وهل كثرة المجهود او شيل الاشياء الثقيلة اوالالتهابات المهبلية تعتبر سبب فى الولادة المبكرة
2- انا سنى 34 استنى قد اية عشان احمل تانى وطبعا انتوا عارفين السن بيكبر وكمان قالولى استنى 6شهور واحملى وانا بينى وبينكم نفسى ربنا يرزقنى بطفلين كمان وكل شىء بيد اللة
3- حقن اليوتوبار لو اخذتها فى الحمل القادم تمنع الولادة المبكرة فعلا
4- وهل بنتى فعلا هتاخذنى للجنة يوم القيامة لانى واللة نفسيتى وحشة قوى وكل ما افتكر شكلها اعيط لتمنى تردوا عليا سريعا وانا منتظرة الرد ومعلش انى طولت عليكم