اعرفي عريسك من طريقة اكله

[اميرة بدنيتي]

طبعا هو موضوع للضحك بس مو اتطبقون النصايح لوصوووووووووووول

الحلو بالموضوع إنه باللهجة المصرية

الشخصية الأولى: المتزن


طريقة الأكل:

إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول


التحليل:

يبقى شخص معتدل في عواطفه وقراراته ويبقى ده آخر الرجال المحترمين..


النصيحة:

كلبشي بيه .. واستعجلي الزفاف والحياة هتبقى بمبي .. يا حلولي يا حلولي



الشخصية الثانية: عاشق الطعام


طريقة الأكل:

إذا كان بيحب الأكل زي عينيه .. وأول ما يدخل من الباب وقبل ما يقول لك ازيك .. يقول: لك ريحة التقلية تجنن يا روحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه..


التحليل:

يبقى إنسان طفس .. وهوائي .. وطايش


النصيحة:

وأوعي تتجوزيه أحسن ياكلك وانتي نايمة....!!!


الشخصية الثالثة: الفاهي


طريقة الأكل:

أما إذا كان مش مهتم بالمرة .. لايقولك ده حلو ولا ده عادي ولا مالح ولا مستوي ولا لسه ني ولا بيعلق أي تعليق .. وعمره مايقولك جعان أو شبعان

التحليل:

يبقى إنسان مالوش لزمه .. وزي قلته ..
النصيحة:

بدل ما تتجوزيه إتبنيه .. وهاتعيشي إنتي الراجل والست فى وقت واحد .. واعملي حسابك هاتركبي وتدلدلي رجلييكي.



الشخصية الرابعة: المسروع (المشفوح)


طريقة الأكل:

إذا كان بياكل زى ما يكون حد بيجري ورااااه وساعة الأكل بيجيله حالة صرع معوي .. ويقوم من على الأكل قبل أي حد تاني.
التحليل:

يبقى متسرع .. ومتهور في اتخاذ قراراته وممكن بعد الجواااز يكتشف إنك لستى ملهمته .. ولستى فتاة أحلامه ولستىِ حلمه الوردي .. ويروح مطلقك بالتلاتة.

النصيحة:

إخلعي إنتي بدري أحسن لكرامتك.



الشخصية الخامسة: المتذوق


طريقة الأكل:

إذا كان بياكل على مهله .. ويمزمز .. فى كل صنف لوحده .. ويسأل عن كل صنف إيه مقاديره ومعمول إزاااي ويقعد يستطعم فى الأكل من العصر للمغرب.
التحليل:

ده النوع اللي له مخ .. وبيوزن الأمور بطريقه تفقع المرارة .. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه !!!
يعني نظااااام شلل رعاش


النصيحة:

حاسبي منه يا اختي .. بدري .... بدري .... إخلعي يا أمي ...



الشخصية السادسة: الشرس


طريقةالأكل:

إذا كان بيقعد يقطع فالأكل زي مايكون فخناقة ويخبط فالطبق من الغل .. ويقطع حتة اللحمة زي ما يكون بيدبحها .. ويتفتف ويتكلم طول ماهو بياكل لما يغرق وشك أكل.


التحليل:

ده شخص عصبي جدًاااا .. ومع أول خناقة هايروح مناولك بالكرسي فراسك أو بالسكينة فعينك .. يعمل لك عاهة مستديمة وبعدين .. يهدى .. ويقول لك: "سوووري يا روحي هي جت فيكي ....
النصيحه

""ماعاليش برَّه يا حبيبي وخد الباب ف أيدك""