اجهضت اربع مرات بدون سبب وهاذا حملي الخامس

[ماروكو]

السلام عليكم ورحمه الله وبركاته......

انا جديده بلمنتدى واول مره اطرح مشكلتي

انا متزوجه من ثلاث سنين تقريبا وفي هالفتره حملت اربع مرات وبالعلم لايوجد بهم جنين ولانبض وكلها اجهضتهم

في عمر اربع اسابيع واحد بس الي ضل لين 7اسابيع والحين انا حامل بالاسبوع السادس

لا ليلي ليل ولا نهاري نهار توتر واحيانا ابكي بالساعات واحيانا استغرب من حالي اني صاير معي كذا

بس في حملي هذا انا متفائله خير لاني حللت بعد غياب الدوره بيوم وطلع ماشاء الله 1500 وعدته بعد يومين وصار 3600 وعدته بعد خمس ايام 25400عكس اخوانه 200و700و150وانا عاده اسبوع من الدوره الحمد لله

وهالسبوعين احس بغثيان والم بالمعده طول اليوم في الصباح شوي بس اقعد شوي ويشتد طول اليوم ولااشتهي اي نوع من الاكل وصارلي خمس ايام لا اكل ولا اشرب بس اخذ الادويه غصب

بس عندي مشكله اني ماحس اني ابغى اروح الحمام الله يكرمكم كثير عكس الي يحسون به الحوامل ونفسيتي تعبانه وخايفه اجهض وافكر كثير بحالي كيف بيكون

واحلم بأني انزف واقوم فزعانه من النوم الله لا يوري احد الي شفته

مع العلم انا ماخليت شيخ يمدحونه مارحت عنده بالقصيم بالطايف الله يعين بس عرفت بحملي انا ارقي نفسي مرتين يوميا واقرى الاذكار وان شاله يثبت

تحاليلي كلها سليمه انا وزوجي العزيز بس عندي كسل بالغده الدرقيه وارتفاع هرمون الحليب واخذ لها ادويه