تعبانه حيل

[أوتار الحزن]

بنات حريم اخوان زوجي بيولدون هالشهر وحده ولدت خلاص و الثانيه اختي بتولد هاليومين الناس لما قربت اختي تولد كثر فضولهم ونا مليت من الاساله ليش ما حملتي واختك حامل وحتى في الدوام بشكل يومي هالاساله والناس الي نعرفهم دايما يسالون اهلي كيف بنتكم ما حملت والقهر الي يسالني يروح بعدين يسال خواتي ويحللون سبب تاخر حملي وام زوجي واخت زوجي يلمحون لي بنات والله تعبت من دنيتي وهذا غير الرسايل الي تجيني وصارو اخس بكثير من اول
انا لما سمعت ان زوجه اخو زوجي ولدت تحركت غيره بداخلي ورحت عياده وقالت لي الدكتورة تبويضك ممتاز وحجم البويضه 22 انا مقهورة ليش ماصار حمل استغفر الله يارب وكل فحوصاتنا انا وزوجي زينه
واليوم اختي دخلت المستشفى لانها هاليومين بتولد انا اتمنى والله تقوم لنا بالسلامه هي و البيبي بس حسيت بتعب وجلست ابكي مو لاني حاسده اختي لا لاني ابي اصير ام وما قدرت
ماقدرت ازور حتى اختي خفت انهار وابكي قدامها بس والله اني ادعي لها تتسهل ولادتها وخايفه عليها لانها اقرب وحده لي من بين خواتي
وخايفه ازورها بعد الولاده واشوف البنوته لاني وايد ضعيفه قدام الاطفال الصغار
اسفه طولت عليكم بس انا تعبانه حيــــــــــــــــــل وحبيت افضفض يمكن انتو تفهموني وتخففو عني