هل لي الحق اني اشتكي عليه

[سحابه صيف]

بنااات تعبت من عيشتي
الاغلبيه هنا عارفين وضعي وعيشي المريرة
اليوم تعبت جدتي واخذتها للمستشفى
وقرروا لها تنويم
قالت لي لاتجلسين لحالك روحي عند ابووك
المهم رحت له وكالعاده مافيه استقبال
حلووو يحسسونك انك متسوله اعوذ بالله من هالنااااس

قال لي هاه خير وش عندك
قبل لا اتكلم
رد هاه خلصيني وش تبين
رديت عليه وانا منزله راسي بالارض
جدتي منومه وابي اجلس عندك كم يوم

رد علي وانا بيتي فندق تجلسين عندي
وزوجته تسمع الكلام وتضحك
قالت لي روحي عند امك
قلت لها امي مسافرة
وصعب اجلس لحالي بالبيت

قال وش اسوي لك
قام وطلع من البيت
وانتظرته الين جا عشان اعرف رده
طبعا حرمته ماجلست معاي ابد ابد
جا وعلى طووووول دخل غرفته

وطلع معصب حييييل
وضربني ضرب ماله سبب
وطردني من البيت
ورجعت بيت جدتي

بنات تعبت والله ابي احس بالاماااان
ابي لاتضايقت فيه صدر احط راسي عليه وابكي ابي يد لاطاحت دمعتي تمسحها
عن خدي

بنات هل لي الحق اني اشتكي على ابوي
مدري والله اشتكي اولا