ملف منوع لكن شهي جدا وبسيط

[ايلاف]

مقدار العجينة
الدقيق البر بس نص كاس حطيت .. والابيض كاس ونوص
ورشة ملح ونص بيالة شاهي زيت وفركته بااصابعي مع الدقيق .. الموية لين تصير عجينة لينة بس مب مرة لينة .
وخليتها ساعة ونوص ترتاح . الساعه والنص تخليها تقرمش مع القلي .

الحشوة :



صدرين دجاج سلقتهم نص سلقة
وقطعتهم لقطع صغيرة
بصل مع القليل من الزيت واضفت الجزر علية والقليل من موية الدجاج
نص مكعب ماجي + بهارات + رشة ملح
لمن يبدا تتبخر مويته اضيق الفلفل بارد مكعبات مثل حجم الجزر
والبازيلا والدجاج واتاكد من تبخر كل موية الحشوة
دقايق لا تطبخ الفلفل والبازيلا عشان ماتفقد فايدتها

الفرد :
كل ماكانت بسمك اقل تصير مقرمشة اكثر ..


اخر شي القلي










مطبق :



اليوم جربت هذا الرقاق ومرة حبيت شكله صغير ومقرمش
اسمة ( وردة )


الحشوة :


مقادير الحشوة :
اول خطوة .. لحم مفروم مع بصل على النار لين يستوي
احط علية كل البهارات اللي افضلها وذرة ملح
كمية اللحم مااكثرها تقريبا بحجم يدك

الخطوة الثانية
كراث مقطع صغير مب حزمة كامله نصفها بس
2 طماط مقطع مكعبات صغيرة
2 بيضة < ومرات تحتاج 3
احط اللحم مع الكراث والطماط والبيض وابدا اخلطهم بشويش وارش شوية فلفل وملح
ولو حابة تضيفين فلفل حار اخضر اقسمي الخلطه لجزئين بارد وحار

طريقة اللف :
(1)


(2)


(3)

(4)


تمسحين الاطراف بالفرشة بالزيت عشان يتماسكون .

(5)
على الصاج مدهون بقليل من الزيت






الجبنيه

علبة جبن تشيدر المراعي الحجم الوسط ( مبشور )
ملعقة جبن سايل
بكن باودر ملعقة
بيضة
رشة فانيليا
نص كاس موية
ثلاث ملاعق زيت
كلهم بالخلاط ثم اضيفهم ع الدقيق
الدقيق بدون مقياس لين تتكون لك عجينة لينة

بتصير لك لينة حيل اثقل من اللقيمات واخف من الفطاير ..
لمن تصير كذا تصير هشة وتنتفخ ..
ادهني يدينك والسطح والنشاب بزيت عشان تنفرد وشوي شوي لو حسيتي بفراغات فيها بيدينك مدديها

هذي اليوم :
بعد ماتقلينها بالزيت حطي الشيره لمن يتصفى زيتها بالصورة مابعد حطيت الشيرة .



الخطوات :
(1)

(2)







مهلبية الورد :






هذي طريقتها :

كيس شعيرية
2 كوب ونصف حليب بودرة
نصف كوب ماء ورد
"انا استخدم ماي الورد المحمدي يجي لونه أحمر اقل من نصف كاس"
ويضيف له لون من شربة الورد "او لون احمر الوان طعام"
2 كوب سكر عادي
2 ليتر ماء
3 ملاعق نشا
3 حبات هيل
مكسرات وأفضل الفستق .

نخلط الحليب والماء والسكر ثم يوضع على النار .
عندما يغلي الحليب تكسر الشعيريه وتوضع عليه مع حبات الهيل .
تترك لتغلى وتنضج الشعيريه
يخلط النشا مع ماء الورد ويوضع على الشعيرية
نقلبه لين ينضج وبعدين أحط شربت الورد قبل لأطفي النار .
أحطه في أطباق وأرش عليه الفستق ويبرد في الثلاجة