تجمع الجزائريات الغاليات المتأخرات في الحمل ‏

[AMAL JADID]

السلام عليكم واش اخباركم

[أمة الرحمان السلفية]

ام نهى هو القاطو الي راني نخدم فيه ذرك

وصفة حلوة التاج





400غ فرينة ..250 غ مرغرين ...150 غ جوز الهند مرحي ...150 غ سكر قلاسي ...2 بيض ...كيس خميرة كيميائية فاني ومبشور حبة ليمون

الطريقة بسيطة نجمع كل المقادير بالترتيب زبدة سكر بيض جوز هند فاني ومبشور الليمون واخيرا الفرينة والخميرة

نضعها في المول وما نملاهش بزاف لانها تنتفخ نطهيها

القلاساج استعملت شكولا بيضاء وسوداء نتاع الطرف كنزة

بشرتها ودخلتهاالفرن ساخن حتى ذابت اضفت للشكولا السوداء كاكاو وملعقة كبيرة زيت واضفت للشكولا البيضاء ضبغة بيضاء نتاع الميزان وملعقة كبيرة زيت

تدهني المول بالشكولا وكانك رايحة تخدمي الشكولا المحشية وتضعي حبة القاطو فيه قبل ما تنشف وتحطيه في الثلاجة تجمد ومن بعد تخرجيها فقط

[أمة الرحمان السلفية]

وسمحيلي كي نقعد في الليل نحطلك مجموعة من حلويات الشيكولة ان شاء الله

[AMAL JADID]

تبان بنيييييييييييييييينة تهبل

يعطيك الصحة امة

انا نجربها هاذو اليامات باش نضيف الناس الي يجو للدار
وربي يعطيك الذرية الصالحة اميييييييييييييييييييييييييييييييييييييييييييييييي ييييييييييييييييييين

[أم نهى الجزائرية]

سماح حنونة هذا واحد منهم و البقية لخرين هاذاك الي شغل سيقار و الي في نفس الصفحة

معليش حنونة راني نسناك الليلة ربي يعينك

[أم نهى الجزائرية]

مي هكذا لازملك بزاف لي مول باه تكملي ليه ليه هههههههههههه العجز واش يدير

و قوليلي قداه يصبر و لازم نحطو في الفريدج كي نحب نخبيه ولا عادي نحطه برا في الغرفة ؟؟؟؟؟؟؟؟؟؟؟؟؟

[أم نهى الجزائرية]

وينكم امول ولا راكي طايحة في الطبسي تاع القاطو هههههههههه بديتي طبقي في الوصية هههههههههههههه

[أمة الرحمان السلفية]

المشاركة الأصلية كتبت بواسطة amal jadid

تبان بنيييييييييييييييينة تهبل

يعطيك الصحة امة

انا نجربها هاذو اليامات باش نضيف الناس الي يجو للدار
وربي يعطيك الذرية الصالحة اميييييييييييييييييييييييييييييييييييييييييييييييي ييييييييييييييييييين

الله يسلمك حنونة ذوقها روعة حتي الي مايحبش جوز الهند مايفقش بلي فيها انا عندي عام وانا ندير فيها جني سهلة ولي يشوفها تعجبو ويحير كيفاش الشيكولة جي رطبة وتبريي جربيها رهي روعة

[AMAL JADID]

المشاركة الأصلية كتبت بواسطة أم نهى الجزائرية

وينكم امول ولا راكي طايحة في الطبسي تاع القاطو هههههههههه بديتي طبقي في الوصية هههههههههههههه

ههههههههههههههههههههههههههههه

شفت الشيكولا عينيا خرجوااااااااااا

وانتي يا الفنيانا ديري شويا حق ما تشبحي التبسي ياك يشربو بيه القهوا ماشي يتعشاو بيه


ديري حق 20 و لا 30 بزاف هههههههههههه مشحاحا

و المول جيبي 2 و لا 3 اصلا حبات صغار و متحوفين ابداي تخدمي الحلوى كيما الكروكي يشدلك

[أمة الرحمان السلفية]

المشاركة الأصلية كتبت بواسطة أم نهى الجزائرية

مي هكذا لازملك بزاف لي مول باه تكملي ليه ليه هههههههههههه العجز واش يدير

و قوليلي قداه يصبر و لازم نحطو في الفريدج كي نحب نخبيه ولا عادي نحطه برا في الغرفة ؟؟؟؟؟؟؟؟؟؟؟؟؟

لالا انا عندي غير زوج موال تع التاج نخدم بيهم وكي تكون عندي كمية كبيرة جنجيب تع جارتي الكيلة تقطعلك 40 حبة وترفدلك 3 علب شيكولة منى حساب انا مانحبش الشيكولة بيضاء نديرها غير بي البنية ندير زوج بنية وحدة سوداء نديرهم فوق حمام مائي ونخلط حتي تذوب الشيكولة وبعد نزيدلها مغرف كبيرة زيت ونخلط مليح ونخدم وانتي اخدميه قبل ماتروحي وماديرلوش شيكولة خبيه في الكونجي لاتور وكي جي دريلو الشيكولة على خطرش رهي سخانة