السلام عليكم
اولا الحمد لله حمدا كثيرا مباركا فيه كما ينبغي لجلال وجهه وعظيم سلطانه..
ححكيلكو اليوم رحلة ولادتي الراااائعة ويارب ينولهالكل محرومة يااارب.
انا دي كانت القيصرية الثالثة واسهل واجمل ولاداتي لله الحمد
اولا اتحجزت قبل بيوم في المستشفي للتحضير وتاني يوم الصبح
8 بالظبط كنت رايحة عالعمليات حطوني وخلعوني ملابسي وبدأ
دكتور البنج يضغط علي ضهري ويجرب الابرة طبعا ماحسيت بشئ
ابدااا لا الم ولا شئ بس ضغط خفيف وهو بيدخلها وقبلها اداني ابرة
بنج موضعي طبعا قبل الاسباينل عشان كدة ماحسيتش بيها
تخيلو بكتب لكو وعندي شعور يرجع يوم العملية تاااني واعيد التجربة
والله شعور حقيقي لاني كنت دايما اسال علي البنج النصفي
وخايفة منو موووت ولكن اقتنعت بيه ودكتور البنج كان زي العسل
اطمنتلو اكتر لما شفتو وكلمني كان استشاري كبير ووثقت فيه
نرجع بقي رغيت كتير
المهم بعد ما دخلها طبعا ماكمل دقيقة وهو بيديهالي ثواني وحسيت
بخدل في رجليا بس صوابعي كانت بتتحرك طبعا دكتور النسا كان بيتفرج
دة كلو وانا ميتة في جلدي من الخجل والخوف لاني خالعة كل شئ
وبدأو يحطو الستارة والاجهزة فايديا وعلي صدري وسمعت صوت العدد والمقصات
صوت وقلت استنووووو صوابعي بتلعااااااااااب ههههههههة قعدو يضحكو
ويقولولي مش عايزين صوابعك احنا حنشقق البطيخة هههههة
قلت لا والله انا حاسة بايديكو علي بطني اوعو تفتحووووو
دكتور النسا قال اديها نيمها دكتور البنج قال لا هي شطورة وعايزة تشوف
البيبي قلت صح ماتنيمنيش الا لما اشوف البيبي قالي ماشي حركي رجلك
كدة ماقدرتش خالص بس حاسة بيهم بيشيلو في رجليا وكانهم بيعملولي مساج
وبدات بقي وسمعت الدكتور بيسمي الله وفتح وانا عمال اقرأ في سورة الزلزلة
واذكرالله ومش حاسة غير بالانتظار ولحظة خروج عمووري حبيبي
وعمال اتخيل فيه يادوبك7 دقايق وبصيت فوق كدة فالكشافات شفت بطني
لونها احمر خفت وغمضت وكان دكتور البنج فوق راسي وكنت متابعة
عينيه وهو بيبص يشوفهم طلعو البيبي والا لسة فجاة لقيتو بيقولي خلاص
راسو ظهرت اتبسطت وقعدت اعيط واضحك هيستيريا مع بعض وحطو علي
صدري وقلتلهم مابيعيطش ليه هنا بقي كنت هموووت من الفرحة اول مرة
اشوف حد من اولادي مباشرة لاني كنت باخد بنج كلي وتضيع عليا فرحة
العمر..
نرجع ..هنا بقي قلت اوعي تنيمني ضحك وقال شطورة سيبولها البيبي
كمان شوية 10 دقايق والبيبي علي صدري واتامل فيه ومبسوووووطة
بالرحلة الجميلة دي وبعدين لما قربو يقفلو اخر طبقة اخدو يوزنو ويلبسو
وانا اقول للدكاترة هاتووووه وحشني طبعا بعد ما اخدو بدات احرك صوابعي
وفرحت لاني لسة بفكر في الشلل ههههههة
خرافات وبنصدقها .اقسم بالله مافي اروع من البنج التصفي للقيصري
استمتاااااع خيييياااالييي احساس رهيييب لا يوصف اتمني اعيدو الف الف مرة
وانصح اي وحدة بتولد قيصري تاخد نصفي وهي مغمضة وتعتبر نفسها رايحة
رحلة جميلة وحترجع باحلي بيبي .
نرجع تاني...
خلصو وغطوني لاني ارتعشت خفيف من التكييف كان عالي جدااااا حطولي
اربع كفرات ولسة بردانة ودوني غرفة الافاقة وكنت بحرك رجليا وشعور
فرحة غامرني فرحة بتحريك رجليا وفرحة بابني اللي شفتو لاول مرة
ماكملت عشر دقايق وطلعت علي غرفتي واخدت تليفوني من السستر
وكلمت جوزي وجالي وطلبت البيبي قالتلي بيشوفو دكتور الاطفال وحنجيبو
قعدت 20 دقيقة انتظر فحبيبي وجابوه وبباه شالو وباسو وكمان هو كان
فرحان لانه اول بيبي له يشوفو ويبوسو كنت بولد فمصر واجيلو الكويت
والبيبي اربع شهور ماكان يحس ولا يشعر باللحظة الرائعة دي.
والحمد لله خلصت رحلتي بعد اربع ايام فالمستشفي ورجعت بيتي.
الالم ماحسيت بيه نفس الكلي لااااااا يقااااارن ابدااا
كان محتمل جدااااا جدااا الحمد لله بس جاني الم في كتفي من التكيييف
اخدت برد ومع المسكنات راح وتاني يوم مشيت بس السستر الغبية
مشتني علي طول دخت واغمي عليا لاني قمت بسرعة من السرير
ووقفت فحصلي هبوط فالضغط لاني مااكلت من فترة فوقوني بسرعة
وودوني علي سريري واعطوني عصير ارتحت ورحت غيرت ولبست ملابسي
وشالولي القسطرة اللي كانت مضايقاني جداا اكرها.
نسيت اقولكو قبل العملية بنص ساعة اعطتني سائل كدة وقالتلي اتسبحي بيه
اتسبحت بيه.
مليتو والا عجبتكو الرحلة حبيت افصصلكو الرحلة للافادة
ويااارب عقبال كل اللي منتظرة بيبي ياارب.
انا دلوقتي فبيتي بس الحلمة تعباني اشوي دعواتكو تطيب بسرعة عشان
اعرف ارضع ابني من غير تعب .