تعالو نكتب تجاربنا بمستشفيات الولادة في القصيم نفيد بعضنا

[شقـ بدلع ـاوة]

مرحبا كروشات كيفكم ..
بليز مابي اهمال لهذا الموضوع صدقوني فيه فايده لغيرك واللي عندها تجربه تشاركنا فيها ولاتنسو من كان في عون العبد كان الله في عونه
انا راح اعمل متابعة عند مستشفى المعالي ان شاءالله وكنت محتاره بينه وبين الحبيب في بريده والوفاء في عنيزه
بس الحبيب اسعارهم مبالغ فيها كثيييييير والمعالي الدكتوره كانت مشرفه على علاجي وفاهمه حالتي 90بالميه بكون عندهم

[Orchid109]

هلا حبيبتي
اشكرك على طرحك للموضوع
واتمنى تكون مرجع لبنات القصيم

وان شاء الله لو صار فيه اي تفاعل
راح اثبته

موفقة حبيبتي

[انا وطفلي1001]

الحمد لله كما ينبغي لجلال وجهك وعضيم سلطانك

[شقـ بدلع ـاوة]

كاالعاده اهمال للموضوع ليه مافي حماس ومساعده للغير..
عموما بعطيكم اللي اعرف خالتي ولدت بمستشفى الوفا في عنيزه قيصيريه تقريبا كلفتها 16الف مع المرافق وغرفة خاصه وجلست حدود 4ايام
ولما كانت مقررين لها طبيعي ب6الاف..
الزياره مسموحه للنساء 24ساعه وللرجال وقت معين

[Orchid109]

هلا حبيبتي اشكرك على تفاعلك
وحبك للافادة
ان شاء الله تلقي تفاعل اكثر انا للاسف ماعرف احد بالقصيم

عشان اسالهم عن تجاربهم ~

[شقـ بدلع ـاوة]

المشاركة الأصلية كتبت بواسطة orchid109

هلا حبيبتي اشكرك على تفاعلك
وحبك للافادة
ان شاء الله تلقي تفاعل اكثر انا للاسف ماعرف احد بالقصيم

عشان اسالهم عن تجاربهم ~

العفو ماعملت شي بس حلو التعاون نخدم بعضنا

[وردة المحبه]

حتى انا جديده بمنطقه ومحتاره اولد بمستشفى حكومي ولا خاص وخايفه من استغلال الخاص وخايفه من اهمال الحكومه انصحوني مين احسن وافضل مستشفى للولاده في بريده

[شقـ بدلع ـاوة]

المشاركة الأصلية كتبت بواسطة وردة المحبه

حتى انا جديده بمنطقه ومحتاره اولد بمستشفى حكومي ولا خاص وخايفه من استغلال الخاص وخايفه من اهمال الحكومه انصحوني مين احسن وافضل مستشفى للولاده في بريده

ايوا انا سمعت عن مشفى الولاده يمدحونه والحبيب بعد تنا كنت ناوية الحبيب بس بيفلسونك من غلاهم بس احتمال كبير اولد في مستشفى العام في الرس والا الوفاء في عنيزه

[السندريلا رورو]

السلام عليكم ورحمة الله وبركاته

انا عضوه جديده بالمنتدى وووموضوعك اكثر من رائع
انا ولادتي بولدي الاول كانت بمستشفى الحبيب ببريده
وكااان المستشفى بصراحه قمه
من النظافه كل شي يلق
والتعااامل من النيرسات والاخصائيات ممتاز الا اول وحده جتني من الاخصائيات كااانت مكشره وتعامها مو كويس اما الباقيااات مرررررررره ممتازات
والاهتماام كان اكثر من رائع كل شوي يشيكون علي وعلى البيبي
وكنت مررتاحه مرره بالمستشفى

بس ولادتي انا وطلوقي صعبين ,, مادري يمكن وراثه او شي
يوم جاء موعد الولاده وتجيني الدكتوره الاستشاريه اللي بتولدني وحولي يمكن 5 او 6 ممرضاات وكااانت ماشاءالله عليها الدكتوره والممرضات حبوبات ويهدووني وقتها .. ماتذكرت الا امي الله يخليها ويعظم اجرها كيف تعبت فينا

ومن خلصت ولادتي نيرسات مع الولد والدكتوره ونيرسات معي
وماشاءالله خياطتها كانت ممتازه وخفيفه

والحممممدلله قمت بالسلامه ههههههه
ايه ونسيت اخذت ابرة الظهر بس مااثرت فيني الا ساعتين .. الدكتور يقولي انتي اغرب مريضه تمر علي

والحمدلله عدت على خيرر
وانا الان حامل بالثاني الله يحفظه لي ومقرره اذا الله احيانا اولد بالحبيب مره ثانيه

والاسعار انا كان تأمين وكلفت لاني تعبت شوي وجابولي استشاريين 20000
لكن اتصلوا على المستشفى ويعطوكم الاسعار بالتمام وهذا رقم مستشفى الحبيب ببريده0163166666
وبسسسسس ماابي الا الدعوات الحلوه مثلكم

[ام رتوو99]

انا عن نفسي افكر كثير في الولاده بمستشفى القصيم الوطني

كثير ناااس يمدحونه وانا الحين اراجع عند د نجلاء

ربي يسهل علي وعليكم يارب