سؤال لحوامل التوأم.......

[لمياء]

مساكم عسل

انا حامل بداية الشهر الثاني

رحت اسوي سونار بالاسبوع الخامس

قالت لي الدكتوره الجنين لسى صغير مره جاي زي النقطه بكيس الحمل

تقول حسابك الاسبوع الخامس وفي السونار يبين انك في الاسبوع السادس

مع ان الجنين باقي صغير ومافيه نبض

وقالت لي تعالي الاسبوع الجاي نشوف النبض

سألتها هو توأم قالت لا واحد بس

وانا حاسه ان عندي توأم

سؤالي ..


فيه وحده مابين معاها التوأم من البدايه ؟؟

عندي امل ان الدكتوره ماعندها سالفه

ثانيا

النبض متى يصير وهل كلام الدكتوره طبيعي ؟

طمنوني وريحوا قلبي الله لايحرمكم من توائمكم

[ام منصور]

حبيبتي انا مابين التوأم الا في الاسبوع 12 وسويت سونار في الاسبوع 9 مابين الا واحد
ان شاء الله يكون توام معافين وكاملين الله يثبت حملج ويتمم لج يالغاليه

[لمياء]

مشكوره ام منصور الله يطمن قلبك عطيتيني امل

الله يعوضك عن اللي فقدتيهم ويرزقك البنين والبنات السليمين الصالحين انه قادر على كل شي سبحانه

[لمياء]

وينكم كروشات؟

ردوا علي ابي تجاربكم ونصايحكم

ام منصور كفت ووفت لكن ابي تفاعل منكم اكثر

[ام اولادى]

الله يعطيك الي في خاطرك

[لمياء]

وينكم كروشات ؟

رحت للدكتوره مره ثانيه تقول الكيس كبير والجنين صغيييير مره بس فيه نبض

وتقول انا مو مرتاحه لصغر الجنين

مين صار معاها كذا

طمنوني

[ماء زير]

نفس قصتي رحت لدكتوره في الاسبوع الخامس وقالت هذا كيس الجنين بس لس مابين الجنين

تعالي الاسبوع الجاي وراح يبين الجنين

نزل معي نقط دم ورحت لها في الاسبوع السادس وقالت كيس بس مافي جنين المفروض ان

الجنين باين ونسمع نبض قلبه وسألتها بس واحد ولا اثنين قالت لا واحد قلت لها انا احس انه اثنين

قالت لا واحد وكانت ماخذه اشعه مهبليه

الي خلاني اسئلها حلمت اول ماحللت ان بنت اختي عطتني ولدين بس ماكنت ادري وش سالفتهم

ذا الولدين ماجى في بالي توام بس مجرد سؤال

وانا استغربت حللت اول يوم الي مفروض انها تنزل فيه الدوره طلع الخط الثاني واضح

وكنت احس بزياده ضربات القلب وحسيت بحرقان في المعده قبل الدوره باسبوع

قالت لي الدكتوره انه احتمال يكون كيس من دون جنين وعطتني دفستون لمده اسبوع

وقالت بعدها اذا ماتبين لازم تتركين المثبت وتسوين عمليه تنظيف

اخذت الدفستون لمده عشره ايام وقالت اختي اتركيها ولا تروحين الا بعد اسبوعين يمكن يكون

تبين واشربي حلبه يمكن يكون قلبه ضعيف ويتقوي وكولي تمر واشربي لبن وحليب

تغذي زين محتاج تغذيه

رجعت لها بعد اكثر من عشره ايام ولا حصلتها ورحت لوحده ثانيه وسوت لي سونار وقالت

هذا الجنين واسمعي نبضه بعدين فرفرت على بطني وقالت هذا كيس ثاني وفيه جنين واسمعي

نبضه عندك حمل توامي بس الحمد لله على كل حال

توفى الاول بعد شهرين وتوفي الثاني بعد اربعه اشهر

وانتي شكلك زيي اتكلي على الله والي مكتوب راح تشوفينه

الله يرزقك بالحمل السليم الي تتمنينه

ونصيحه مني اذا كنتي حامل بتوام لاتعلمين احد حتى اهلك

انا من يوم دريت من فرحتي علمت اهلي وكل واحد علم الثاني

وفي نفس الاسبوع توفى الاول

مامداني افرح بس اسبوعين

وبين اني حامل بتوام في الاسبوع السابع

ماعليش طولت عليك بس حبيت اوضح لك

[لمياء]

ماء زير الله يعوضك خير ويجي بعد كم شهر تبشرينا انك حامل بتوأم

الف شكر عالتوضيح اللي انا ابيه فعلا

الله يطمن قلبك ويحقق لك امانيك

على بصيص الامل اللي اعطيتيني

[يــارا]

اختي لمياء رحتي مرة تانية لتفحصي ..ولا لسى
طمنينا اوكي؟؟

[لمياء]

المشاركة الأصلية كتبت بواسطة يــارا

اختي لمياء رحتي مرة تانية لتفحصي ..ولا لسى
طمنينا اوكي؟؟

هلا حبيبتي يارا

رحت الاسبوع الماضي وسويت سونار

وقالت لي واحد بس صغير والكيس كبير

بس انا حلمت كذا مره اني حملي توأم

مره حلمت ان الدكتوره وهي تسوي لي السونار تقول فيه واحد ثاني

ومره حلمت ان زوجي يقول عندك توينز

وماادري ماابي اقعد على امل ومافيه الا واحد

ولا ابي اسوي سونار كل مااروح للدكتوره اخاف يكون خطير عالجنين

الله يكتب اللي فيه خير