للإفادة أعراضي بعد ابره التفجير. وطلعت حامل. ولله الحمد

[حياتي توأمي]

السلام عليكم ورحمة الله وبركاته
حبيباتي
نظراً لرساله خاصه وصلتني عالبريد بأن انزل موضوع بخصوص اعراضي بعد ابره التفجير ولعيون العضوة ولعيونكم جميعاً. راح اكتب الاعراض اللي كانت بعد ابره التفجير مباشره

اولاً لما تحسي بمغص بعد ابره التفجير هذا دلاله على ان البويضه ماشيه بمسار صحيح وانها انفجرت والله اعلم
أنا باليوم الثاني من ابره التفجير جتني دوخه قويه لمده دقيقه لفت الدنيا بعيني
وكنت في ايام التبويض بحس بمغص استمر معاي حتى بعد ابره التفجير وزاد علي بعد التفجيريه

في اليوم 7 بعد ابره التفجير بالظبط يعني بعد اسبوع رجعتلي الدوخه مره ثانيه ورجعلي المغص على خفيف. ولكن بيوم الثامن زاد كثير علي لدرجه ماقدرت اتحمله مغص دورة واقوى مع وجع ظهر
وتاسع يوم خف المغص لكن ماراح قعد يروح ويجي بين فتره والثانيه لحد ماعرفت بحملي ولله الحمد واستمر المغص حتى بداية شهري الثاني. بس الحين خف ولله الحمد اللي احس فيه الم بالظهر.
نرجع لنقطه مهمه قبل ماعرف اني حامل
جربت طبعا تستات كثيره واغلبكم كان متابعني.
المهم. اليوم السابع من ابره التفجير عطاني خطين وفرحت كثير مع اني كنت متأكده اثر الابره ونزلت موضوع بالمنتدى والبنات اكدولي انها من الابره ونصحوني اعيد التحليل
ومن يومها كل يوم تستين هههههه يعني تحليلين باليوم او اكثر. عشان اطمئن عالخطين الحلوين
طبعا سابع وثامن وتاسع وعاشر كلهم خطين. وفرحتي لاتوصف
جينا لليوم 11من ابره التفجير وللأسف طلع سلبي وكان الصبح ولا اخفي عليكم زعلت كثير بس تأكت ان مفعول الابره راح وخلاص ماله اثر
بصراحه جربت التحليل مره ثانيه يوم 11مساءا. والمفاجأه الجميله ان الخطين رجعوا وهنا بدأت اتأكد شوي انه حمل. لأن مستحيل مفعول الابره يروح ويعطيني صباحا سلبي وبعدين يرجع مفعول الابره ويعطيني مساءا. خطين
المهم قلت اقطع الشك باليقين واحلل يوم 12صباحا
وحللت وطلعوا الخطين اوضح من اليوم اللي قبله وفرحت وحللت بيوم 13ويوم 14وكلهم خطين وبيوم 14 قررت اعمل تحليل رقمي واتأكد خصوصا انه نزل عليا افراز بني شبيه ببدايه دورة من يوم 13 واستمر ليوم 14 من ابره التفجير ولما حللت رقمي طلعت. حامل والفضل لله سبحانه ألف حمد وشكر له.
المهم اخذت مثبتات ولحد الآن وانا آخذ المثبتات
دعواتكم ربي يثبت حملي
وعقبال كل المنتظرات يارب

وانا بالخدمه وحاظره لأي استفسار. وجل من لايسهو يمكن نسيت شيء فأنتو اي استفسار يخطر على بالكم اسألوا وانا تحت امركم

وجمعه مباركه عالجميع
موفقين جميعا

[حياتي توأمي]

بنات نسيت شيء
جرعتي للابره التفجيريه كانت 5000 وهذي مفعولها يروح عن الجسم بعد 10 ايام بالظبط
وفعلا راح باليوم 11 صباحا مثل ماذكرتلكم. يعني اللي حابه تسوي تحليل وجرعتها نفس جرعتي تعمله يوم 11 ولكن متأخر شوي يعني مش صباحا
وترى مو شرط كل وحده تختلف عن الثانيه

[غفران.]

يسلمو حبيبتي على الموضوع وان شاء الله كل الصبايا تستفيد منه انا اخذت ابرتين تفجير كل وحده 5000 يعني الاثنتين 10000 كم يوم بدها حتى تروح مفعولها ومتى اعمل تحليل انا في اليوم الخامس من الابره

[الاميرة 2014]

يارب يارحيم يارحيم يارحيم
ثبت لكل وحدة حملها علي خير وفرحها بشوفة ضناها بكل الصحة والعافية ان شاء الله
موفقة حبيبتي الي كل الخير ان شاء الله

[حياتي توأمي]

غفران حبيبتي
روح مفعولها بعد 14 يوم والله اعلم

بس إذا انتي عندك مقدره تشتري كذا تحليل منزلي هاتي تحليل واعمليه يوم 10 او 11 عشان بس تتأكدي إذا كان لازال مفعول الابره موجود ولا لا
لأني سمعت كثير بنات خذوا نفس جرعتك ويروح مفعولها مايبقى اكثر من 10 ايام
أنا والله ماجربتها

بس معنى كلامي ياحبيبتي جربي بيوم 10 ولو طلع ايجابي بنقول من الابره وبننتظر ليوم 14
واما إذا طلع سالب معناه مفعول الابره راح من جسمك وتقدري تحللي بعدها بيوم او يومين لو طلعلك ايجابي بعد السلبي ماراح يكون من مفعول الابره ومابتكوني وقتها شاكه بالنتيجه لأنك سبق وحللتي وطلع سالب
أنا بقولك كمثال


موفقه حبيبتي وان شاء الله حامل يارب

[حبيبت عمر]

الله لايحرمنا هالطله ياقلبي لاخلا ولا عدم من هالمواضيع المفيده وان شاءالله الكل يستفيد بارك الله فيج ياصديقتي الحميمه يارب يثبت حملج وتشوفيه سليم معافى بعد تسع شهور ويومين يارب هههههههه^^

[حياتي توأمي]

حبيبت عمر

هههههه
اشمعنه بعد 9 شهور ويومين بعد. حرام عليج بنفجر بعدين ههههههه
تسلمين حبيبتي عالرد اللطيف شكرا عالمرور

[Reemi]

الحمد لله الف مبرووووك ي قلبي
بس خليك ع المثبتات لييين يثبت الحمل عندك اذا جيتي الشهر الرابع ع خير

[حياتي توأمي]

المشاركة الأصلية كتبت بواسطة reemi

الحمد لله الف مبرووووك ي قلبي
بس خليك ع المثبتات لييين يثبت الحمل عندك اذا جيتي الشهر الرابع ع خير

ايه حبيبتي. عالمثبتات مستمره
الله يثبت حملنا جميعا يارب
ويرزق كل المنتظرات اللهم آآآمين

[غفران.]

ان شاء الله ربي يثبت حملك ويرزقك بكل ما تتمنيه