الله لا يحرمني منكم ساعدوني

[ام الخير]

بسم الله الرحمن الرحيم
حبيباتي الكروشات ابغى شغاله بالشهر بس ابغاها تكون تعرف للاطفال بما اني حملت وبنتي لسى سنه و3 شهور يبغالها عنايه لاني اتعب احيانا وعندي بنتي عمرها 17 حتنتبه معاها بس لو جات من المدرسه تكون تعبانه وتنام حتى الغدا ماتتغدا ودحين جايه اختبارات راح اطب في حوسه ما بعدها وكمان حبذا لو تعرف تطبخ يعني بالذات لرمضان اعلمها وتكمل لاني مره تعبانه عشان حامل فوق اللولب وكل ما وقفت كثير يرجع ينزل مني دم والدكتوره قالت راحه تامه بليز من عندها ارقام شغالات حبشيات اندنوسيات بس ابغاها محترمه وطبيخه وتحب الاطفال بكم ممكن احصل؟؟ انا بجده اللي عندها تكلمني خاص بليز ربي لايخيب رجائكم ويحقق لكم اللي ببالكم
اللي ما تعرف ترفع الموضوع لو بدعوه بولد صالح بار كامل الخلق والخليقه بس لازم الكل يرد لو يدعي لي بس

[ام تميم 66]

الله يرزقك الولاد الصالحه يااارب ,,بس في جدة ماعندي فكرة يا الغلا,,,

[مــون حــبــيــبــي]

والله ما أعرف :(

[فديت حبيبي A]

الله يساعدك ترا فيه في مكه يالغلا

[ام الخير]

مشكورة يالغلا ام تميم ربنا يسمع منك وكل ما افتكرتيني ادعي لي بصلاتك فضلا وليس امرا وانتي مون شكرا لمرورك لا خلا ولا عدم فديت حبيبي فين في مكه تعرفي وحده شاطره ومحترمه اهم شي تحب الاطفال وتطبخ بس بكم يكون شغلها تقريبا واجازتها كل شهر لاني بعيده لو عندك عطيني رقمها واسمها وانا ادق عليها واقول لها من طرف مين<<<<<متحمسه صح دخلت عرض بس الله يخليك لو ما تعرفي اسالي لي مستعده اروح لها

[ام الخير]

معقوله ولا وحده ما تعرف من جده او حتى مكه زعلتوني من فك كربة عن اخيه فك الله عنه كربة من كرب يوم القيامه لا تتكاسلو افتحو جولاتكم ورصو الارقام بالخاص ولك اجر دائم عني وعن عيالي بالذات بنتي اللي بالثانوي اختباراتها بتبدا وهي حايسه بالبيت وانا تعبانه لما اشتغا يرجع النزيف