كل التحاليل سليمه وما حملت؟

[ام مع وقف التنفيذ]

يا بنات الناس اكلتني وصرت ما احب اقابل احد لاني ما حملت
صار لي اكثر من سنتين
تحليل حللت وكلها سليمة
وتمريخ وتمرخت
وكلوميد وابر اخذت مع ان الدورة منتظمة والمبايض ما فيها شيئ

ومرة وحدة حملت لان الدكتورة طلبت مني اخذ حبوب تثبيت حمل بعد شعوري بآلام قوية في بطني وحللت قبل الدورة بثلاث ايام وطلع التحليل حمل ضعيف وطلبت الدكتورة اوقف حبوب التثبيت وبعد خمس ايام حللت طلعت النتيجة مو حامل

وبعد نزول الدورة نزلت معها قطعة ما اعرف وش هي ونزفت كثير

واخر شيئ دخلت على استشاري وقال خلينا نجرب نزيد الجرعة ؟؟؟

ليش يجرب انا فئر تجارب !!!

الان انا زهقت من المستشفيات ولا اعرف وش اسوي

وعندي سؤال

هل تتوقعون اني احمل بس الحمل ما يثبت لان خواتي نفس الشيء اذا حملوا لازم ياخذوا مثبتات حمل

لان في بعض الشهور ومع وقت قرب الدورة احس حرارت جسمي ترتفع حتى زوجي ما يقدر ينام بقربي من حرارة جسمي وانام كثير حتى زوجي يزهق من كثر ما انام واروح الحمام كثير

؟؟ يمكن يحصل تلقيح يوم او يومين ولا يثبت ؟؟

اعرف الموضوع مخربط بس لا احد يلومني لاني زهقت بسبب الناس ازعجوني

واحب اقول زوجي حلل وطلع سليم

[بدورة الفرفورة]

انا مثلك بالضبط
انا سليمة مية المية ماشالله
وزوجي كان عنده ضعف بحركة المنوي وتعالج وصارت 50 بالمية الحركة
انا رح اكمل 3 سنين زواج وماحملت للاسف , الحمدلله على كل حال

يارب يرزقني ويااااااااااااااك الحمل كل محرومة يارب

ويمكن انتي حملتي كم مرة بس كان ضعيف !
الله واعلم

[ام مع وقف التنفيذ]

المشاركة الأصلية كتبت بواسطة بدورة الفرفورة

انا مثلك بالضبط
انا سليمة مية المية ماشالله
وزوجي كان عنده ضعف بحركة المنوي وتعالج وصارت 50 بالمية الحركة
انا رح اكمل 3 سنين زواج وماحملت للاسف , الحمدلله على كل حال

يارب يرزقني ويااااااااااااااك الحمل كل محرومة يارب

ويمكن انتي حملتي كم مرة بس كان ضعيف !
الله واعلم

الحمد لله ان زوجك تحسن
وان شاء الله تحملين وجميع المحرومين

---
تذكرت وانا اخذ الكولومين كنت اسوي متابعة للمبايض يوم 12 و14و16

الدكتور المسؤول عن الاشعة يسئلني اذا صار حمل من قبل او لا

وكنت اجاوب اني ما حملت وهو يعيد السؤال اكثر من مرة ويقول متاكدة؟

قرئت قبل يومين اذا الوحدة حملت يكبر رحمها حتى لو كانت بالاسبوع الاول اتوقع كلامك صحيح يمكن حملت اكثر من مرة بس ما ثبت الحمل ولا عرفت عشان كذا كان الدكتور يسئلني ؟!

[سمسم الجميلة]

ان شاء الله يا حبيبتى ربنا هيكرمنا جميعا انا مثلك بالضبط ولم يحصل حمل حصل من سنة ولحد الحين مو حملت يارب يرزقنا جميعا ان شاء الرحمن

[غيمة بيضـاء]

الله يرزقك الذريه الصالحه يارب

ولازم زوجك يعمل تحاليل

[ام مع وقف التنفيذ]

وش رايكم آخذ مثبت حمل

مثل ما قلت لكم يمكن يحصل تلقيح يوم او يومين ولا يثبت

هل يوجد اضرار لو اخذت الحبوب وانا مو متاكدة حامل او لا
امس حرارة جسمي عادية واليوم مرتفعة كثير يمكن حامل

يعني لو اخذت الحبوب يصير حمل كاذب او تتاخر الدورة وانا مو حامل ؟؟؟ او تنزل عادي بموعدها ؟؟؟؟

[سكـره]

الله يرزقك بالذرية الصالحه التامه الخلقة عاجلآ
لكن اختي حذاري من كلمة ((زهقت)) ...
أنا ماألومكـ لكن كثري استغفار وادعي بصلاتكـ ..
وانت ماتدرين وين الخيره لكـ ورزقكـ ماراح ياخذه احد
اما عن المثبتات أنا انصحكـ تروحين لدكتور ترتاحين له وتحسين انكـ تتقبلينه عشان تتقبلي علاجه
والله يتمم لكـ حمالك بخيرـ
أختكـ
سكـره

[قمراي20]

الله يرزقك اختي انا نفس الحكايه صار معاي من جد نبهتيني لحاجه انو في شهر من الشهور طولت الدوره يمكن 45يوم ماجات وكان ينزل معاي مثل الخيوط السودا على بالي دوره وشربت قرفه ابيها تنزل ومانزلت الا بعد اسبوع من نزول هالخيوط وكانت كثيره مع كتل دم وانتي بكرامه اعتقد اني نفس حالتك الله يرزقنا...

[بدايات الوله]

والله ياعزيزتي اللي بيشيل هم الناس مارااح يتهنى بلقمته
ترآآ اللي أعطاهم قاآآآآآآدر ياخذ منهم
أناا لي 8 سنين وربي اللي خلقني مافكرت بأحد غير نفسي وزوجي
طالماااا فاهمين الوضع ونسسعى بالأسباب مو مجبورين نبرر للناس أو نتخبى عنهم
هذي دنيا فاانيه مافي أحد أحسن من أحد ...
لازم تعيشي حياتك بكل مافيهااا عيشي اللحظه لا تفكري بالمجهول
وكوني مقتنعه ان رزقك محد بياخذهـ غيرك

قلبي سسامحيني اذا كلامي ضايقك وربي اول سطر بالموضوع مدري وش يبي ^_^

ايه بعد فيه شغله مدري حسيت بقشعريرهـ يوم قريتها..... (نكك)
احسسسه يبعد الخيرر!!!

عمومآ الله يرزقك الذرية الصالحه
انا أتوقع الدوفاستون مابيضر لأنه اذا فيه حمل يثبته واذا مافي ينزل الدورهـ
بسس على حسب ماسمعت تاخذينه لمدة 14 يوم وتنتظرين ثلاثه ايام اذا مافي حمل تنزل الدوره

[@ زوجه غيوره @]

انا مع كلام خواتي اللي قبلي فاللي قالوه يسلم لسانكم كل شي كان ودي

اقوله قلتوه واللله يرزقك ياقلبي اللي تتمنين يارب ويرزقني وكل محرومه 00