ساعدوووووووووووووني

[ايلاف الكردية]

السلام عليكم
شلونكم بنات
فدوة ساعدووووووووووووني
هذا حملي اﻻول وظروفي متسمحلي اروح لدكتورةاني بعد 5 ايام ادخل بشهر السادس
قبل اسبوع جان عندي حموضة متروح مني والطفل مجان يتحرك لو جان يتحرك اني ماادري بي بس هسة صارلي 3 ايام تقريبا راح مني الحموضة واحس الطفل نازل اني مااعرف شلون نازل لو ﻻ بس احس بثكل من امشي اكول هسة يوكع بس ماكو الم وﻻ افرازات موطبيعية واحس للطفل يتحرك يضرب عالمثانة يعني فجئة حسيت بهذا للشي شلون اعرف للطفل نازل لوﻻ عفية ساعددددددووووووني راح اموت من الخوف

[همسات القمر ~]

حبيبتي لاتقلقين اهم شي تهدين نفسج
..
الطفل اني حاليا بشهر 4 واحس بضرباته ع المثانه يعني مو ببطني
وان شاء الله تروحين للدكتوره وتطمنين اكثر
..
البكريه دائما تجيها وساوس
واني هسه بكريه ومتصورين شكد اوسوس .. وهسه اني مرعوبه لان دااحس ضربات قلبي زايده واكول اخاف بقلبي فد شي ومااكدر اتحمل الحمل
..
الله يعينا ويسهل علينا

[ريحانة الجنة]

عزيزتي لاتخافين الاحساس بانه الطفل نازل وبيوقع
هذا ثقل الحمل وطبيعي الاحساس به.. ويختلف من حمل لحمل
لكن لابد تشعرين بحركة الطفل الله يحفظلك جنينك

بسبب الطفل بعد شوي عن المعدة ريحتي من الحموضة شوي
بس ان شاء الله الطفل يتعدل بكذا وضع لين ربي يعطيك الساعة
المباركة يتعدل بحول الله وقوته للخروج

اهم شي حركة الطفل تحسينها والحمد لله انتي تقولين مافيكي شي
من افراز ااو الم فالموضوع والله اعلم ثقل الحمل فقط وهو امر جدا طبيعي

الله يعينك عيني ويقر عينك بسلامة جنينك
تحيااتي

[لوليتآآآ]

نفس الشي انا واحسس ضرباته بالمثانه والخوف ملازمني خايفه انه نازل وبيطيح ياليت اهل الخبره يفيدونا

[خوخهـ]

طبيعي تحسي بحركة تحت او اسفل مره ممكن تكون اطرافه او رجولة
مايخوف انا كل الحركة احسها تحت الى الان وانا بالسادس

[ام التؤامين]

معليش ارد ع الموضوع متاخرة
اختي حتى انا احس نبضات الجنين تحت بس ارفع رجولي شويه واحس نبضه في وسط بطني
والله تمم حملك وحملي وجميع وحدة حامل ع خير يارب