المقدوس السوري (لا يفوتكم)

[وردة سورية]

المقدوس يحتلّ مكدوس الباذنجان في سوريا رأس القائمة في المؤونة المنزلية، فهناك لا يمكن الاستغناء عنه، لا في غرف المؤونة ولا في أجنحة المعارض القروية الزراعية، ولا حتى على المائدة.الفطور او العشاء فهو نوع من المقبلات هكذا، يكتسب مكدوس الباذنجان مكانة خاصة لدى السوريين حيث جرت العادة بأن يكون «الأول»... والأصعب أيضاً، إذ ثمة «عرف نسائي» يقول إنه بمجرد الانتهاء من إعداده تكون قد أنجزت «نصف المونة»، بيت المونة في سوريا يفتح في شهر "أيلول" على مصراعيه يضّم المالح والحلو، المخلل والمجفف، ويتميز شرقنا بطقوس شتى لتحضير المؤن وحفظ أصناف الطعام، من سنين طويلة وفيها أساليب وفنون غريبة . ولكل محافظة أنواع معينة وخاصّة من الأطعمة وفي سوريا يعتبر"المكدوس" أشهر الأنواع وأكثرها صناعة وطلباً وبكميات كبيرة . وتتألف أكلة "المكدوس" من عدّة مواد أولها:(الفليفلة الحمراء، الجوز، الثوم، ) الطريقة الخطوات كتير سهله بس بدها وقت يعني 3 أيام وبتكون الأكله جاهزه المقادير حسب شو بتحبو تعملو كميه المهم تعرفو ان كل 20 كيلو بيتنجان بدو 10 كيلو فليفله حمراء ونص كيلو توم ونص كيلو جوز وينفع اي نوع من الباذنجان اسود او ابيض او احمر حسب الرغبة بس الاطيب اللون الفاتح ووممكن تعمليه باذنجان صغير او كبير كلو طيب المهم مقدوس بس لازم يكون اول موسمه عشان في منه تلاقيه مرمر ومبزر من الداخل نبدأبالتحضير منسلق البيتنجان لحتى يطرى ويستوي بس ما نخليه ليستوي كتير مشان ما يهتري وقت الكبس بعد ما يستوي منخليه شوي ليبرد ومنعمل شق جانبي بالسكين ومنحشي كل بيتنجانه ملعقه ملح صغيره والأفضل يكون الملح خشن وبس نخلص كل الكميه منصف البيتنجانات بمصفايه ومنغطيها بقطعه قماش ومنكبسها منيح بشيء تقيل ثقيل مشان تروح المي وينشف البيتنجان والملح هو يلي رح يساعد بأن المي تروح بسرعه وهي شكل البيتنجان بعد ما كبسناه بعدها منحضر الحشوه منغسل الفليفله الحمراء بعد ما نكون غسلناها ونضفناها من البذر نخليه قليلا بالشمس لحتى تنشف والفليفله تعمل حلوة او حاره وهي حسب الرغبه بعدهانحضر الجوز والتوم يقطع الجوز تقطيع ناعم بالسكين نجهز الثوم وهيك بتكون الحشوة جاهزه مقاديرها نذهب لطحن الفليفله بماكينه فرم اللحمه مع التوم ونصفيهم بمصفايه مشان اذا في مي زايده تروح وبعدها نضيف للحشوه الجوز وشوية ملح وهيك بتكون حشوة المكدوس جاهزه ومنحشي البيتنجان من نفس المكان يلي حشيناه بالملح وهيك المكدوس بيكون جاهز لنصفه بالمطربان ومنغمره بالزيت الزيتون ثم نقلب المطربان على فمه لغاية اليوم الثاني ثم نقلبه ونضع عليه الزيت حتى يغمره جيدا ثم يحكم إغلاقه ولا يفتح ويؤكل إلابعد 10 ايام يغمس بالخبز بتمنى تكونو استفدتوو بنصحكم تجربوه لأن كتيرررررر طيبة يمممم يممممم نشف ريقي وأنا اكتب الموضوع كرمال عيونكن وعيون ام فراس لان هي طلبت الطريقة

[dr.loly]

يم يمي .. كثــــــــــــــتير بشهي ... روعه تسلم ايدينك ياوردهـ

والله اني بعشقه لهالمكدوووووووووووس.. ومن اول ما اجيت بريطانيا بدور عليه وبعد مالقيناه مو طيب ابدآ ..
ورميته طول ..

وبعد الطريقه اتشجعت اعمله لحالي .خصيصآ انو كل المقادير متوفره عندي ... بس ماعندنا شمس هالايام مطر وبرد .. ياتري بيصير اعمله بدون ما اعرض الفليلفه للشمس؟؟

ايامات ماكنت ببلدي .. كنت بشتريه من محل سوري اسمه أطايب الشـــآم .. وبيعملوووووه روعـــــه ..


هو واللبنه والكبيس الشامي روعه ,,


وبم اني من عشاق البذنجاليات والمكاديس ههههههه
احلي لايك وفايف ستارز وتقييم لعيونكـ

ودي لك

[وردة سورية]

ياعمري ام فروسي
اي حبيبتي بصير ما تعرضيها بالشمس
بس غسليهم وخليهم شي نص ساعه لحتى يتنشف من المي
بعدين افرميهم بالخلاط
والف شكر لك عالتقيييم صحتيين وعوافي على قلبك

[υм вtℓαα]

فعلا المقدوس بيجنن لساتني كابسسته وطلع ذايب بيجننننن كثيييير
انصحكم تجربوه غير تدمنو علييييه
الله يعطيك الف عافييييييه

[fo0fo0]

ي لبييه امووووت بيه
يعطيك العااااافيه.

[سوزان الرياض]

تسسلم ايديكي
انا عمري ما ذقته بس امي تحبه كثير
شكلي راح اجربه بعد موضوعك
يعطيك الف عافيه

[وردة سورية]

الف صحة عقلوبكم يالغاليات
الف شكر لمروركم

[عطر الربيع]

اممممممممممممم وردة ماشاء الله عليك قلبي
طباخة ماهرة
انا ماعمري دقتو بس ان شاء الله راح جربو

يسلمو دياتك حبيبتي على الطرح الرائع

[وردة سورية]

تسلمي لقلبي عطوووره
منوره

[♥IcE pRiNcEsS♥]

يعطيك الصحه حبيبتي وررده
صراااحه عمري ما تذوقته
بس شهيتووني فيه يمم يمم
احلى تقييم لعيوونك