كيف تقبلتم الوضع .. ؟؟

[Um Ghala]

السلام عليكم و رحمة الله و بركاتهـ ..

أخباركم حبايبي ..

بس حبيت افضفض و حبيت اسمع رايكم ..

طبعا تعرفون موضوعي الأول .. اني ربيت في أخر الشهر الخامس و ماتت الطفلة ..

و أنا وياي 2 من أهلي كنت أنا حامل وياهم بنفس الشهر و نفس تاريخ الولادة 30/05 .. والله مب حقد مني و أدعيلهم الله يتمم حملهم على خير ..

بس يوم تشوفين اللي وياك بطنهم يكبر و تقرب الولادة تقولين أنا كنت بكون معاهم
و كل ما يطوف شهر أقول كنت بكون في السابع الحينه او الثامن او التاسع ... الخ
و كل ما يقرب تاريخ الولادة أٌقول الله يطوـوف هـ اليوم على خير بدون ما اتذكر اي شي ..

أنا اعرف انها خيرة من رب العالمين و أنا مب معترضه على قضاء الله و قدره ..

بس التفكير لابد منه و الحزن لابد منه .. اللي مرت بنفس ظروفي أكيد بتفهمني ..

ياليت تخبروني كيف تقبلتوا الوضع و كيف تشغلين نفسك عن التفكير في هـ الموضوع ..

أنا اشغل نفسي بالاذكار و التسبيح و الاستغفار و اقول الحمدلله ربي يريد لي الأفضل ..

و اسمحولي بنات .. والله يتمم على كل حامل حملها و ما يبلي أي حد بـ الفقد يآرب ..