قصه البسه حقتي

[أحلى ماما]

السلام عليكم ورحمة الله وبركاته

الحمد لله ولدددددددددددددددددددددددددددددددددددت وجبت احلى بنوته في الدنيا صغيررررررررة مرا زي البسه ههههههههههه وسميتها ليان

راح احكيلكم كل شي بالتفصيل المممل
يوم السبت الى راح رحت عند ددكتورتي كشفت عليا قالت مفتوح 2 سانتي ولو ماجاتك الولادة احد واتنين تجي يوم التلوت وادخلك على غرفه الولادة واديكي طلق صناعي
وطبعا ماجاتني الولادة ورحت التلوت الساعه 8 المستشفى مع زوجي وامي وام زوجي >>حفله
دخلت وادوني الروب وقاسو الضعط والحرارة وحطتي الحقنه الشرجية وحطو جهاز التخطيط
دا كلو في غرفه التجهيز مو غرفه الولادة
وجات الدكتورة قاستلي قالت 2 وحطتلي الطلق الصناعي
وجلست من 8 اليييييييييييييييييييييييييييييييييييييييييييييييي ييين 2 الضهر طلعت عيوني جات الدكتورة تاني وكشفت قالتلي برضو 2 سانتي وقالتلي روحي غرفه الولادة وانا حجي افتحلك مويه الراس ولمن رحت قالتلي ليش ماتاخدي ابرة الظهر قالتلها لا والف لا قالتلي حتتعبي ومدري ايش المهم زوجي اقتنع بيها بس انا لا وقلت اسأل ماما وماما مارضيت المهم بعدها قالتلي امشي وسرت امشي في المستشفى وبعدها جاني الم مراااااااا قوي ماقدرت امشي ورجعت الغرفه وسرت ازععععععق من الالم وجات الدكتور فتحتلي المويه وبدا الالم من جد وزعييييييييييييييق
وجابولي الكمامه وسرت اشم واشم ومرااااااااا تدوخ وسكرت وسرت اقول كلام غرررريب ومن الساعه 4 الين 8 وانا ازعق واشم وانام وارجع ازعق وزوجي مسكين يبكي عند امي يقلها خليها تاخد الابرة حرام والله اتعزبت وماما خايفه من الابرة بس في الاخير رضيت وجا الدكتور واداني الابرة وبعدها نممممممممممممممممممممممممممت الين سرت الساعه 11 وجات قاست قالت خلاص ولادة 10 سانتي وبعدها انقلبت الغرفه ويدخلو اشيا وجابو سرير النونو وانا فاتحه عيوني وبرضو فيا الم بس اقل من الى قبل الابرة المهم جات الدكتورة ودخل زوجي وامي وقالت يلا حعلمك كيف تدفعي وعلمتني وكل ماتقولي ادفعي ادفع طبعا من غير زعيق ولاشي ماما ماقدرت تشوف المنظر جلست على الكرسي وسارت تبكي وتدعي وزوجي فوق راسي يمسح على شعري وانا مو حاسه بشي بس ادفع المهم شويا الى قالت يلا بانت الراس وتقولي ماشاء الله شعرها طويل
وبعدين قالت يلا ادفعي لاتوقفي عرفت انو الراس خلاص بتخرج وبعدين فجاة مدري ايش سار سارت الدكتورة تزعق وتجيب مقص وطلع انو الحبل السري ملفوف حولين الرقبه بس قصتو بسرعه وخرجت النونو وجات تبا تحطها فوق بطني قولتلها لالا مابا شالتها ونظفوها وزوجي وامي سجدو وكانت ماما تبا تقول لى اخواتي وخالاتي اني ولدت لانهم كانو جالسين برا بس ماما ماقدرت تتكلم فتحت الاسبيكر وخلتو على صوت النونو وهيا بتبكي هما على طووووول سجدو
وزوجي مسكييييييييييين يبكي ويبكي وانا اقلو ليش تبكي انا كويسه مني حاسه بشي وقلتلو روح صور النونو هوا في ركن الغرفه في سرير النونو راح صورها والدكتورة خرجتلي المشيمه وورتني هيا مرااااااااا مقرفه >> الحمد لله على كل حال
وبعدين قالت لززوجي يلا اطلع برا عشان ابا اخيطها
وسارت تخيط وطبعا انا مو حاسه بشي وهيا تخيط جالسه تتحكى مع ماما ولاكنها بتخيط بس ماشاء الله عليها دكتورة كلمه شاطرة فيها قليله بعد الولادة كنت ابا اروح اسلم على راسها
وبس اخدو النونو وروشوها وجابولي هيا وانا لسى في غرفه الولادة يستنو مفعول الابرة يروح ورضعتها يناسو عليها زي البسه الصغيررررة وجلست ساعه وبعدين ودوني الغرفه وامي نامت معايا وطول الليل ياخدو النونو ويرجعو يجيبوها تاني مراااااااا ماعرفنا ننام
وعدا اليوم على خير بس من جد اتعزبت من 8 الصبح الين 12 بس الحمد لله انا والنونو كويسين ماشاء الله
وتوته توته خلصت الحتوته
وعقبال كل الى ماولدو
ونصيحه لككل بكريه تاخد الابرة والله ماتحسي بشي ابداااااااااااا وماتتعبي ومالها اي ضرر
يلا مع السلامه ابا اروح عند ليان البسه هههههههههههه