نزلت علي الحين سدادة الرحم بولد الحيوم او لا

[أم نجلاء 87]

عارفين وش اللي ابيه ارجف مو عارفه اكتب ..

نزلت علي سدادة الرحم الحين .. بقولكم من البدايه عشان تكون الصوره واضحه ..
موعد ولادتي ع حسب كلام الدكتور بكره باذن الله ..

الثلاثاء 26 /6 جاني الم اسفل البطن مثل الدوره دخلت الساعه 11 ورشيت ع جسمي ماي دافي خف شوي .. نمت ورجع الساعه 3 الفجر الاربعاء وطووول اليوم يالمني لدرجة مقدر اتحرك ولا اجلس فيه ضغط تحت (يمكن الراس) وان جلست يألمني زياده .. وفي الليل اخذت الشاور وحطيته ع بطني وظهري وكان الماي ساخن .. وسخن لي زوجي زيت زيتون .. طلعت من الحمام وتدهنت فيه وراح الالم .. الخميس والجمعه ماحسيت بشي .. وحركتها خفيفه .
بس اليوم من صحيت وفيني الم وقلت بنزل تحت اتغدى عشان ابي اطلع الدرج يمكن يصير شي.. واحس تكرمون ان ملابسي الداخليه مبلله بزياده .. ولما جيت فوق شقتي دخلت تكرمون الحمام وكانت فيه افرازات شفافه سايله ..
بعدها بساعتين رجعت الحمام وجاني فضول اشوف بالمرايه الا فيه شي ..
غسلت بالماي مانزل ..مسحت بكلينكس الا افرازات مخاطيه لونها مايل شوي ع الاصفر مع خيط دم فرررررررحت وصارت ابتسامتي عررييييييضه .. والالم موجود يروح ويرجع..
ادري طولت بس اللي ابي اعرفه ..
1/هذي بس اللي تنزل والا باقي شي
2/ الولاده قريبه او لا ..؟ اكمل مشي والا اوقف ..؟
3/ اشرب دارسين وادهن بزيت زيتون مع حبة البركه .؟
4/ أهــــــم شي الرحم الحين مفتوح أو لا ...؟

و بس جاوبوني الله يجزااااكم خير و يسهل عليكم و يرزق كل محرومه يااااااااااااااااارب
و لايحرمها من هالشعور الرائع خوف ع فرح

[أم نجلاء 87]

ووووووووووينككم ردوا علي

اكسر الخاطر اول شي فكرت فيه اني اكتب لكم و اخذ رايكم ..

[بنت من البنات]

ما اعرف والله روحى المستشفى افضل

[ام حنونه3]

روحي المستشفي ياقلبي اذا صار الالم عندك كل 10 دقايف والله يهون عليك يارب وماتتعذبي بالولاده

[وميض النجوم]

شوفي حبيبتي ،،

انا ماعندي خبرة كثير لكن دام في دم يعني ميه ميه ولادة بإذن الله لأن أختي نفسك كانت تتمشى بالحوش عشان تسرع الولادة وراحت الحمام وشافت خيوط دم وعلى طووول راحت المستشفى وقالو الرحم مفتوح وراحت تولد ،،

بس روحي المستشفى عشان تتأكدين أكثر ، أنشاء الله تولدين بالسلامة وتشوفين البيبي بصحة وسلامه وعافية انشاء الله

[3rosajadeda]

ماعندي فكره
بس احسن روحي المستشفا
الله يسهلك ولادتك وماتحسي فيها ويرزقك طفل سليم معافا

[~* عبق الأنوثة *~]

هلا حبيبتي ام نجلاء ..

المشاركة الأصلية كتبت بواسطة أم نجلاء 87

ادري طولت بس اللي ابي اعرفه ..
1/هذي بس اللي تنزل والا باقي شي
تبقى الموية
بعضهم تنزل عليهم في البيت قبل مايروحوا المستشفى
و بعضهم تنزل أثناء الطلق في المستشفى
2/ الولاده قريبه او لا ..؟ اكمل مشي والا اوقف ..؟
هذي أكيد ولادة
بما ان عندك الم يروح و يجي في نهاية ظهرك هذا عبارة عن الطلق
الله يسهل عليك
3/ اشرب دارسين وادهن بزيت زيتون مع حبة البركه .؟
انا ماجربت الدارسين و لا حبة البركة و زيت الزيتون
بس هذآ الوقت المناسب للمسهلات
يعني تقدري تاخذيهآ
4/ أهــــــم شي الرحم الحين مفتوح أو لا ...؟
اكيد مفتوح مدام السدادة نزلت
و الآن المفروض تروحي المستشفى عشان تشوفي كم سانتي مفتوح

و بس جاوبوني الله يجزااااكم خير و يسهل عليكم و يرزق كل محرومه يااااااااااااااااارب
و لايحرمها من هالشعور الرائع خوف ع فرح

ربي يسهل عليك و ترجعي تبشرينآ

[فديــته الــ غ ــالي]

هلاا ي رررحي

بالسسلامه ان شااء الله

لاتشربي شيء ي عمري انتظري اذا شفتي موووية الجنين طااايحه او حسسيتي بالالام تروح وتجي هذيك اللحظه اشربي

انا لما صاار مثلك جااني العلامه بالليل والعصريه اليووم الثاني ولدت

الله يقومك بالسسسلامه

[انثى من عطر]

المشاركة الأصلية كتبت بواسطة فديــته الــ غ ــالي

هلاا ي رررحي

بالسسلامه ان شااء الله

لاتشربي شيء ي عمري انتظري اذا شفتي موووية الجنين طااايحه او حسسيتي بالالام تروح وتجي هذيك اللحظه اشربي

انا لما صاار مثلك جااني العلامه بالليل والعصريه اليووم الثاني ولدت

الله يقومك بالسسسلامه

نفس الكلام

[ام حماد]

الله يهون عليك الطلق ويكتب لك الولاده السهله الميسره
شوفي ياقلبي هذي علامة ولاده اكيده بإذن الله
واهم شي لاتجلسين امشي كثير عشان يفتح الرحم بسرعه وماتطولين وانتي تطلقين وخلي خطواتك متباعده وسريعه
جهزي اغراضك وشنطة المستشفى وتحركي كثير واخذي شاور دافي واكلي رطب وانتظري اذا زاد الالم وصار كل خمس دقايق روحي المستشفى والله يسهل عليك ويقومك بالسلامه يااااارب