تناقص وتزايد هرمون الحمل تعبني

[ام نافجه]

السلام عليكم شخباركم

انا ماراح اقول عضوه جديده لاني دايما ادخل المنتدى من وراء الكواليس وادعيلكم بالخير والفرحه افرح لفرحكم واحزن لاحزانكم

ببدا انا دورتي كانت 14\2
والحمدالله بدايه شهر 3 الله كتب لي العمره وعمرت اسبوع وبعدها رجعت والمفروض الدوره تنزل تاريخ 15 بس مانزلت انتظرت لتاريخ 19 وسويت تحليل طلعت النسبه 1.34وقالت اللي في المختبر اني مب حامل وتوكلت على الله وانتظرت تاريخ 21 اعدت التحليل والحمدالله كانت 11.60ودخلت على الدكتوره وقالت في هرمون حمل بس يمكن حامل من اسبوع وقالت بعد يومين تعالي بعد ماتعدين 48 بس ماشاءالله زوجي كان مستعيل ماخلاني اكمل 45الا وانا امسويه التحليل كان امس تاريخ 24ووصلت النسبه 14.58 يعني جريب 15 بس الدكتوره قالت لا مايطمن عيدي التحليل اليوم الصبح ورحت عدت التحليل ولقيت النسبه 13.29 يعني نازل 0.99 سويت سونار قالت الدكتوره بطانه الرحم اوكي 2 سم والرحم نظيف وقالت لي اهم شي الراحه وانا صارلي يومين ونص اخذ الدوفاستون؟ بس قالت يمكن الغلط من المختبر او لانج خذتي دوا وسويتي التحليل قلت لها انا خذت الفوليد اسيد والدوفاستون وبعدها بساعتين سويت التحليل وقلت لها شرب كوفي وعصبت علي قالت الكوفي ممنوع .وعطتني موعد يوم الخميس بس قلت لها مابي الخميس براجعكم السبت

شورايكن حد صارلها جذي خطأ من المختبر او الادويه سببت لخطبه شوي لانه الهرمون مانزل وايد والدكتوره شوي طمنتني قالت في حاله صارت جذي معاها يقولون الهرمون ينزل والاوراق تبين انه ينزل بس المشيمه ثابته والجنين اوكي

ارجوكم خواتي طمنوني

[ام نافجه]

وينكم زعلتوني والله

[مرافئ]

أسأل الله العظيم أن يرزقك المواليد الصالحين وأن يقر عينك بأبناء عدد ما تتمنين .. أصحاء صالحين بارين ناجحين يارب ....

والله يا أختي انا في بداية حملي هذا كان هرمون الحمل ناززل مرررررررررررة

كان 8 والطبيعي 15 ....
بس هذا كلن في الشهر الثاني من الحمل ..
أعطتني الدكتورة أدوية لرفع معدل الهرمون ,,,, والله يتمم لي الحمل على خير الآن أنا في الشهر السادس ..

تطمني أختي ولا تشيلين هم ولاتفكرين كثير ,,, أهم شئ ادعي إن الله يكتب لك الخير وين ما كان ..


بالتوففيق

[مرافئ]

على فكرة أنا في أمريكا والدكتورة صارت تسوي تحليل لقياس هرمون الحمل كل أسبوعين .. أنت غريبة تسوين التحليل ورى بعض ..

لأن دكتورتي تقول القراءة الصحيحة كل أسبوعين ..

[ام نافجه]

المشاركة الأصلية كتبت بواسطة مرافئ

على فكرة أنا في أمريكا والدكتورة صارت تسوي تحليل لقياس هرمون الحمل كل أسبوعين .. أنت غريبة تسوين التحليل ورى بعض ..

لأن دكتورتي تقول القراءة الصحيحة كل أسبوعين ..

هلا اختي وشو الدوا اللي عطتج لزياده هرمون الحمل هل تقصدين الدوفاستون وانا الدكتوره اللي تطلب مني اعيد التحليل كل يومين بان والله اليوم كانو يدورون عرج لسحب الدم مالقو

[مرافئ]

المشاركة الأصلية كتبت بواسطة ام نافجه

هلا اختي وشو الدوا اللي عطتج لزياده هرمون الحمل هل تقصدين الدوفاستون وانا الدكتوره اللي تطلب مني اعيد التحليل كل يومين بان والله اليوم كانو يدورون عرج لسحب الدم مالقو

والله ما أعرف اسم الدوا ...
لأن أدويتهم هنا نفس العلبة ونفس الشكل لأنها تعبئة الصيدلية نفسها عشان كذا مو عارفة اسم الدوا...

باالتوفيق