بنات ارجوكم كلكم ادخلو موضوعي ( التبويض المتأخر وامكانية التلقيح)

[مادونا سعوديه]

السلام عليكم كلكم بنات وسنه هجريه سعيده على الجميع وربي يجعلها سنة الخير والمسرات
طبعا قبل كل شي كل مره اكتب موضوع علشان تسمعوني وتساعدوني للاسف كلش مااشوف تفاعل وتكسرون خاطري واقول خلاص ماراح اكتب مره ثانيه بس شنو اسوي احبكم واحب هالمنتدى الغالي علي واحب افضفض لكم حبيباتي ياليت ترفعون معنواتي وتجددون الامل في نفسي لاني بحاجه لدعمكم ومشاركاتكم بنات انا من ابتديت اخذ منشطات كان التبويض عندي يكون بالبيوم 13او 14او15 بس قبل شهرين كان التبويض عندي باليوم 19 والدكتوره حبطت معنواياتي تقول ان البويضه لنزلت بوقت متاخر تكون غير قابله للاخصاب ويسمونها طبيا شيخوخة البويضه طبعا ماصار حمل والشهر الي فات كان تبويضي باليوم 14 بعد ماصار حمل وهالشهر رحت للدكتور باليوم 19 من الدوره وكان حجم البويضه حلو ونزلت البويضه باليوم20 بس يابنات انا متوكله على الله بينما الدكتور بكلامه معاي وكانه يقول لي انسي ولا تحلمين ان البويضه بهالوقت المتأخر تتلقح انا اعرف انه كل شي بارادة الله بس الطبيب يقول دايما البويضات الجيده اهي الي تنزل بداية التبويض اما البويضات الي موزينه تنزل بوقت متأخر مع العلم اني من بداية بلوغي طول عمري تبويضي متاخر بس بعد المنشطات قام يصير مبكر التبويض بس انا اخر مره اخذت كلوميد من خمس اشهر الي بغيته منكم فيه وحده منكم كان تبويضها مبكر وفي فتره صار عندها التبويض متاخر وتلقحت البويضه وحملت او سمعتو باحد مثل جذيه