تجمع اللي ولدو في مدينه الملك فهد الطبيه1431

[عشيري2000]

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

كل عام وانتم بخير والشهر عليكم مبارك الله يتقبل منا ويعتقنا من النار

حبيباتي مثل ماهو واضح من العنوان اي وحده توها والده في المدينه الطبيه اللي

في الرياض بس بشرط يكون لها سنه بالكثير ماتجي وحده لها 5 سنوات وتذم فيهم

وفي عنايتهم لا نبي معلومات طازجه عن هذا المستشفى من ناحيه المراجعه والولاده

والخياطه وابره الظهر ودخول الزوج ورفض دخول دكتور او رجل غرفه الولاده

وعنايه المولود ونظافتهم كل شيء ومده الاقامه وعل فيه خدمات اضافيه بفلوس او

كلشيء مجاني يعني نبي نفتح باب للدرشه عن هذا المستشفى (حش وتقطيع وتبهير )

هههههههه يعني مما جميعه وش رايكم

[عشيري2000]

حبيباتي اللي تقراء الموضوع ترفعه عشان مايروح للصفحات الخلفيه

ومشكورين

[mr00m]

يا حبيبة قلبــــي .. موضوعكــ طرحنه اكثر من مرهـ ووما كان في جاوب نهائيا
انا من مراجعات المدينة الطبية بصراحة ناوية اولد عندهم ان شا ءالله
فتح الملف مو مجاني يعنــي يا فلوس ولا امر ملكي
والعناية في المراجعة بصراحة جدا رائعه والتعامل مرة حلو
والتحاليل في جميع انواعها روعـــه

وبعد عندهم غرفة مشتركهـ مجانياً.. او خاصة بفلوس بس ماادري بكم .. او جناح كامــل 1200

وودي اخذ معلوماتـ مثلك في ابرة الظهـر .. وغرفة الولادة

والله يقومنا كلنا بسلامة ويسهل عيلنا جميعاً

[عشيري2000]

يعني مافيه فايده من السوال على قولك محد عطانا معلومات كفايه

على العموم انتي اول مره تولدين عندهم

انا اختي تمدحهم وخالتي تذمهم معد درينا نصدق مين..بس على قوله وحده التساهيل من الله

سبحانه مو من مستشفى ولا من شيء ربي اذا سهل الامور يسخرلك الممرضات والدكتوره ذاك اليوم

الله يسل علي وعليك والجميع يارب ياكريم

والموضوع للاسف شكله راح يهمل الشكوى لله

[mr00m]

الله يسهل علينا جميعاً

ويسخر لنا ياربـ

[عشيري2000]

امين يارب الله يسمع منك

[المستحيله]

مرحبا انا والده فيه قبل 5 شهور تقريبا...صراحه رووووووعه نظافه واهتمام...
انا فتحت ملف عندهم علشان زوجي كان يشتغل عندهم وبعد ولادتي بشهرين خلص دوامه عندهم...
رحت عندهم وانا بالشهر الثامن.. بس صراحه ارتحت كثير عندهم ..كل مراجعه عند دكتور او دكتوره غير..والولاده روعه عندهم بغرفه لحالي وعندي ممرضتين يوم قربت الولاده جت الدكتوره ومعاها ممرضه تعامل الممرضات جدا راقي... وخياطتها حلوه...
ما ادري يسمحون للزوج يدخل او لا... لان زوجي يشتغل عندهم فما قالو شي..
الطفل يكون عندك ولك ممرضه خاصه متى ما بغيتيها تجي... ويسمحون بالمرافق..انا ولدت طبيعي واخذت غرفه خاصه اتوقع ب 600 ريال...صراحه المستشفى ممتاز..
اي استفسار انا جاهزه؟؟؟

[ايمان المحمد]

انا ناويه انشالله اولد عندهم
صديقتي والده عندهم وبالمره تمدحهم لي
تقول مره اهتمام وأخلاق وعنايه يعني من جميع النواحي حلو
وانشالله اذا جا وقت الولاده رحت عندهم واولد
واكيد بنقلكم تجربة ولادتي بأذن الله

[اغا دير]

موضوع جا بوقته فعلاً ..

الله يعطيك الف عافيه على طرحه وان شاءالله ما يهمل بالعكس ..
انا سبق وولدت عندهم يعني قبل 4 سنوات تقريبا ً << براااا
احس معلوماتي قديمه مع اني ولدت قيصري والعمليه تماام الحمدلله وعنايتهم مرره كويسه
والحين اراجع عندهم بس عيبهم اللي من اربع سنوات الى هالحين الموراجعاات يعني تنطقين ساعتين ثلاث الين تدخلين ع الدكتوره,وكل مراجعه عند دكتوره شكل هذا عيبهم بصراحه
احسن تكونين عند دكتوره وحده تكون عارفتك وعارفه حالتك مو كل مراجعه عند دكتوره أو دكتور شكل !!!
.
وانا راح اكون من المتابعين وبشده لهذا الموضوع عل الله ينفع فيه ..

واسمحي لي زرفت موضوعك وحطيته بمنتدى ثاني حلليني

[اغا دير]

معليش دخلله عرضيه ^_^

بالنسبه للأخت

mr00m

تقولين جناح كامل 1200 ريال .. مين سألتي .؟ وكيف عرفتي السعر لاني حابه اشووف هالجناح ..

ومشكووره