بسم الله الرحمن الرحيم
كيف حالكم صبايا ...تذكروني و اللي مايذكر عندي كم موضوع نزلو تحت وشوفو مواضيعي هع هع
اليوووم حبيت ادردش وياكم
الله يحفظكم و يخلي لكم حبايبكم طبعا انا ولدت ولله الحمد و ولدي يررركض الان ... المراد اني يوم كنت بالنفاس ماشيه تمام و منشطحه ع ظهري و البيبي جنبي الحلو الجميل و اكيد انا الف راسي بشال مع اذوني خبركم والد في ايام صيف و احمي نفسي من هوا المكيف
المهم اخذت اسبوع تقريبا و انا نايمه جاااني اسم الله عليكم الم الم الم فضييييع في شق راسي اليسار لدرجة اني ماني قادره اناظر وكيد ادويتي اللي وصفوها الي تحت راسي اخذت مسكن لكن كلش مو راضي يخف
سميت بسم الله و قريت ايات المهم طبعا الدنيا ليل محد حولي حتى النونو نايم
جلست ورحت اتروش خبركم عن الريحة الحلبه و الرشاد
شفت دائره بنيه في الجدار .... يو موراضيه تروح اصلا تمشي معايا ...
من وين هاي الدائره 0.0 وليش
عيني الله يسلمكم اشوف دائره بنيه ....
خفت و ارجف شلون ما اشوف من عيني اليسار وش صار لي 0.0
اقول لابو الشباب اشوف دائره بنيه على وجهك و وجه كل اللي اناظرهم بس بعيني اليسار
الكل استغرب قال لي من الان الى الغد لو ما راحت بوديك المستشفى
و الله اخذت 20 يوم وبعدها رحت
سوت فحص لي وقالت بقطر لك قطرات توسعه
حاااره حاااره حاااره عمتني و سوت تصوير وقالت معك مشكله بالشبكيه
و سوا لي تصوير وش اقول لكم بس افهموها هيك العين السليمه تجي شكلها حفره حلو انا عيني صايره جبل 0.0 يعني سميكه
قالو لي اطمني طالما لساتك والده ما اخذتي شهر فهي من اعراض الحمل
راح نعمل تصوير بعد 6 اشهر
رحت قال الحمدلله خفت شوي
التصوير الجاي اذا فطمتي الولد بمعنى اصح اذا جاتك الدوره الشهريه
انا ارضع و ماجاتني العاده ...
قال الدكتور لي لو فطمتي البيبي تعالي نعمل تصوير صبغه ...
هذا التصوير عباره ابره في الوريد يوضح الشرايين اتمنى فهمتو عليا
الحمدلله اذا تسئلوني وش احس بعيني احياننا الم و النظر قل
الحمدلله دعواتكم لي والله خايفه
وقللت قرائه و قللت من الاجهزه الجوال
تدرون الزم ماعلى الواحد صحته
وعذروني ع الاطاله واللي مرت نفس حالتي او مشاكل بعد الولاده دردشي و نواسي بعض
انتظر ردودكم
07-21-2016, 06:52 PM
خلصنا مشوار الحمل و لله الحمد لكن هل هناك اثار الحمل....؟! شاركوني
MnaR 
جديد منتدى منتدى فترة النفاس
العرض الشجري
