الرقية الشرعية للحمل (قصة وفديو)

[حلمي في طفل]

السلام عليكم

حبيت اهديكم الرقية اللي حملت عليها بفضل الله سبحانه و تعالى يا بنات انا من تزوجت ما حملت على طول طولت تقريبا سنتين الا لو تدرون يابنات شنو الي كان مانع الحمل لي اهو العين والنفس والله يكافيكم شرهم انشالله انا ماكنت ادري .....الا لما حلمت في يوم بحلم مزعج وكنت مستغربه منه جان تقوللي وحده اذا تبين تفسرينه دقي على اللي يفسر في الأتصالات والله ودقيت وقلت حلمي وثاني يوم دزولي مسج انه حلمي تفسر ودقيت وسمعت التفسير وانصدمت منه مع انه وايد ناس قالوا لي انه الحسد اهو سبب تأخر الحمل لي بس ماكنت مقتنعه لما سمعت تفسير حلمي من الشيخ اللي يفسر واقتنعت وقاللي اني احتاج علاج روحاني يعني الرقيه الشرعيه واذا كنت استخدم علاج طبي للحمل قاللي استمر فيه مع الرقية الشرعيه للحمل ...

مدة العلاج بالرقية 7 ايام كل يوم تقرئين
سورة الفاتحه 7 مرات + ختم سوره البقره في جلسه واحده + قراءة الأخلاص والناس والفلق كل وحده 3 مرات والوقت اللي تاخذه منكم الرقيه مدته ساعه وربع

+

الأستغفار 100 مره باليوم وطبعا ماتخذ من وقتكم 3 دقائق

ويفضل عمل الرقية بعد الدوره الشهريه على طول وبأذن الله يتم الحمل بنفس الشهر وإذا ماصار لسمح الله كرريها في الشهر اللي وراح وبأذن راح تحملين والله يابنات انا سويتها بعد الدوره على طول والحمدلله بنفس الشهر حملت وانشالله ياربي تسوونها وتحملون

ملاحظه : لازم تقرون الآيات لمده 7 ايام متتاليه ولا تمللون غصبوا نفسكم يابنات ترا الشيطان يوسوس لكم انكم تتركون الرقيه لا لازم تعوذون من الشيطان وتكملون وحطوا في بالكم انه انشالله هالشهر الله بيكتب لكم الحمل تفائلوا يابنات واحتمال اول يومين تحلمون بأحلام موزينه هم كملوا الرقيه ولالا تتوقفون عنها وانشالله يصير اللي تبونه .

و انا يا بنات الحمد الله الله رزقني بولد مثل القمر الله يحفظه و يخليه لنا انشالله
للمعلومية :قبل القراءة يكون التفلة في اليد
مو بعد القراءة لان التفل بعد القراءة مامنةفايدة
وهذي معلومة دوبني عرفتها

منقوووول