كل وحده تجي وتقول لنا وش جهزت بشنطة الولاده

واشوقاه لمن يراني ولااراه · 03-10-2011, 10:32 AM

بسم الله الرحمن الرحيم

تعالوانعيش هالفرحه..
ونقول وش جهزنا بشنطة الولاده
وياااارب ترزق طكل محرومه

أنا بصراحه كل يوم افتح الشنطه واناظر ملابس البيبي واقول متى تجي

طبعا تجهيزاتي

(للبيبي)
طقمين ملابس مع الداخليات وكل مايخص لبس البيبي
5حفاظات
لفافه
3مناشف صغيره
لوشن
مناديل جونسن
رضاعه
حليب
..
لـــي

قميص رضاعه
شراريب
بجامه
فوط
صابون
داخليات..

واشوقاه لمن يراني ولااراه · 03-10-2011, 10:33 AM

انتظرك،ـــــــ،م

روضة المها · 03-10-2011, 01:20 PM

انا لسه ماجهزت الشنطة وان شالله اول ماجهزها بنزل لكم الموضوع

واشوقاه لمن يراني ولااراه · 03-10-2011, 11:38 PM

ان شاء الله تجهزيها قريب قلبي
وننتظر الكروشات .. اللي مجهزين شنطة الولاده

Water Lily · 03-11-2011, 09:38 AM

تسلمين على الموضوع اختي
انا بعد ليحين ماجهزت الشنط ... واذا دخلت الثامن وبيكون بعد اسبوع ان شاء الله بجهزهم بإذن الله ..
بس بكتب لكم ايش الي راح اجهزه:

شنطة البيبي:
3 اطقم ملابس ... مع الملابس الداخلية ..
1 طقم للخروج من المستشفى ...
2 مهادين
الحفاظات افكر اجيب الكيس كامل لاني خذت اصغر كيس
طبعا قبعة قطن وقفازات
فوط صغيرة
زيت جونسون او لوشن سيباميد
الحليب
رضاعتين وحدة كبيرة والثانية صغيرة
افكر اجيب معاي ال sleeping bag ليوم الخروج من المستشفى ..

شنطتي:
3 قمصان نوم للولادة عادية
يمكن روب واحد كشخة يناسب القمصان كلها
نعالة تناسب الروب والقمصان للغرفة ..
طبعا الملابس الداخليه
كلوتات الدورة اهم شي او الفوط الصحية .. الصراحة فوط المستشفى ماارتاح فيهم ..
فوطة
جوارب
بجامتين او 3 بجامات
طقم للخروج من المستشفى
الكاميرا ... ههههه اهم شي
طبعا شيلة الصلاة
الصابون والفرشاة والمعجون والشامبو ..
مفرش لسرير للمستشفى ...

جموله الكتكوته · 03-11-2011, 11:59 AM

انا ماجهزت لسى ان شاء الله لما اجهز ارجع لكم
دعواتكم لي طفشانه ومالي خلق لتجهيز

واشوقاه لمن يراني ولااراه · 03-11-2011, 11:59 AM

ماشاء الله عليك
حلو تخطيطك
ذكرتيني بالشامبو الله يسعدكـ
بس احس الاغراض بتكون كثيره وبتتعبي فيها..

واشوقاه لمن يراني ولااراه · 03-11-2011, 12:01 PM

جموله
افاااا ليه بس
الله يفرج همك قلبي

Water Lily · 03-11-2011, 12:48 PM

الأغراض ماراح تكون كثيرة
والوحدة ماتعرف بظروفها في المستشفى ... يعني اجيب معاي احتياط زيادة ولا ينقصني شي
وصدقيني هاذي الاشياء بتكفي حتى في شنطة صغيرة للسفر .. ماعدا قمصان النوم والروب علشان مايعتفسون اجيبهم معاي بتعليقة .. ونفس الشي أغراض الطفل ...
وممكن تجهزين شنطة ثانية في البيت فيها احتياط زيادة اذا مو حابة تكثرين على نفسك... واذااحتجتيها توصين احد يجيبها لج وانتي في المستشفى ..

والله يقومنا بالسلامة ... ^^

واشوقاه لمن يراني ولااراه · 03-11-2011, 08:46 PM

معاك حق انا جهزت بعد بالبيت شنطه احتياط ..
وبقول لزوجي يجيبها لما احتاجها
الله يسمع منكـ ونقوم بالسلامهـ
..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا تجمع العنايه بالبشره والجسم في فتره النفاس كل وحده تدخل وتقول ايش سوت	عزيزة النفس	الموضة و الجمال	164	12-08-2012 02:08 AM
كل وحده تدخل وتقول بايش توحمت....	ماما في الطريق	منتدى أعراض الحمل والوحام	19	12-03-2010 05:12 AM
أغرب سوالف وحاااام الحمل(كل وحده تدخل وتقول شو توحمت عليه)	اكابر واحبس الدمعه	منتدى أعراض الحمل والوحام	20	11-08-2010 06:12 AM
كل وحده تدخل وتقول لمازوجها برا البيت وش تسوي	اميرة بدنيتي	منتدى الحياة الأسرية والزوجية	17	10-18-2010 01:49 AM
تجمع الحالات النفسيه بعد الولاده كل وحده تدش وتكتب حالتها بعد الولاده؟؟	جولى الأرووبه	منتدى الحياة الأسرية والزوجية	30	08-22-2010 06:51 AM