ابي اقول لزوجي بس مستحيه

[غنى84]

ب[size[/size]
سلام صبايا
انا شريت نشافة ملابس بفلوسي وصارو اهل زوجي يستخدمونها بدون مايقولون لي انا ساكنة فوقهم بشقة والنشافة في مستودع بس خارجي مفصول عن البيت عشان كذا هم ماخذين راحتهم صارو يستخدمونها اكثر مني
ابي اقول لزوجي اني متضايقه بس استحي اخاف يفهمني غلط واخاف اقول لهم يزعلون انا بس متضايقه من حركة عدم الاستئذان اوك يستخدموها بس يستأذنو اول بس هم مفكرينها بفلوس ولدهم وانه يحق لهم
شورو علي الله يسعدكم محتااااااره مابي احد يزعل مني لا زوجي ولا اهله

[الكاردينيا]

السلام عليكم اختي الغالية وبالبداية اكيد ماكو فرق بينكم بس اعتقد اذا كلمتي زوجك بهذا الموضوع راح يتضايق
وراح يحس اكو فرق بينكم صح انتي من حقج ياخذون اذن منج حتى لو كانت بفلوس ابنهم بس انتي كوني اكبر من هذا الشي واتغاضي عن الموضوع الخاطر زوجك وحتى لاتصير مشاكل من لاشئ ويااارب الحياة الحلوة

[نسرين فادي]

ليش حطيتيها بالمستودع ليش ما خليتيها ببيتك مشان تكوني مطمنة مع انو ما فيها اي مشكلة لو اخدوها بس لازم يستادنو و انا برايي تقولي لزوجك انهم بياخدوها من غير غلمك بس ما تبيني انك زعلانة بعتقد هو راح يفهم و الحقيقة ما تزعل احد

[قــــــــــمر]

اذا قلتي له بتفتحين باب انتي في غنى عنه
يعني لو فرضا قلتي له ايش المطلوب منه يعني ؟؛ يروح لاهله يقولهم لوسمحتو استاذنوا من المدام !!
فعلا ساعتها بيتحسسون وتتغير نظرتهم اتجاهك ماتبينهم يستعملونه الله يعافيكي شيليها وحطيها في حمامكم
ماعندك مانع يستعملونه خلي الوضع مثل ماهو
واذا ودك يحافظون عليها اثناء الاستعمال مافيه مانع تقولين لهم عجبتكم النشافه اي والله انا كنت متحمسه اشتريها وماقدرت اصبر لدرجة اني اشتريتها من فلوسي الخاصه
وبكذا بينتبهون ويحافظون عليها اثناء الاستعمال
اما تقولين لزوجك مالها داعي بالمره !!
الله يوفقك

[غنى84]

الله يسعدكم ياللي رديتو

[برّو !]

الله يعينك الصراااحه

شيليها داخل الشقة حتى لوما فيه مكاااان
دبري لها

انا نشافتي مع الغسالة بالمطبخ

[أسوم]

من البدايه الشي الي خايفه عليه المفروض تحطيه بشقتك
ولاتفكررررررررري عزيزتي تقولي له شي تغاضي عن الموضوع
الا اذا تقدري تتحججين انك احتجتيها بالليل والجو بارد ومن هالحكي الين ماتقدري ترجعيها فوق بس لاتسوين مشكله عشان نشافه

[برستيج آنثى]

لاحبيبتي مانصحك ابدا تقولين له او تبينين لاهل زوجك انك متضايقه

فيه شيء ممكن تسوينه !!

انك بطريقه غير مباشره تقولين لهم انك انتي اللي شريتيها بفلوسك وبسسسسسس

مثلا وانتم مجتمعين على القهوه افتحي سيرة الغسالات والنشافات وقولي والله اختي مثلا عجبتها النشافه اللي شريتها بس غاليه عليها انا جلست شهرين اجمع في ثمنها << كذا راح يعرفوا انك انتي الي شريتيها وخلاص قفلي الموضووع

وديري بالك تبيني انك متضايقه فكري بعقل الحين راح تكسبين اجرهم لما يستخدموها وماراح تنقص ولاتزيد اذا استخدموها صح!

هو صح من باب الذوق مفروض يستاذنون منك بس خليك اتتي الذوق گله واحتسبي الأجر اهم شيء الله يسعدك

وش نسوي عاد كلنا مثلك ننقهر وننكتم مانقدر نتكلم عشان مانخرب بيوتنا الله يعين

بالتوفيق حبيبتي

[Oum meryam]

انا رأي من رأي الأخت الركدينيا إنت ماشاء الله عليك أكبر من هيك وما في فرق بينك وبين زوجك
الله يسعدك لا تقولي اي شي لزوجك
واحتسبي اجر استعمالهم وصبرك عليهم عند الله

[مشاعل الدوسري]

السلام عليكم

حبيبتي اسمحي لي اقول رأي .. و بدون زعل..

اولا معاك حق المفروض يستأذنون لكن بما انك معاهم بلبيت و صرتي وحده من اهل البيت المفروض ما تعزين عليهم شي ..
و ادري المساله ماهي انك نعزين شي لكن انتي ما تبين حد يستخدم غرض لك من دون رأي تخيلي انك ساكنه في بيت اهلك
و لكن منعزل خاص و جاتك امك و خواتكو حطو ملابسهم في النشافه .. ايش بتقولين لهم بفلوسك ولا بفلوس زوجك ..

ماهي حلوه ..

اذا قلتي لزوجك بيعتبره بخل و قلة صنع منك و انا اشوف انك مكبره الموضوع زياده عن اللزوم بفلوسك بفلوسه مافي فرق ..

و بلنهايه لا اعتببرتي ان اهل زوجك مثل اهلك ماراح تفرق معاك و لا تفاتحينه بشي ما نصحك ..