مررررحبا هاي اول مشاركة لي فالمنتدى .. من زماااان عن المنتديات بس حبيت أخوض وياكم بالمشاركات في هالقسم المميز...
مشكوره على طرح الموضًوع لأني بالفعل كنت بنزل موضوع مشابه لزيادة المعرفة والتجارب .. عسب الكل يستفيد ويفيد...
اليوم لي خامس يوم من الترجيع ( أجنة مجمدة ) جنين واحد الله يثبته ان شاء الله .. في يوم الترجيع قالولي المثانه لازم مليانه ... لبّسوني الملابس الخاصه قبل ما ادخل على غرفة العمليات .. الدكتوره بعد ما نقلت الجنين على طول دخلت تحميلة التثبيت ( هالتحميله اخذها قبل الترجيع تقريباً بأسبوع مع حبوب الاستروجين البيضا ) والى الان مواصله على التحاميل والحبوب ... من بعد ماحطتلي الدكتوره تحميل المثبت على طول قالتلي خلصنا بامكانج تطلعين وتروحين الحمام .. استغربت على بالي برتاح عندهم ساعه والا ساعتين ..
قالت اول ماتطلعين امشي نص ساعه وكل يوم نص ساعه بعد .. جماع ممنوع لين فحص الحمل .. والرياضه ممنوعه .. وحمام السونا ... وقالت اشربي اللي تبينه وكلي اللي تبينه ماذكرتلي شي معين يعني من الاخر ( عيشي حياتي ولا توسوسين )
اليوم خامس يوم ما احس بأي شي حتى مرّات أقول يمكن الموضوع ما مشى وياي بس الحمدالله متفائلة ومستانسه واكيد اذا في اَي أعراض ببلغكم ..
:::ملاحظه::: 
اخواتي العزيزات اللي لاحظته بعض البنات يطرحون المواضيع وفالنهايه مانعرف شو النتيجه اذا ايجابيه او سلبيه يعني اذا حملت او لا .. فا أتمنى اللي بتشارك دامها عرضت حالتها تخبرنا لين للنهايه ..
وأتمنى ان يكون عدد كبير من المشاركات عسب الكل يستفيد