صباح الخير اختي
اليوم الصبح شفت هالحلم وان شاء الله خير يا رب
بالحلم الدنيا كانت ليل مو نهار
حلمت اني انا واختي اميرة وعمتي اخت ابوي اسمها ختام ماشيين من الشارع علی بيوتنا واحنا ماشيين كنت راح احكي لهم شي لحتی يخافوا وعمتي تقول لا لا انا بحكي وهالشي صار عنجد وصدق
وانا واختي نقول طيب احكي
وهي تقول:
لما كنت عند بيتي شفت زي واحد اسود ماشي عالشارع وكان في بايده حبة بندورة (بيشبه الظلال والشبح) .... وانا اختي نخاف ونتطلع ببعض واستمرينا بالطريق انا واختي لحالنا ووصلنا للشارع اللي جنبه بيتنا (بيت اهلي) .. واحنا نتطلع عالشارع اللي حكت عليه عمتي اللي شافت فيه واحد اسود وماشي ... وفجاة واحنا بنمشي ونشوف واحد ماشي وجاي بطريقنا ...
كان شكله اسود وطويل مو سمين نحيف بس مو كثير وكانت مشيته سريعة
وانا واختي بتطلع ببعض وخفنا وبالاحری متنا خوف
وانا بسرعة نركض عالبيت ...
ولما دخلنا كان كلشي تمام وعادي بالبيت ابوي واخواني والكل
ولما دخلنا غرفة البنات تفاجأنا بأن في ببيتنا 3 اشخاص مثل اللي شفناه بالشارع بس ما حد كان خايف كانو بتصرفوا عادي بس انا واختي اميرة خايفات
وانتعی الحلم
....
اول مرة احلم حلم هيك
ايش التفسير لعله خير يا رب
...
انا زي ما بتعرفي متزوجة وما عندي اطفال
اختي اميرة متزوجة من 3 اسابيع تقريبا
عمتي ختام متزوجة وعندها اطفال اولاد وبنات
لا ندرس ربات بيوت
وانا اليوم طهرت من الدورة وكانت نيتي ابدا من اليوم رقية
....
ارجو تفسيره وشكرا