صبااااااح الخير
بليييز حبايبي اقرأوا المشكلة بتركيز
عندي صديقة دائما تشتكي لي من موقف مزعجها ماعرفت افيدها البنت تزوجت قريب لها كان يتمناها من طفولتها زوجة له في ايام الخطوبة كان يقول لها بنروح شهر العسل دولة أوروبية وكان يقولها اختاري السيارة اللي تبغين اشتريها اختارت له سيارة امريكية راقية وسعرها معقول تقول حمّسها وكان يغريها ويوهمها بحياة واااو من سيارة
لشهر عسل لفلوس وتجارة رغم انه موظف بسيط كان في قطاع خاص وقبل زواجه
بشهر تعين بوظيفة حكومية المهم تقول تزوجنا ووقتها ما جبت له طاري وين بنسكن
تقول السيارة اللي اشتراها اقل بكثير من مستوى السيارة اللي رشحتها له و شهر العسل
اللي قال لها بوديك اوروبا وداها الإمارات وبس قعدوا فيها ٥ ايام عسل على قولتها مو اسبوعين او شهر زي الناس وتقول الطااااامة الكبرى انهم رجعوا البلد وراحو الشقه اللي بتعيش فيها وهي ملك لوالده طلع منها المستأجر اللي كان فيها يعني شقة مستخدمة تقول دخلته مررررره دمار الحمام الله يكرمكم يفيض مويا ويخوف مهجور ومكسر المواسير والمطبخ مجرد عواميد واسلاك وحتى غرفة نوم سرير على الاقل ننام فيه ماااافيه تقول نمنا على الارض والمفارش قديمه ماتليق بعروس في شهر عسلها وستائر مافيه تقول زوجي يغطي الشباك بشرشف عشان الشمس .!!
الزبدة تقول ما ادري كيف وقتها ربي صبرني وكنت عادي ساكته لأني عروس ومبسوطة
وتقبل الوضع بس تقول صار لنا الحين كم سنه متزوجين وقمت اتحسف على وضعي اللي عيشني فيه عروس مفروض يكرمها بغرفة نوم بشقة نظيفة تعبر عن حبه لها م يستهين فيها للدرجة ذي ! تقول لها كم يوم وهي تهاوشه وتذكره باليوم ذاك انه خلاها تنام على فراش بالارض وانهم قضوا فترة طويلة متملكين ليش ما جهز لها الشقة واستغل الفرصة وتقول له ليه قلت بتوديني شهر عسل اوروبا وبعد ما عرفو قريباتها وصديقاتها راح فجاه حجز على دبي بس ٥ ايام فشلها عندهم بدون ما يقصد ..
تقول كل معارفها يسوون بوفيه عشا مفتوح بزواجاتهم وهي سوالها عشا مفاطيح عااادي للعلم ان البوفيه ارخص من الذبايح تقول مقهورة الى الحين لانها طول فترة الملكه تقول له نبغى كل شي حلو زواجنا و شهر عسلنا لانها ايام لااا تنسى ورح يسألوني عنها عيالنا ..
وانقهرت مره من مسالة الشقة وعفستها و سفرة شهر العسل مع المدة اللي قضوها وقالها وش تبغي سيارة واشترى نوع ثاني مستهلك و إنه ما جاب لضيوفهم عشا بوفيه مفتوح زي النظام الدارج في زمننا تحس انه قلل من مستواها قدام الكل و تحس انه استغل قرابته منها واستغل سكوتها وتغاضيها عن مسالة مسكنهم وتقول كيف يحبني واخذني عن حب واخرتها دخلني في بيت كذا وما اهتم انه زواجهم وعسلهم يكون ذكرى حلوة وماناقصها شي ومواكب للعصر كأنه يبغى يسلك لها وبسس يبغى مشي حال وبس تقول قاهرني ما اقدر اسامحه او اطوف له كل شوي اذكره واتزاعل معاه لان مافيه عريس يدخل عروسته خصوصا محبوبته بيت متدمر مكسر لا اثاث ولا شي يبيض الوجه !!
مع العلم اني دخلت شقتها قبل فترة أصبح اثاث انييق جدا وغالي وراقي
لكن لم يكتمل ويصبح بهذا الشكل الا بعد مرور سنوات على زواجهم ..
- لو انتم مكانها كيف تتصرفون بكل صدق واماااانه ؟
ايش رايكم بشي زي كذا عروس تدخل بيتها بهالشكل !!
ناقشوا الموضوع وفصلوه لي لكن ارجوكم بدووون مجاملات او مثاليات
لانها هي ماتدري اني كتبت الموضوع هذا بس قصتها وموقفها وجرحها
اثار فضولي وتعجبت منه حبيت أشارككم فيه وهل حصلكم مواقف مشابهه ؟
شكراً ♡