السلام عليكم
لاننا مانستخدم النعناع كثير اجففه وافرزنه لوقت الحاجة
والطريقة انو نغسل النعناع
سواء بالعيدان او بعد توريقه
وننثره ع منشفة اوجريدة
ونتركه في المطبخ او في الغرفة لأيام حتى يصبح يابسآ
ونجمعه في حافظة في الفريزر ويقعد شهور
.
.
.
وهادي طريقتي في فرزنة الزنجبيل الاخضر
انا اول ما اشتريه اقشره وابشر الكمية كلها
واوزعها ع شوية شوية في مكعبات الثلج وصينيات الكاب كيك
وادخلها الفريزر ليلة لين تتجمد واجمعها في حافظة
هادي صورة من اللي مفرزن عندي
ع فكرة انا كنت اتعب بالبرش اليدوي
بس تعلمت من الجيران انهم يحطو الزنجبيل في عصارة البصل
او محضرة الطعام
تبشره بسهولة
وقبل احطه في صينية مكعبات الثلج احط كيس بالاول
عشان ماتلصق ريحة الزنجبيل فيه
وحتى لما احطه في صينية الكاب كيك افرد كيس
عشان اقدر اطلع الزنجبيل بسهولة اليوم التاني
وبكذا نكون عمليين ونقدر بسهولة ناخذ مكعب زنجبيل للقهوة
او لأي احتياج نحتاجه بسهولة بدون مانعاني بالتقطيع والتقشير والغسل وغيرو
يلا كل واحدة تفيدني بطريقتها بتخزين الزنجبيل الاخضر والنعناع؟؟؟؟