شوفي حبيبتي يمكن انتي بسن المراهقه ف التغييرات النفسيه هي السبب ، مع انه مو عذر ابدا ..
انتي عارفه انك غلطانه وحاولتي تعدلين نفسك وعجزتي ؟ طيب ايش قوه علاقتك بربك ؟ خوفك منه ؟
طيب بقولك شغله ، قفلي عيونك وتخيلي امك ماتت ( اسم الله عليها وربي يحفظها لك ) ، وقوليلي ايش راح تتمنين ؟
اكيد بتتمنين ترجع لو دقيقه وتنامين تحت رجولها ، وبتسوين كل شي عشان ماتزعلينها بس
الام مقدسه جدا جدا جدا عندي ، حتى لو هي غلطانه من راسها لساسها مو الابناء اللي راح يحاسبونها ..
ربنا سبحانه ماعطاك حق تحاسبينها ب اي شي هي تبي تسويه ، بس اعطاها حق انها تردعك وتنتقدك وتشوف وش الصح وش الغلط
انتي عليك البر .. البر والطاعه وعدم المعصيه ،
اصلا مزاجيتك تستاهل انك تضايقين خلقها عشانها ؟ والله مزاجيتك ذي بتكرهينها لو لا سمح الله صارلها شي
الامهات مو مثل المراهقات عندهن طاقه كبيره !! الامهات مضغوطات على مر كم سنه .. ويمكن اي سبب لو ضعيف يجلطها ويتعبها !!
ياختي امك مدري كيف تتكلمين عنها بالطريقه ذي ؟؟
والله ان امي تهزئني قدام العالم وانا حرمه طول وعرض ومعاي درزن عيال واضحك وابتسم واقعد استهبل واضحكها ..
وتقرر ب اشياء تخصني على كيفها ولا قد قلتلها ليش .. فداها ياختي كيفها خليها تنبسط ليش اضيق عليها حياتها بشي من امور الدنيا
عادي روقان روقان .. وكل مامزاجيتك بدت تسوي فيها ، غمضي عيونك وتخيلي انك تفقديها .. صدقيني لحظتها وش ماكان الموضوع تتخيلينه كبير راح يصغر ، وراح تتقبلينه بروح رحبه وسيعه ..
اما بالنسبه لكلام الحب .. شوفي امي بعد جافه معي ب الحكي بس مو معناته ماتحبني ؟؟
امي تموت فيني .. وتحبني ، وانا قطعه منها مافيها شك ابدا ..
بس انا اشوف حب امي ب اشياء ثانيه ..
لما اغلط وتهزئني وتعلم كل العالم علي .. اعرف ان حبها لي سوا كذاا
لما ازعل واتضايق ولا ارضا اكلل وتجي تغسل شراعي وتخليني اكل غصب عن خشمي ، ادري ان حبها لي هو اللي خلاها تسوي كذا
لو ماحبتك ماتكلفت وخافت عليك وتضايقت ونقلت هم ، امك قاعده تحاول تصلحك وتستشير خواتها اللي هن خالاتك
غيري معاملتك لامك ، هذي امك مالك حق تشتكين منها ابدا ...
الصحابه كانن امهاتهم كافرات ومع ذلك ماشتكوا ، بروا فيهن واهتموا فيهن لين ماتن .. وهن كافرات ..
كيف وامك مسلمه ومصليه وصايمه ..
راجعي نفسك ، وتذكري كما تدين تدان .. وكل كلمه تقولينها لامك حبيبتك راح يجي من صلبك من يقولها لك
وترا البنت لما تجرح امها شي عميق ماراح تحسينه الا لما تجربين الخلفه والعيال ..
الله يصلح قلبك حبيبتي وتقبلي كلامي ك اخت اكبر والموضوع مو بسيط .. واستميحك عذر بس ماعجبني الاسلوب اللي تكلمتي فيه عن امك ..
موفقه حبيبتي ،
اسمعي هالانشودهه ...
‫يا يمه منتهي جيتك وطالب منك الغفران‬‎ - YouTube