شوفي حبيبتي بما انك شفتي جهاز الطلق اكيد لاحظتي ان الورقة تشبه هذي .
التخطيط الاعلى حق قلب الجنين ..ولاحظي انه منتظم تقريبا ومابين 120 و150 وهذا الطبيعي ..لان نبضات الجنين الطبيعي يفترض انها 140 نبضة بالدقيقه .
نجي للتخطيط الاسفل وهو لقياس انقباضات الرحم او الطلق بمعنى ثاني ,
وهو يقيس الطلق بالدقايق ..ومخصص انه يعطيكي كم طلقة بعشرة دقايق ومدى قوتها
هذي ورقة ثانية تبين لك مربعات كبيرة ..كل مربع كبير بدقيقة كاملة ... وفي خلال عشرة مربعات كبيرة يعني عشرة دقايق صارت طلقتين
التخطيط الاسفل زي ماقلنا حق الطلق .. وكل مربع كبير بدقيقة , وحاطين سهمين يعني صرات طلقتين عند خط 40 ... في خلال عشرة دقايق.
وزي مو مبين في الورقة تبدا الارقام من 20 اللي هي طلق بسيط وبارد لحد ماتوصل 100 وهو ذروة الطلق
والورقة اللي فوق لسيدة طلقها لسه ببدايته لانه طلقتين قوتها 40 في عشرة دقايق .. صحيح بيكون مؤلم بس لسه ماوصل للطلق الحار
اتمنى اكون افدتك ولو بشي بسيط ,,ربي ييسر لك ويسهل لك ولادتك