[رب ارزقنى الذرية الصالحة]

السلام عليكم

ربنا ميحرم واحدة يارب فيكم من نعمة الامومة والحامل يتمها عليها بخير يااارب بطفل سليم معافي يارب واللي لسه يرزقها قريييب اوى يارب واللي معاها عيال يباركلها فيهم ويفرحها بيهم قادر يا كريم واللي لسه متجوزتش يرزقها بزوج صالح يسعدها ويهنيها يارب.

ممكن ربنا يباركلكم تجاوبو علي كل اسئلتى

تقولولى الاجهاض ده بيقعد اد ايه تقريبا؟؟؟انا كل يوم تنزل منى حته صغيرة فقط :(
وبيبقي بوجع ولا عادى وبيجى فجأة ولا واحدة واحدة؟
والدورة بتيجى بعده باد ايه؟؟
وهل بتيجى عادية ولا بتتاخر شوية وتلخبط؟؟
وهل الاجهاض بيحتاج علاج وتنظيف وكده ولا بدام في الاول مش شرط؟؟
وهل العلاقة الزوجية بتمارس عادى ولا لازم بنستنى فترة معينة؟
وهل بعد ارادة ربنا ممكن يحصل حمل ولا بنستنى مدة معينة؟؟
واثناء نزول دم الاجهاض بنصلي ونصوم وكده ولا بتبقي كانها دورة؟؟

معلش تعباكم معايا بس حابه اتعلم منكم

حالتى انا حامل في الاسبوع الخامس وده اول حمل ليا سنى 25 سنة ...اخر دورة جتلي 22-2-2012 بس من يوم 31-3 نزل عليا دم واتكرر تانى يوم 5-4 وهرمون الحمل بيقل في تحليل الدم الرقمى وده معناه حالة اجهاض سببه غالبا ضعف و سوء توعيه البويضه ....قدر الله وما شاء فعل الحمدلله علي كل حال.