|
Smile تجمع كروشات الاحساء الحلوين
السلام عليكم ورحمه الله
الى حبيبات الغاليات بنات حواملhwaml5 وخصوصا بنات الاحساء حبيت نستفيد كلنا من الموضوع نبغي كل وحدة عندها تجربه بالمستشفيات من ولادة طبيعية او قيصريه بمستشفي حكومية الى هي مستشفي الولادة والاطفال او اي مستشفي اخري نبغي تفاعل بالموضوع ببداء انا اول ولادة بمستشفي الولادة والاطفال طبعا معروف والحمد لله كثير يذمون فيه بس انا الحمد لله ماشفت الا الخير فيه واول من ولدني ممرضه واسمها عندي بالورقه تبع تبليغ الولادة فلبينيه واسمها melinoa p presr والله يزاها كل خير ماقصرت معي تحملتني كثير طفشها والله ماقصرت وحبتي يوم ولدت فرحت لى يازينها والولادة الثانيه العسرة الى طلعت روحي بنتي الله يخليها الدكتورة سعودية زينة والله وماقصرت هي بعد اسمها الدكتورة فاطمه البراهيم والله عسل وتساعد ماقصرت بس ليتها مسوية لى توسيع ارحم لى من التمزق لان الطلق الصناعي خبل فيني خلاني بس ادف على تحت هاذا الى خلا ارحامي تنزل وماكنت اعرف اي شي عن التنفس ان شاء الله اخذها درس ان شاء الله لو ربي اكرمني وحملت مرة ثانيه بتدرب على التنفس وباخذ وحدة من الثنتين بطلبهم هم الى يولدوني الله يرزق كل محرومه يارب يلا ابغي كل الحساويات الحلوين يعطوني من تجاربهم |
رد: Smile تجمع كروشات الاحساء الحلوين
لي عودة للرد
يعطيك العافية |
رد: Smile تجمع كروشات الاحساء الحلوين
للأسف هذا اول حمل لي
وراح أولد بأمريكا .. يعني ماراح اقدر افيدكم كثير بس انا قرايبي ثنتين ولدو بمستشفى الحكومه وحده منهم ولدت 3 مرات وبسم الله ولاداتها كلها سهالات بس الثانيه مره تعبوها ولعبوها فيها يعني هي على ربك .. ساعات تجيك وحده طيبه وحليوه وساعات تطيحين بوحده الله يهديها تروحك في 60 الف داهيه وهي كلها كذا المستشفيات مو بس النساء والولاده |
رد: Smile تجمع كروشات الاحساء الحلوين
[color="rgb(153, 50, 204)"][color="rgb(153, 50, 204)"][color="rgb(153, 50, 204)"]موضوع مرررة راائع تسلم ادييينج
طبعا اول حمل لي وراح اول في مستشفى الولادة ومتخوووفه كثيير الحين في الاسبوع 33 اشهر الثامن ابي اسالك الحين لو طلبت الذكتورة فاطمة البراهيم راح يجبونها ولااا على حسب حظي ![/color][/color][/color] |
رد: Smile تجمع كروشات الاحساء الحلوين
لا اختي اذا طلبتي الدكتورة يجيبونها لك
اهي قالت لى بعد ماولدت بفترة اذا عندك احد يبي يولد اعطيهم اسمي ينادوني اساعدهم والله عسل وطيوبه الله يسهل عليك ياقلبي |
رد: Smile تجمع كروشات الاحساء الحلوين
مس يويو اختي الله يسهل عليك عاد الاجانب بيعطونك ابرة الظهر بترتاحين بس كثير قالو لى احسن لك لاتاخذينها عشان الاجر عظيم الله يسهل عليك يارب ويجيك دكتورة طيوبه تساعدك
|
رد: Smile تجمع كروشات الاحساء الحلوين
حبي
انا انتظرك لاتتاخرين علينا |
رد: Smile تجمع كروشات الاحساء الحلوين
احم احم ههههههه
أنا ولدت بمستشفى الولاده والأطفال طبعاااااااا اكيد كل مستشفى فيه الزين والشين المهم الي ولدتني كاانت مره حبوبه وكانت تسااعدني في الولاده وبشووشة بس ماأذكر اسمها ولاشكلها أحس مااركزت فيها بس انها كانت اجنبية طبعاا ووووووبث |
رد: Smile تجمع كروشات الاحساء الحلوين
اقتباس:
بالمره ماودي فيها بس المشكله انهم هنا مايسوون توسعه من تحت وانا من النوع اللي جسمي صغير وضعيفه فقالت لي الدكتوره اكيد بيصير عندك تمزق حتى لو بسيط وبنضطر نخيطه فـ لو ماخذتيها راح تتألمين وقت مايطلع البيبي بقوه ولحد الحين ماقررت عليها .. مخليتها لين الله يفرجها وأصير في التاسع وأفكر فيها .. وإن شاء الله تتسهل والحمدلله دكتورتي اللي اراجع عندها هي اللي راح تولدني بنفسها خبره 19 سنه .. حليوه وطيوبه الله يتمم لي ولكل الحوامل على خير |
رد: Smile تجمع كروشات الاحساء الحلوين
انصحك لوجه الله يااختي مس يويو
سوي توسيع ارحم لك والله اساالي مجرب التمزق يقعد لك شهرين وعليها يالله يروح الالم حتي وقت القاء الزوجي بزيادة عاد ويصير عندك توسع اما التوسيع وقت الولادة اريح لك ويبرا الجرح بسرعه وترتاحين اكثر يعني حدك 3اسابيع بالكثير وتصيرين عادي ويخف الم الجرح اما التمزع تعذيب والله تعذيب انصحك توسيع وقت الولادة افضل لك |
| الساعة الآن 06:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .