|
ارجوكم ساعدوني
السلام عليكم ورحمة الله وبركاته
انا بدخل بقصتي ع طول انا متزوجه من سنه و5شهور كنت عايشه احلى فتره بحياتي لاكن وربي كرهت عيشتي اليوم مدري ايش خلاني افتح جوال زوجي العب الالعاب فيه المهم لقيت محادثه مع بنت كاتب له (اانا مااعطي شحن لاكن ادفع 5000 لليله ) ووحده ثانيه كاتب لها رقمه ي بنات اللي قاهرني انو عمري ماقصرت عليه بحاجه الكل شئ يطلبه اسويه نحفت ع شانها وسويت كل شئ يبيه حتى وربي مصروف مااطلب اذذا شفته مامعاه فلوس اطلب من امي عشان مااحسسه بالنقص وحتى انا من النوع الكتوم يعني لا اصارخ عليه ولا حتى اطلبه بشئ ,,وانا ماامدح نفسي بس وربي كل فتره اقص شعري واغير من شكلي كل ذا عشان اغير شكلي قدامه ...وغير كذا انا حاليا بالتاسع قربت ولادتي قسم بلله كرهت اللي ببطني وربي ي بنات احس كرهت نفسي ..المصيبه اني احبه واموت عليه حاطته فووق راسي ..مو عارفه ايش اسوي اكتب لكم وانا ابكي وربي مررره تعبااانه مدري اروح عند اهلي ولا اواجهه ولا ايش اسوي انا صغيره ع 17 بس |
رد: ارجوكم ساعدوني
الله يعينك ياقلبي...انتي ذحين اهم شي اهتمي في جنينك...مادام ولادتك قربت...
وحاولي تنسي الموضوع في الوقت الحالي...او تأجليه لبعد الولاده... و ان شاءالله تنحل الامور....وانا افضل تصارحيه بعدين... بس بشكل ودي...و يمكن تتغير الامور... بعد ما تولدي و يشوف طفله في حضنه.... ويشوفك انتي و النونو...عالمه الوحيد...اهم شي لا تتعجلي وكل شي يصير بالتفاهم... و الله لا يفرق بينكم ... |
رد: ارجوكم ساعدوني
ان شاءالله
تصدقي بكره عليا اختبار نهائي بس وربي مو عارفه كيف اداوم :( وربي تعبت مررره :( |
رد: ارجوكم ساعدوني
الله يكون بعونك ويفرج همك ان شاء الله ويهدي لك زوجك ويجعله ما يشوف من الحريم غيرك..
اهم شئ انسي الموضوع لين تقومين بالسلامة ان شاء الله وانسي فكرة انك تروحين عند اهلك لان هذا بيزيد الطين بله ؟؟؟ لقمتي بالسلامة ان شاء الله كلمية بهدووء واسلوب حلو وحاولي تعرفين ليش سوى كذا .. وانتي باين من كلامك انك ما انتي مقصرة ...ما شاء الله عليكي وان شاء الله الله يهديه ...ويخليه لك وللي ببطنك .... |
رد: ارجوكم ساعدوني
الله يعين ي اختي
ان شاءالله بس مو عارفه كيف راح انتظر لما اولد اصلن لما اكون بالاربعين ايش اسوي اتوقع بلاقيه مع حرمه ببيتي وربي مررره خايفه ماابى بيتي يخرب من حركاته بس ايش اسوي وربي قلق وخووف الله يسهل ولادتي بس :( |
رد: ارجوكم ساعدوني
صباح الخير حبيبتي .....مو وقته الحين تتصرفي أي تصرف مثل ماقالوا البنات أولدي بالسلامة بعدين كلمي بهدوء
أنصحك نصيحة حبيبتي انتي مثل أختي الصغيرة خليها في بالك على طول (حبي زوجك ودلعيه ولاتقصري معاه في شي بس لاتنسي نفسك) يعني طالبيه بمصروف شخصي شهري لو كان مو مقصر عليكي بشي ولو ان شاء الله 200ريال ويزيد كل ماجاته زيادة في الراتب وهذا المصروف دلعي نفسك في وبس ..لأنو في رجال يعطيكي مصروف بس يقولك مالي دخل بالكسوة ساعتها تندمي انك طلبتي ...يعني انتبهي وخلي دراستك من اولوياتك لا تخليها تتأثر بشي لأن شهادتك هي سلاحك للزمن وهي اللي رح تقويكي من بعد الله ولاتفكري أبدا تتركيها ........ اهتمي بصحتك ولاتعودينه انك اتكوني المرأة الحديدية يعني مثلا تشيلي لوحدك السجاد وتطلعينة على السطوح او مثلا تسوي شغلات عنه من اختصاصة عشان تريحي وتقولي معلش حراااااام..... يعني باختصار لا تنسي نفسك عشانه .................................................. .................................................. صدقيني مافي رجال يستاهل |
رد: ارجوكم ساعدوني
الله يقومك بالسلامه ويسهل ولادتك
اولا: اسمحيلي اعاتبك عتاب بسيط من اخت لااختها الصغيره من اكبرالاخطاء التي ترتكبها الكثيرات هي العبث بجوال الزوج والتفتيش فيه وهذا اكبر غلط بهذا التصرف الواحده تفتح على نفسها باب هي في غنى عنه انتي قبل ماتشوفي هذي الرسايل كنتي مبسوطه وسعيده بحياتك ولمن شفتي الرساله انقلبت حياتك الى تعاسه باختصار فيه خطوط حمراء يجب الانتجاوزها ونحترم خصوصيات الاخرين وعدم العبث فيها مهما كان الشخص من اقرب المقربين يجب الانمد ايدينا عليها الابالاستئذان ومن هذي الخصوصيات ( الجوال والمحفضه والكمبيوتر حتى الوكان مشترك لايحق لك ان تدخلي على ايميله والتنبيش فيها وبالمقابل هو كمان يجب ان يحترم خصوصياتك من جوال وغيره ) على العموم الي حصل حصل وربما حصل صدفه من غيرقصد منك اولاامكن تكون هذي الرساله قديمه ونسي يحذفها ثانيا:لاتتخذي اي قرار بالوقت الحاضر واستني حتى تولدين وطول هالفتره لاتنسين التوجه الى الله بالدعاء له بالهدايه وان يبعد عنه اولاد الحرم وبنات الحرم وان يسخره لك ولاتنسي ان دعاء الحامل ان شالله مستجاب لانها بكربه وبمثابه المجاهد ولاتنسي الدعاء اثنا الولاده الدعاء مستجاب وان شالله ربنا يهديه ويصلحه لك |
رد: ارجوكم ساعدوني
انصحك تقضي ها الفتره بعيده عنه روحي لاهلك وذاكري لامتحاناتك وامتحاني وانبسطي ولاترجعين له غير بعد الاربعين
انا ما اقول لك كذا عشان تعطينه وقت او تطلبين الطلاق لا ابيك بصراحه تنسي كل شي وقت امتحاناتك وخصوصا انك ع وشك ولاه وبكريه كمان ربي معاك وانتبهي ع صحتك الله كريم ويسخره لك والله لايوفق كل واحد يخون زوجته |
رد: ارجوكم ساعدوني
ياعمري الله يعينك الله يقومك بسلامه المهم انتي اهتمي بجنينك والامتحان
ولاتفكري في موضوع زوجك انتي روحي عند اهلك وان شاء الله تولدي بسلامه وكل شي بوقت حلووو وبعد الاربعين تقدرون تتفاهمون الله يهدي يارب الله يسخر لكي يارب تقبلي مروري |
| الساعة الآن 02:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .