|
ولدي عصبي عصبي عصبي
بسم الله الرحمن الرحيم
السلام عليكم صبحكم الله بالخير أكلمكم اليوم عن عصبية ولدي وبصراحة عمري ما توقعت إن في رضيع بهذه العصبية وحتى أخواتي لما يعصب يعطون نظرات تعجب وابوي يقول أكيد موسخ حفاضته والمشكلة البيبي ما يقدر يتكلم كل الي يقدر يسويه يصرخ ويشمخ وجهه وراسه حتى لو كانت أظافره قصيرة وصار شكله كأنه متهاوش مع القطط قبل الشهر الخامس كنت ألفه بالقماط وألبسه قفازات بس أحياناً ما يكونوا عليه ويجرح نفسه وأحاول ألفه بسرعة وهو معصب ويشد ويعطي بكس ويرفس وآخذه بحضني وأعطيه المصاصة أو أرضعه ويهدأ وينام بعدين لما صار يتحكم بإيديه أكثر عرفت أنه يعمل كذا عشان عنده حكة في وجهه وراسه لأن راسه صار فيه قشرة ووجهه فيه أكزيما وشكلها تهيج أكثر لما ينعس عشا كذا كنت افكر أنه معصب عشان نعسان طبعاً في كل موعد كنا نقول للدكتور على الحبوب الي في خدوده بس الدكتور يقول عادي أكثر الأطفال كذا بعدين يروح من نفسه ولا أعطانا أي حل رحنا مستشفى ثاني وأعطانا الدكتور أدوية فيها كورتيزون وخفت أستخدمها لأن أكثر الناس يقولون مجرد ترك الأدوية ترجع مرة ثانية ومستمرة على ترطيب البشرة بالفازلين بس مرة أخذنا مرهم من الصيدلية وهيج خدود الولد وصارت قطعة حمراء مرعبة ورجعت للفازلين والحمد لله راحت بسرعة أفكر حالياً أستخدم كريم جليسوليد الأحمر الي جربته تقول لي كيف كانت النتيجة ؟ وإذا تنصحون بعلاج ثاني قولوا لي مع السلامة |
رد: ولدي عصبي عصبي عصبي
دكتور الجلدية كتب لنا علاجات فيها كورتيزون عشان كذا ما استخدمتها
|
رد: ولدي عصبي عصبي عصبي
وعليكم السلام
ياقلبي هو الله يحفظه ولدك نفس ولد اختي واللي معه ع الاغلب اكزيماا لوتشوفين وجه ولد اختي وهو صغيرر من كثر مايحك يطلع دم وغير كذا متزلط بالمره تشوفين المنطقه باهته والجلد كمان مترقق تحزنين عليه بس اختي استخدمت له شي وخف والحين الحمدالله ماشاء الله عليه وجهه صفا طبيعي وعمره 9سنين بالنسبه للعلاجات ماراح يفيده لان اختي ماخلت دكتور ماودت لها ولدها الاغلب قال عنده حساسيه مره وتزيد مع لبس الملابس اذا مومغسله وبنت اخوي الصغيره لو تشوفينها كمان عندها حساسيه موطبيعي تحزنين عليها بصراحه لو تاكل موز تونه شوكولاته ع طول تحك وبس تصيح ومعصبه عاد زوجة اخوها اقترحت عليها انها تخلط لبن وبول الناقه وتشربها تقول باذن الله تطيب لاكن امها رفضت وعايشه ع الهستوب بس يروح مفعوله ترجع الحاله انتي استخدمي فازلين طبي افضل لك وعندك كمان منقوع الحلبه وان شاء الله ينفع فيه بس وديه دكتور متخصص بجلديه خلي يشوفها الافضل والله يعافيه يارب |
رد: ولدي عصبي عصبي عصبي
الله يشفيه ويخليه لكي
والبنات مااقصرو معك مدري بس كمان ممكن تدهنين وجه بزيت الزيتون الأصلي ممكن يخف التهيج عليه |
رد: ولدي عصبي عصبي عصبي
الله يعنيج حبيبتي
ويارب يشفيه بس مادري اتوقع لو تغيريلة الحليب الي يشربة افضل او تبقية بس على حليب الثدي مادري لان اغلب الاولاد يكون عدهم حساسية من نوعية الحليب حاولي تغيري وبلكي تخف واذا مفاد حاولي دائما تلبسيه ملابس نظئيفة ودائما رطبي وجه بنوعية من دهون جونسون للاطفال لانها تكون افضل اتوقع من الفازلين ويارب يصير زين قلبي وياج حبيبتي |
رد: ولدي عصبي عصبي عصبي
صرت طول الوقت وين ما أروح مع الكريمات
والحمد لله صاير هالإسبوع أهدا من قبل |
| الساعة الآن 11:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .