ابرة ovitrelle 250 في بويضه حجمها 25
 

السلام وعليكم ورحمة الله وبركاته
أنا من أشد المعجبين في المنتدى وأول مره أكتب موضوع أو بالأصح إني أشارك في المنتدى
عندي أستفسار أنا الحمدالله سليمه وعندي أطفال بس حطيت اللولب 6 سنوات وبعد ماشليته تقريبا سنه بغرض إني أحمل وفعلا صار حمل لكن للأسف ضعيف وأجهضت عمر خمس اسابيع والحمدالله لم احتج غسيل ولا تنظيف وهذه أول مره في حياتي أجهض وعلى كلام الدكتوره تقول عادي أنه 80٪‏من النساء الطبيعيات يصيرلهم أجهاض طبيعي المهم قلتلها أنا ودي أحمل قالت أوكيه بعطيج كولميد خذي ثاني يوم الدوره لمدة خمس أيام وطبعا بديت من اليوم العاشر اشوف التبويض بجهاز بلو كلير الديجيتال وكان جنبي اليمين واليسار يؤلمني بس ألم يحتمل والجهاز عطاني دائره فاضيه في اليوم العاشر و11 و12 و13
رحتلها يوم 13 وشافة البويضه وقالت ماشاءالله عندج حجمها 25 لازم ابرة ovitrelle 250
خذتها وفي اليوم 14 من الدوره طلعلي الجهاز بلو كلير هابي فيس لمدة 4 ايام متتاليه بس الألم الي جاني في ثاني يوم من الابره كان ألم فضيع لمده 20 دقيقه وباقي اليوم ألم لكن محتمل وصار جماع لمدة 3 ايام متتاليه الحمدالله وألحين أنا في اليوم 9 من الابره واليوم 22 من الدوره
سؤالي مفعول الابره متى يتلاشى
السؤال الثاني هل بويضه بحجم 25 جيده للتلقيح قريت في قوقل بين المؤيد وبين الي يقول ليست جيده
من حملت بحجم بويضه 25
متى أقدر أحلل صراحه نسيت
شكرا لكم

رد: ابرة ovitrelle 250 في بويضه حجمها 25
 

شاكرة لج مرورج حبيبتي 💗

رد: ابرة ovitrelle 250 في بويضه حجمها 25
 

يمكنك عمل التحليل بعد 14من اخذ حوالي 10000iu من الابرة
يمكنك عمل التحليل بعد10 ايام من اخذ حوالي 5000iu

يمكنك عمل التحليل بعد 7ايام من اخذ حوالي 2500من الابرة
و الله يسهل ..

رد: ابرة ovitrelle 250 في بويضه حجمها 25
 

وعليكم السلام
تقدرين تحللين باليوم 14 من الابره راح يبان اذا في حمل اولا


الله يرزقك يارب بالحمل السليم والذريه الصالحه

رد: ابرة ovitrelle 250 في بويضه حجمها 25
 

بعد 7 ايام يبان الحمل

رد: ابرة ovitrelle 250 في بويضه حجمها 25
 

شاكره لج ردج بس تقصدين 7 أيام قبل أو بعد ؟

رد: ابرة ovitrelle 250 في بويضه حجمها 25
 

وهل حد حمل من بويضه بحجم 25 مع الابره ؟؟

رد: ابرة ovitrelle 250 في بويضه حجمها 25
 

يخلص مفعول الابره بعد 14 يوم من اخذك لها
والالم شي طبيعي انا اخذتها وتعبت تعب شديييييد
وماصار حمل الحمدلله ..

انا اخذت الابره وحجمها 20 وسمعت ان اكثر من كذا ماينفع لانها ممكن تقلب كيس
وفيه ناس حملو وحجمها كان 25
كل شي بيد الله والله يرزقني واياك وكل من يريد الذرية ..

رد: ابرة ovitrelle 250 في بويضه حجمها 25
 

كل الشكر لج الغاليه بنصبر وبنشوف تحياتي لج