السلام عليكم اخواتى
انا والده من عشرين يوم ولبن صدرى ما بيشبع بنتى والطبيب كتبلى على لبن صناعى بعطيه لبنتى عشان تشبع وتنام لانها مش بتنام ابدا ودايما بتعيط لانها جعانه ده بيبقى جنب الرضاعة الطبيعية ....بس كل الناس فضلو يقولولى حرام عليكى متديهاش لبن صناعى حطى صدرك فى بوئها طول اليوم وانا والله برضعها بس هى مش بتشبع ده غير ان حلمات صدرى بقى فيها شقوق وجروح عميقة من كتر الرضاعة مؤلمه جداااااااااااااااا وبعيط طول ما برضعها من الالم اللى بحس بيه فى حلمات صدرى ...مشكلتى انى بقيت كل ما اجى ادى لبنتى رضعة اللبن الصناعى احس بالذنب واحس انى بأذيها بس انا والله العظيم بيكون صدرى خلاص فضى او بكون مش قادرة ارضعها اكتر بسبب الجروح ...بقيت باخد مسكن عشان اقدر ارضعها من صدرى طوول اليوم زى ما الناس بتقولى ..انا تعبانه اوى بجد وعندى اكتئاب رهيب ووجع صدرى مؤلم بدرجه لا توصف انا مش حاسه بأى فرحه بولادة بنتى من يوم ما ولدت وانا عندى اوجاع والام واحساس بالذنب وبكره نظرة الناس ليا كل ما يعرفو انى مضطرة اديها لبن صناعى جنب الرضاعة الطبيعية واسمع جملة (حرام عليكى يا شيخة )....تعبت