|
حوامل جده ساعدوني
السلام عليكم 00000000000 خواتي انا بكريه وش رايكم في مستشفى بخش في جده ومين احسن دكتوره بس تكون طييييوبه واخلاقها حلوه تدرون اول حمل واخاف يسون فيني العمايل لو دروا اني بكريه
|
رد: حوامل جده ساعدوني
معقوله ولا وحده وهذا اول مشاركه ليه لا تخذلوني
|
رد: حوامل جده ساعدوني
ياقلبي ان شا الله ربنا يوفقك للاحسن
انا في جده في اخر الرابع وبعد 3 ايام عندي مراجعه واليوم بفتح ملف عند فقيه الدكتوره فاطمه او سحر الكل يمدح فيهم وربنا يختار اللي فيه الخير مع العلم اني بس احتاجهم للمراجعه والكشف ولادتى بتكون في المدينه بحول الله عشان عند امى الله لايحرمنى منها وان شا الله الاخوات كلهم حيفيدوكي لاتستعجلي ياقمر وبالتوفيق ان شا الله |
رد: حوامل جده ساعدوني
هلا حبيبتي
انا بصراحة ما عندي خلفية لأني بكرية زيك ما حبيت امر بدون ما ارد الله يتمم لك يارب ويسهلك |
رد: حوامل جده ساعدوني
]الله يتمم لكم على خير ومشكورين على الرد وحكاية الاستعجال لان ملفي في مستشفى جده الدولي وما عجبني ابداااااااااااااااااااااااا ولي الشهر هذا بس اقرر وين احط ملفي لان تعرفين تامين كل سنه اغير
|
رد: حوامل جده ساعدوني
الله يختار لك الطيب حبيبتي
انا بعد بكريه مثلك ومتابعه بمستشى الاطباء المتحدون عند الدكتوره صباح الحداد بس الحين حولت على يوسف قاري لان الدكتورة صباح مابتكون موجوده وقت ولادتي والله يسهل ويعين يارب وماعندي اي خلفية عن مستشفى بخش بس ترى يمدحون الاطباء المتحدون ولاتستعجلي ياقلبي ماحبيت اخرج من موضوعك بدون رد |
رد: حوامل جده ساعدوني
مشكوره ام هناء وربي يسهل لك وعساك عالقوه دووووووووووم
|
رد: حوامل جده ساعدوني
انا اراجع في خالد ادريس عند دريه
ماشاء الله عليها مره صبوره وتعطيكي المفيد الله يسهل لكي ولنا يارب |
رد: حوامل جده ساعدوني
انا الحين في الشرقيه بس اول ما عرفت اني حامل كنت في جده وراجعت عند مستشفى بخش
وانشالله راح ارجع بعد قتره اكمل عندهم مع ان تاميني يغطي نص مستشفيات جده تقريبا بس الصراحه ما ارتاح الا في بخش اي شغله تصير اروح لهم يمكن عشان اتعودت لان من وانا عمري 4 سنوات اراجع فيه المهم على دكتورات النساء والولاده عندهم منار خالد ما اعرف ايش جنسيتها وما جربتها و عندهم كيتي اسماعيل مصريه ورحت عندها بس مره وحده من زمان لاني كنت شاكه اني حامل بس كانت مره مستعجله ومشتني بسرعه يعني ما اقدر احكم عليها وفي هدى عبد الفتاح هادي رحت لها كذا مره كانت مره متفاهمه معاي بس لمن رجعت لها تاني مررررررررررره بهدلتني يا شيخه شرشحتني شرشحه اتعذبت معاها مره معاملتها سيئه و ما تتحمل اتخيلي كنت مره متالمه عشان ابر المنشطات كبرت البويضات مره بزياده وهي تقول لي انشالله ما تحملي تخيلي بس ان في دكتوره تقول كده ويوم طلبت منها تسوي لي تحليل حمل عشان دورتي متاخره ما رضيت تقول على مسؤليتك المهم ما اطول عليكي طبعا اكيد غيرت منها ورحت لدكتوره اماني بنفس المستشفى مره مره طيوبه ومافي منها وتحب تسمع اسئلتك وتجاوبك ونفسها مفتوحه وانشالله اول ما ارجع جده اروح لها واكمل معاها وهادا كل اللي اعرفه اتمنى اكون افدتك |
| الساعة الآن 11:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .