|
ما بدنا بكي بعد اليوم .. نزلت الحمدلله رب العالمين
مسا الخير لكل الصبايا..
حبيت اكتب الموضوع هاد عشان اخفف عنكم اشوي بعرف انو كل وحدة فيكم بتستنى الحمل على احر من الجمر .. وبتكون تفتش على اعراض واي شغله بتصير معها او بتحس فيها بتفكر حالها حامل.. انا متلكم بفكر بهاد الاشي ويوم يوم بتأمل اكون حامل خصوصي انو عديت السنه من زواجي واكيد في كتير منكم متل حالتي .. بعرف انو كتير صعب الانتظار .. وتعبنا من المشافي والادويه والفحوصات ودفع المصاري عالابر وغيرهم .. بعرف انو البيبي حلم كل وحدة فينا كل مرة بنتخيل حالنا حوامل والبوبو في بطنا وبطنا بيكبر يوم عن يوم ... ان شا الله يا رب بصير هالحلم واقع ،، وبنفرح بشوفة اولادنا عن قريب اميييييييين يا الله .. اللي بدي اصل الو في موضوعي انو ازا اتاملنا كتير وفكرنا حالنا حوامل وكنا فرحانين بهاد الاشي وللاسف كالعادة الدورة بتنزل اكيد بنزعل كتير وانا بزعل بس برضو لازم الوحدة فينا تكون صبورة تحكي الحمدلله رب العالمين ،، خيرها بغيرها ان شا الله ويا رب عوضني الشهر الجاي .. يا رب ما تحرمني وارزقني الذريه الصالحه المعافاه ياااا رحيم .. انسي اشي اسمو بكى ما لازم نبكي عشان اجت الدورة وما طلعنا حوامل .. انا تعلمت درس كبير اني ما ابكي كان درس من رب العالمين وبسبب هالشي رحت عالمستشفى وكان يوم مرعب بالنسبه اللي صرت ابكي عشان اجتني الدورة بكيت كتير بعدها بلش وجع قوي ببطني بلشت استفرغ انا كتير بصير معي هيك بس المرة اشي غريب جداً بس لاني بكيت واعترضت على حكم الله استغفر الله العظيم بعدين صار معي تشنج في ايدي بطلت اعرف احركهم بالمرة صار الوجع يزيد والاستفراغ يزيد واخدوني عالمستشفى وفي الطريق كنت ارجف اشي مش طبيعي حلقي نشف عالاخر واستفراغ وتشنج يصير باجري وبوجهي المهم يا بنات اللي بدي اياكو تعملوا ما تبكوا ما تهتموا انها اجت اعتبروا اشي عادي ةاشي روتيني صار بحياتنا واحكي الحمدلله رب العالمين واستغفري ربك وان شا الله الله برزقنا الذريه الصالحه المعافاه وسوري ازا كنت طولت عليكم حبيباتي وما تنسوا اعتبرها اشي روتيني بحياتنا |
رد: ما بدنا بكي بعد اليوم .. نزلت الحمدلله رب العالمين
والله ودي ما ازعل واتضايق بس غضب عني يااارب عجل بالفرج وارزقني
|
رد: ما بدنا بكي بعد اليوم .. نزلت الحمدلله رب العالمين
معاكي حق ليش نجيب لانفسنا المرض مفروض نصير اقوياء لان نص العلاج يعتمد على الحالة النفسية عشان كذا لااااااااازم نقوي قلوبنا شوي
مو مشكلة خلي الدموع تنزل لا تكبتيها لانه مو حلو بعد بس مع كل دمعة قولي اللهم لك الحمد خلي قلبك وعقلك يشكرون الله لانك في نعمة صحيح هذا الشي بيكون صعب بالبداية بس قوي ايمانك بالله وراح ترتاحين لما تعرفين انك ما اعترضتي على حكم ربنا وهو سبحانه راح يجازي كل وحده على صبرها ورضاها بقدره . ولااااااااازم تعرفي ان الله أخر علينا الحمل لحكمة هو يعرفها ولمصلحتنا و انه يحب يسمع دعاءنا وتضرعنا له وانتبهي مو طووول الشهر تدعي وتصلي وتتصدقي وتصير علاقتك بالله قوية ويوم تنزل الدورة تهدمي كلل شيي انتي سويتيه بالبكاء والنحيب وليه يارب ليه انا ومن ذا الكلام ترى الشيطان هو كمان يجلس يزن عند الراس انتي مظلومة ومحرومة ومن كلامه الفارغ بس انتي بقوة ايمانك لا تفتحين له باب وكل ماجات لك الحالة تعوذي من الشيطان واقري القرآن مع لبس قفازات عشان الدورة او استمعي له بتدبر وراح ترتاااااااااحين . وايااكي والعزلة لانه تزيد المواجع اخطلتي بالناس اطلعي سوي اي شي عشان تخففي على نفسك وتنسين . والله ولي التوفيق ماراح يخيب رجانا فيه اذا كتب اننا راح نحمل بنحمل حتى لو بعد 100 عام . مالاحظتي انه بعضهم يجي شهر يحسبوا فيه ايام التبويض والحرارة ويتابعوا التبويض مع الدكتورة وتحديد ايام الجماع وتوفير كل السبل لدرجة انه خلاص يعتقدوا انهم ظمنوا الحمل بس مايحملوا لكن احيانا مايهتموا بأي شي ويعتقدوا انه مافي حمل هذا الشهر وسبحان الله يحملوا لأن كل شي بيد الله هو اللي يدبر الامور عشاان مصلحتنا احنا . |
رد: ما بدنا بكي بعد اليوم .. نزلت الحمدلله رب العالمين
لا حول ولا قوة الا بالله العلي العظيم يا رب لا اعتراض على حكمك والحمد والشكر لك يا رب يا رب ترضى عنا وتغفرلنا وترحمنا وتكرمنا يا رب وترزقنا اطفال اصحاء وسالمين يا رب
|
رد: ما بدنا بكي بعد اليوم .. نزلت الحمدلله رب العالمين
الله يعوض عليك يا عمري والله معك حق انا حسبتها كمان كل ما تيجي ابكي و قلت في بالي طب شو بستفيد وصار لي شهرين والله بستقبلها بالاحضان و مزقططة الله كريم لا اعتراض و كلنا امل الا ييجي يوم يفرح قلوبنا جزاك الله خير وي يا رب تحملي الشهر الجاي
|
رد: ما بدنا بكي بعد اليوم .. نزلت الحمدلله رب العالمين
مو بايدينا ولله مو بايدينا احنا بشر... بلاءنا كبير.... والله لا يجب الدورة لحد وكلكم تطلعو حوامل
|
رد: ما بدنا بكي بعد اليوم .. نزلت الحمدلله رب العالمين
معك حق الله كريم والحمدلله عاكل حال
|
رد: ما بدنا بكي بعد اليوم .. نزلت الحمدلله رب العالمين
يآآآآآآآآآآآآآآآآرب يرزقنا ويعطينا من فضلو الذريه السليمه الصالحه عاجلا غير اجلا يارب
|
رد: ما بدنا بكي بعد اليوم .. نزلت الحمدلله رب العالمين
اقتباس:
لازم تحاولي انك ما تزعلي وتدايقي امييييين يا رب جمعاً يسلمووو على مرورك |
رد: ما بدنا بكي بعد اليوم .. نزلت الحمدلله رب العالمين
اقتباس:
مزبوط كلامك ميه بالميه ... وسبحان الله الله قادر على كل شي الله يرزقنا الذريه الصالحه المعافاه جمعاً يسلمووو على كلامك ونورتي |
| الساعة الآن 06:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .