منتديات حوامل النسائية - جدول الدوره الشهريه والمزاج

http://forum.hwaml.com/imgcache2/hwa...849088_423.png

الدوره الشهريه

اليوم جبتلكم يا بنات معلومات عن كيف بتكون مشاعرنا خلال الدوره الشهريه؟؟؟؟؟

حاولوا تستغلوا الايام اللي بكون فيها مزاجكم جيد
وابعدوا في الايام الاخرى عن النقاش والقرارات خصوصا مع
ابو العياااااااااال

هذا الجدول لدورة 28 يوم ..........مثل ما بتعرفوا وحكوا الاخوات
في مواضيع المنتدى , ممكن تكون الدوره 21 -35 يوم كل سيده
تختلف عن الاخرى.

http://forum.hwaml.com/attachment.ph...1&d=1426794537

*
*
*
*
*

اليوم 1 يعتبر اول يوم في الدوره الشهريه
في هاليوم الاستروجين بكون منخفض جدا,
والسيروتينين مرتفع
ولذلك بتلاحظوا مزاجكم تحسن بس بلشت الدوره تنزل.

اليوم 1-5 في هالايام يستمر نزول الدم , ممكن
يستمر نزول الدم من 2 الى 7 ايام ويختلف من سيده الى اخرى

اليوم 7 على الاغلب خلص نزول الدم ,
ومزاجك صار احسن وبتحسي في نشاط
لانوا رجع الاستروجين لمستوى عالي

اليوم 12 -13 الاستروجين بكون في اعلى قيمه
في هاليومين. وهاد بعطيكي شعور اكثر بالحيويه,
البشره تكون نضره وبتحسي حالك جذابه

اليوم 14 هاليوم بحدث اباضه. رح يكون عندك
رغبه اكثر في زوجك, والزوج يجد زوجته اكثر
جاذبيه يوم الاباضه. هاليوم لازم تكوني حذره
اذا ما بدك حمل .........واحتاطي في اليومين قبل الاباضه, لان
الحيوانات قد تبقى نشيطه ليوم الاباضه.
بعد الاباضه ممكن تحسي ليومين بانك مش على بعضك و
ملخبطه وحساسه لانوا بنزل الاستروجين شوي

اليوم 18 هلا بيجي دور البرجسترون اللي بجهز بطانة
الرحم لاستقبال البويضه الملقحه
الارتفاع في هرمون البروجسترون والاستروجين يسبب وجع في الثدي

اليوم 20 اذا ما صار تلقيح للبويضه , يتوقف المبيضين
عن افراز الاستروجين والبروجسترون.

اليوم 21 -23 بضل الاستروجين والبروجسترون ينخفضوا
وبسببه بعض السيدات رح تحس باعراض ما قبل
الدوره, ممكن تكون حزينه عصبيه او تبكي من كل اشي.

اليوم 24 هاليوم بتكوني حساسه اكثر للالم.

اليوم 27 (((الجوع))) رح لا شعوريا تطلبي الاكل
لانوا الهرمونات منخفضه وعشان ترفعي السيروتينين
ليحسن مزاجك ما في الا الاكل والشهونه.

اليوم 28 بعض السيدات ممكن يحسوا بالم
او مغص الدوره يوم او يومين قبل الدوره. استخدمي
مسكن للالم او كيس ماء ساخن لتخفيف الالم.

*
*
*
وتستمر الحياه

الله يعطيكم الصحه والعافيه يا بنات