|
خااااااااااااااااااااااايفه من الولاده
انا يابنات بكريه في الشهر التاسع وكل ثلاث ايام اسوي تخطيط وطبعا التخطيط في قسم الولاده
وسمعت صراخ الحريم يممممممممممممممممممممممممممممممممه يخوووووووووف مره طلعت وانا ارتعش من الخوف وصار عندي ارق ما انوم الا 3 او 4 ساعات ولا اكل ولاشرب كله اتذكر صراخهم انا خايفه الا بموت من الخوف من الولاده وسالفة الخياطه بعد رعب في رعب لاني باولد باذن الله في حكومي طمنوني قولو اي شي يهون علي وسؤال ثاني من امس وانا عند الم مثل النبض في ظهري يروح ويجي هل هذا طلق ولا ايش؟ |
رد: خااااااااااااااااااااااايفه من الولاده
ما عندي علم
لسا ما جربت , الله يطعمني لا تخافي وفكري باشياء حلوه ( مثلا البيبي - شو محضرتيلو ..... ) الله يسهل ولادتك |
رد: خااااااااااااااااااااااايفه من الولاده
لاتخافي ولاشي وكلها تساهيل من ربي
انتي بس اكثري الاستغفار واقري صوره الزلزله واكلي تمر رطب صراحه شي يسهل لك بطنك وتسهل ولادتك ان شاءالله وصدقيني لما تولدي وتشووووفي ضناك جنبك تنسين كل الاوجاع والالم وربي يسهل عليك وعلينا |
رد: خااااااااااااااااااااااايفه من الولاده
حبيبتي مااظن كان فيه احد اخوف مني والحمدلله بس شفت ولدي
نسيت التعب خلي ذكر الله دووم على لسانك وترى الم ساعات ويمر هو صح الم قوي بس محتمل وزي ماقلت بس يبدا يقوى الالم معناته انك قربتي تشوفين طفلك حطي هالشي ببالك على كثر مافيها لحظات الولادة من تعب الا انها حلوة وبتتذكرين كلامي بعدين ربي يسهل عليك وعلى كل حامل ان شاء الله |
رد: خااااااااااااااااااااااايفه من الولاده
كلنا في ذا الطريق الله يكتب أجرنا وآجر امهاتنا
وترا الولاده تعبها منسي صدقيني اول ماتشوفين طفلك بين يدينك تسوى الدنيا واللي فيها يعني باختصار مغامره وجربيها يارب يسهل عليك بالولادة الميسرة أنا وانتي وكل حامل ويرزق ربي كل من تتمنى طفل ولا يحرم احد منهم |
رد: خااااااااااااااااااااااايفه من الولاده
حبيبتي هو الم الظهر من الام الولادة بس اذا يتبعه مغص وييجي باستمرار مش شوية ويمشي فهمتيني واقرأي دايما قران وشغلي سورة البقرة ولا تقلقي ولا تفكري بصراخهم مش كل الحريم متل بعض والله يتمم لك على خير يارب
|
رد: خااااااااااااااااااااااايفه من الولاده
ياقلبي لا تشيلي ببالك صراخهم وربي جات وحدة جنبي كانت تصرخ صريخ يسد أذني و تبكي من قلب كأنها بتموت .. تخيلي ع ايش .. بس كشف عادي عشان يشوفو الرحم فاتح كم
والبعض عادي ولا صوت أو يدوبك اهة خفيفة كل وحدة ياعسل وتحملها و دلعها و قد ايش هدت نفسها و باقي الاسباب اللي تساعد انتي توكلي ع الله واعملي بالاسباب المساعدة والمسهلة للولادة ولا تتكاسلي عنها وربنا ييسر لك |
رد: خااااااااااااااااااااااايفه من الولاده
انا خوافه اكثر منك مره شفت وحده تصارخ وتشد شعرها وكانها مجنونه اناخفت شافتني الممرضه قالت هذي تتدلع الالم مايحتاج كل هذاوبعد عشر دقايق شفتها لابسه عبايتها وخارجه مع الباب فقالت الممرضه شفتي هذي تتدلع اذا مغص خفيف تجي وتكشف وتصيح وبعدين ماتطلع ولاده وترجع بيتها وجربت الولاده والحمدالله فيه الآلم بس مايستاهل كل هذا التهويل
|
رد: خااااااااااااااااااااااايفه من الولاده
أنا ماجربت بس احس بعض الحريم مهولات
وكله باجره عند رب العالمين يارب يعينننا ويساعدنا يارب |
رد: خااااااااااااااااااااااايفه من الولاده
استودعي نفسك الله انتي وجنينك
واستغفري وصدقوني الله بسهلها عليك مابنكذب وقولك الولادة ما فيها الم هيه فيها بس لا شفتي طفلك بين يدينك بتنسين كل شي أنا بابني الاول شفتهم وهم يولدون وحده بالغلط انفجعت وقتها وقعدت ابكي وزوجي والدكتوره يهدون فيني لأكن لما جربت الولاده اول شي سويته حبيت راس أمي وفرحت بطفلي ولهوه بحضني وقتها نسيت كل شي ومثل ماقلتلك كثير استغفار وهدي على نفسك وقت الولاده عشان طاقتك ما تروح بصراخ والله يسهل علينا أجمعين |
رد: خااااااااااااااااااااااايفه من الولاده
على فكره الم الظهر من علامات الولاده أنا جلست سته ايام وانا ظهري يوجعني مايخليني انام
وكل مارحت لهم قالو الرحم مسكر وبعد سته ايام تكرم وانفتح ثلاثه سنتي انتي حاولي تمشين عشان تتسهل الولاده |
رد: خااااااااااااااااااااااايفه من الولاده
بسم الله عليك لاتخافين الله يسهلها عليك انا في اول ولاده لي يوم سمعت الصراخ جتني ام الركب هههه بس الحمدلله عدت ولاتشيلين هم ترى ولادة البكريه اهون سبحان الله من اللي بعدها والله يقومك بالسلامه يارب
|
رد: خااااااااااااااااااااااايفه من الولاده
لما كنت بكريه وكان عمري ايامها ماتعدا ال ١٦ سنه المهم دخلت الولاده والحريم شغالات صراخ
وانا ميته خوف ومنخرعه وحالتي حاله وكنت اقول لسسساااا ماجاني الالم اللي يخليني اصارخ مثلهن من جد صراخهن كان يخرع ويخوف وولدت وانا لسا انتظر الالم الاقوى ، وولدت وطلعت وهن لسا يصارخن واتذكر وحده حولوها قيصري ف لاتخاافيوالله بعض الحريم مافيهن صبر ، المفروض تكتم عشان تتسهل الولاده وتدفع وتفتك لكن هي على بالها اذا صرخت ترتاح وبعدين ربنا اللي خلقنا وخلق الم الطلق يعني معقوله بيحطنا بشي فوق طاقتنا ؟ ابدا جسمك بيستحمل الم الطلق ومن تسمعين صوت البيبي بتحسين نفسك بالجنه وكل شي تنسينه والخياطه بيحطون بنج وبتكونين مسترخيه ومو عارفه لشي ، اصلا مافيك طاقه انك تسوين شي خخخخ بتستلمين قوي قلبك بس وانسي سالفه الصراخ ولا تصارخين لانه خطر عليك وعلـي قلب الجنين ماراح يستحمل الطلق وصراخك ابدا واللي تصرخ باول ولاده راح تبقى تصرخ لاخر ولاده بعمرها فماله داعي والطاقم طبي ترا يتضايق من اللي تصارخ وتقوم الدنيا عليهم ، طيب هم وش ذنبهم .. محد قالك تحملين وتجينهم :( الله يسهلك ويخفف عليك |
رد: خااااااااااااااااااااااايفه من الولاده
والله انا مثلك افكر ليل بنهار بس وكلت امري لله الي ماتضيع عنده الودائع
الله يسهلها علي وعليك وعلى كل حامل والالالم لابد فيه الالام بس مالنا غير نستغفر ونسبح ونهلل بهدوء |
| الساعة الآن 01:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .