المشاركة الأصلية كتبت بواسطة أمة الرحمان السلفية (المشاركة 3665940)

المشاركة الأصلية كتبت بواسطة basouma26 (المشاركة 3666558)

المشاركة الأصلية كتبت بواسطة صبورة (المشاركة 3666655)

امومة و بسومة26
و الله كلامكم دوا الله يبارك فيكم..و راني عارفة راكم حاسين بنا..و شكرا على الادعية الطيبة و ربي يتقبلها منكم باذن الله..انا الحمد لله عمري ما نقطكع الامل في اجابة الدعاء و الفرج القريب..و لكن الاحساس صعب و مرييير..نحاول نضحك و ننسى ساعة ساعتين كل حاجة تفكرني بحالتي و بالامومة..يا رب رحمتك بنا نحن ضعفاء لا حول لنا و لا قوة الا بك انت مولانا و من يتولانا غيرك يا رب انت الرحمان الرحيم الرزاق الوهاب...
بسومة26
اسمحيلنا حبيبتي بكيناك و انت مع الوحم..و الله انا بالنسبة لي ماكانش مكان نفرغ فيه قلبي كيما التجمع هذا..
نور اليقين
اختي الله ينصرك و الله يبين الحق و يفك عليك ضيقتك..طمنينا عليك

المشاركة الأصلية كتبت بواسطة نور اليقين (المشاركة 3666734)

امال والبنات ربي يرزقكم الذرية الصالحة ويعطيكم ماتتمناوه يارب ويفرحكم ويهنيكم والله المربح الحمد لله تحطت فيه رحمة ربي وهو اللي راه يصبر فيا وراح مسكين دار محضر فورا وزاد راح للكوميسار ويقولي كتبها ربي هو صح كتبها ربي مي اللي داها راه سارقها لخاطر فيها كل الدلائل باه يرجعها وماهوش مرجعهاالحرايمي وربي يبين الحق يارب مي والله ماقدرت يارب وحط رحمتك وصبرني يارب وبين الحق يارب والله كنتفكر الجيني وحد الخلعة قلبي نتحس فيه ساح والماكلة حبستها مانقدر ناكل والو ونحس في روحي شبعانة غير ندعي برك يارب والله غير الابتلاء هدا نساني في الابتلاء انتاع تاخر الانجاب يارب وفرج يارب ونحيلي هاد الغمى والغبينة اللي في قلبي

المشاركة الأصلية كتبت بواسطة 20 سنة انتظار (المشاركة 3666750)

السلام و عليكم البنات نحبكم كاااااامل كاااامل و معزتكم في قلبي
بسومة26 الله يجازيك كل الخير حنونة و يثبت حملك و يخليلك القمرة العميرة موااح عليها ربي يحميها ,,, شحال عندك دوك فالحمل ؟
امومة اختي و نعم بالله ,,, الحمد لله هكذا و لا اكثر ,,,, ربي يتمم حملك و يفرحك بشوفة ضناك ,,, اما اسبوع انت فيه ؟
صبورة اختي لاباس ؟ طلع المورال شويا ؟؟
بارا حنونة وشراكي ؟
لمياء اختي عندو الحق راجلك ما نتابعش النصارى احسن ,,,, ربي يهينكم ,,و ماشي المهم الاحتفال الصح انكم هانيين و تحبو بعض ,,, ربي يدوم العشرة الطيبة
امة لاباس ؟؟؟ لاطونسيون ياك هبطت ؟ ربي يشافيك
نور اليقين ربي يفرج عليكم حنونة ما تنسايش تطمنينا عليكم تعيشي
مريم و يانيسو ويراكم توحشناكم لاباس ؟
ريحانة و مهدي طليتو و زدتو رحتو بلا ما نشبعو منكم ارواحو ....
عبير و ليلك خليتو الفراااغ الكبير هنا ,,, توحشت ليلوكتي دايما نشوف في تصويرتها لي عندي ,, علابالك كل ما نشوفها نرتاح يا عمري ربي يحفظها و يخليهانا
بسومة لاباس اختي ؟
ام عبد الرؤوف راكي تشتكي من الشغل تاع الدار ههههه ربي يعينك ياك مليحة الاحوال ؟
امال لاباس حنونة ؟
اختي امل جديد ويراك غايبة توحشتتك طلي ,,,
باربي اختي و عيدك مبااارك شكرا ليك .. وشراك ؟
نور الهدى حبيبتي توحشناك ياك مليحة و حسووونة الكبدة لاباس ؟؟
ام نهى يا ستوتس ويرااااااااااااك متتصوريش و شحال متوحشااااااتك
سهام اليوم مكااانش غريييبة ,,, المهم تكوني بخير
بسمة روجينا عمري راكي بلا انترنيت ,,و ربي يسهلك
الما ,,,و واشراكي حنونة تاني انتي غايبة
البنات لي مذركتهاش اكيد راهي في بالي و عمري مننسى وحدة انتم كامل خواتاتي و نحبكم و نتمنالكم الخير و ربي يفرحنا كامل
خواتاتي ,,,, راني قررت ننسى قاع موضوع الحمل و منزيد نتقلق منزيد نخمم خلاااص فوضت امري لله ,,و ربي لا تذرني فردا و انت خير الوارثين

المشاركة الأصلية كتبت بواسطة alma021 (المشاركة 3666766)

السلام عليكم يا احلى بنات في الكون

المشاركة الأصلية كتبت بواسطة احلى شيء الاموموة (المشاركة 3666763)

والله الحمد لله ...يسال عليك الخير والعافية....راني مع الرقية واذكار الصباح والمساء والبقرة كون ما نقراهاش نحط نسمعها وربي يتمم على خير..وربي يكملك انت تاني ويحفظك من كل سوء...

صبورة اختي ربي يفرحك ويرزقك انت والبنات كامل في القريب العاجل ياا رب...

نور اليقين ربي يفرج عليك ضيقتك ..وربي يبين الحق لي يحكم في ربي ما يخيبيش ان شااء الله

هدى اختي ربي يفرحك ويعطيك على قد قلبك الكبير .....من المفروض راني في الاسبوع السادس...ربي يقدر ويكتب الخير....