|
رد: التجمع الجديد للجزائريات المتأخرات في الحمل و أهلين بالتونسيات الغاليات
لبنات تصبحو على خير في امان الله
|
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم لبنات ان شاء الله راكم قاع لاباس
صبورة حبيبتي راني ندخل تقريبا غير الصباح نكون شوي بصح من بعد لفطور و الله نتقلب تقولي ماشي قاع انا من تم حتى نرقد فالليل و البارح شوفي الزهر و الله بغيت نحكي معاكم شوي قلت هادي شحال ما تقابلتش معاكم دخلت قعدت نقرا في الارشيف لقيتك واش كاتبة و زدت شفت رد نور الهدى و كملوها التصاور اللي حطت امة و الله العظيم اختي صبورة قاستني هدرتكم بزاف و قاتلي الدمعة اذا انتي مرا حبسيني و الله ما قدرت رفدت يدي و قعدت ندعيلكم و مقدرتش نرد عليكم و قتلني التخمام فالليل على الربعة نتاع الصباح تاني شحال دعيتلكم كاملين لبنات راني حاسة بيكم و باحوالكم صعيب بزاف الامتحان اللي راكم تمرو بيه بصح ان شاء الله ما يجيش النهار اللي تفقدو ثقتكم في الله كثرو من الحمد لله ان شاء الله يكون فرجكم قريب و يعوض ربي صبركم بضعف واش راكم تتمنو يا رب يا رب يا كريم يفرحكم و يفرج عليكم يا رب و بالنسبة للناس اللي تقولو كل مرة يقيسوكم بالهدرة يروحو يقراو قصة صاحب الجنتين في سورة الكهف و يشوفو انو ربي كيما رزق الانسان في دقيقة ممكن يدي عليه كلش و الصابر و القانع بحكم الله ربي يعوضه خير حسبي الله و نعم الوكيل |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
هدرتك عجبتني صحيحة مية في المية واحد الامام كنت نسمعه دايما يقول الواحد كي يكون مبتلى يروح للسبيطار و يشوف يلقى روحه خارج يحمد في الله على النعمة اللي راه فيها و تاني المثال اللي قلتيه على لبنات اللي عايشين في ظروف قاسية عند والديهم يتمناو غير يتزوجو و يخرجو راجلي عنده فاميلته مساكين راهم كبار و سعدهم ما تحركش كل واحد في هاد الدنيا راه مبتلى و الابتلاء يجي للناس اللي يحبهم مولانا و يبغي يمتاحنهم اكثرو من الشكر و الحمد لله ان شاء الله يجعل لكم من كل ضيق مخرج : وينبغي للمصاب أن يستعين بالله تعالى ، ويتعزى بعزائه ، ويمتثل أمره في الاستعانة بالصبر والصلاة ، ويتنجز ما وعد الله به الصابرين ، حيث يقول سبحانه : { وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
ما تنسيش تقوليلنا كيفاش راهي احوالك قلوبنا معاك يا الحنينة |
رد: التجمع الجديد للجزائريات المتأخرات في الحمل و أهلين بالتونسيات الغاليات
|
رد: التجمع الجديد للجزائريات المتأخرات في الحمل و أهلين بالتونسيات الغاليات
امة الرحمان ربي يشافيك ان شاء الله و يفرج عليك بصح عندي ليك اقتراح لوكان غير ديري عليه يا ريت تقولي لراجلك يدي عطلة ثلاث ايام او اربعة و روحو لاي مكان نتاع تحواس و لا حمام منها للاستجمام و منها تحوسو و تبدلو شوي الجو لازملك تخرجي من دارك و تغيري شوي و كي ترجعي ان شاء الله لدارك حاولي تشغلي روحك بصوالح مثلا ديري خياطة او حاجة تحبيها لازم ما تخليش الفيد في حياتك راهو الفيد هو اللي مكثر عليك التخمام ما تعطيش لروحك فرصة باش تقعدي طلعي و تهبطي حافظي على صحتك راهي هي الصح
و ان شاء الله يفرج عليك في القريب العاجل يا رب انتي و جميع البنات |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
لبنات كل عام و انتم بخير اليوم عيدكم تقلشو و زيدو |
رد: التجمع الجديد للجزائريات المتأخرات في الحمل و أهلين بالتونسيات الغاليات
البنات واش راكم بسومة 26 ربي يجوز هاذو اليمات بخير رحتي الموعد تاعك تع الطبيب و لا مازال .
البنات انا اليوم قلت راجلي نفوتو النهار كامل برا كي العادة في عيد المراة كل عام نخرجو نتغداو و نشربو الحليب و نحوسو .هاذي المراة قالي و الله ما نخرجو الامام البارح قالهم لا يجوز ذلك قالي و الله ما تبع النصارا خلاص خلاص ..قالي خلي غدوا و نخرجو واش رايكم البنات كاين منها و الله غير النهار تع اليوم هايل |
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم ...واش احوالكم لبنات اليوم ..ان شااء الله صبحتوا بخير وصحتكم مليحة ومورالكم طالع....ربي يفرح كل واحدة هنا ويفرج ضيقتها ويرزقها الحمل القريب يااا رب...
بسومة 26 كلامك جواهر ربي يجازيك وربي يفك ضيقة كل مهموم يااا رب نقولكم كل عام وانتم بخير وكل سيدات هذا المنتدى... لامية انا تاني راجلي ما يستعرف بوالو غير بعيد زواجنا وعيد ميلادي...والباقي يقوللي تمسخير....نهار اليوم يهبل الحال مليح نتاع تحواس.....راجلي كان جايني والا قاللي غدوا ان شااء الله ...معليش كي اليوو كي غدوا ربي يهنينا كااامل ويدوم العشرة الطيبة ياااا رب.... امة حنونتي طمنينا عليك ان شااء الله ما عليك باس..... |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
واش راكي لاميا رحت للطبيب قاع نهار اللي قلتلكم و قالولي ما تجيش حتى للاسبوع الجاي ان شاء الله رسلنولي للسبيطار باش نتبع عندهم هاكدا هنا في فرانسا لازم تبعي في السبيطار حتى ليوم الولادة ان شاء الله بصح الحمد لله راني مليحة راحلي التقلاق كي داومت الرقية انتاع صبورة ربي يجازيها خير من هداك النهار راني نحس روحي مرتاحة و ما نخممش بزاف راه عندي غير شوي لحريق نتاع ليسطومة و نحس صحتي كامله ثقيلة علي مرات تقولي راه بلاكار فوقي ما نقدرش نحرك حتى جاجة في قلت و قيلة من الاسبرين اللي راني نشرب و ما نعرف و بالنسبة لعيد المراة و الله ما نعرف صح كاين اعياد نتاع النصارة ما نتبعوهمش فيهم بصح الائمة نتاعنا يقولولك بلي المراة المسلمة ربي اعطاها حقها من زمان ماشي حتى جابوهلها النصارى في عيد المراة و العلم عند الله ماعليش انتي ساعفي راجلك و خلاص اخرجي معاه غدوة ان شاء الله المهم خرجة خير من ما كانش |
| الساعة الآن 10:03 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .