|
رد: التجمع الجديد للجزائريات المتأخرات في الحمل و أهلين بالتونسيات الغاليات
صباح الخير ندى مريم صباح الخير لبنات الزينات
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
ههههه دبدوبة تاعك ربي يخليهولك حنوووووووووووووووووووووووووووووووون اقتباس:
|
رد: التجمع الجديد للجزائريات المتأخرات في الحمل و أهلين بالتونسيات الغاليات
صباح الخير عليكم
لبنات اقراو هذا لارتيكل لقيتو في جورنال الشروق |
رد: التجمع الجديد للجزائريات المتأخرات في الحمل و أهلين بالتونسيات الغاليات
اهتزت، أول أمس، منطقة الأربعاء ناث ايراثن بولاية تيزي وزو، على وقع حادثة أليمة راحت ضحيتها أم وطفلاها البالغان من العمر سنتين وأربع سنوات على التوالي، حيث لفظت أنفاسها الأخيرة بعد تعرضها لسكتة قلبية أصابتها لدى سماعها خبر مقتل طفلها البالغ من العمر 4 سنوات تحت عجلات سيارة، صدمته هو الآخر لدى هروبه من المنزل بعد وضعه شقيقه الرضيع البالغ من العمر سنتين داخل غسالة ملابس كانت مشغلة.
الحادثة الأليمة والقريبة إلى الخيال منها إلى الواقع، كانت قرية عزوزة ببلدية الاربعاء ناث إيراثن في تيزي وزو مسرحا لها، حيث خرجت الوالدة حسب المصادر المحلية التي أوردت الخبر لـ"الشروق اليومي" لقضاء بعض الحاجيات من محل تجاري غير بعيد عن منزلها العائلي، ليقوم الطفل البالغ من العمر 4 سنوات بوضع شقيقه الأصغر داخل الغسالة، ولهول المشهد المجسد أمام عينه، وخوفا مما ينجم عن ذلك، لاذ بالفرار خارج المنزل، لتدهسه سيارة أمام باب منزله فأردته قتيلا، ليلتحق بشقيقه الأصغر في ظرف ثوان تحت عجلات السيارة.. الوالدة ـ تضيف ذات المصادر ـ لدى عودتها قوبلت بخبر مقتل طفلها في حادث مرور تعرض له خارج المنزل، لتقع هي الأخرى أرضا مغميا عليها، وتبين لاحقا أنها أصيبت بسكتة قلبية ألحقتها هي الأخرى بصغارها. وقد تدخلت مصالح الحماية المدنية لتحويل جثث الضحايا إلى مصلحة حفظ الجثث بمستشفى الأربعاء ناث إيراثن، في حين فتحت مصالح الأمن تحقيقا في هذا الحادث الأليم، الذي أباد عائلة كاملة بطريقة بشعة، ولا تزال المنطقة ككل تحت وقع الصدمة. |
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم لبنات
جمعة مباركة للجميع باذن الله سهام يا يمى انا لله و انا اليه راجعون لا حول و لا قوة الا بالله ..لطفك يا رب الحادثة هادي قلبي راه يرجف من الداخل كي قريتها الله يرحمهم و يوسع عليهم..يا ناس الموت قريبة منا بزاف و احنا ما نفيقوش و الدنيا تجبد فينا...فينا غير الهدرة و اللسان يرحي..اللهم لا تتوافانا الا و انت راض عنا و ارزقنا حسن الخاتمة اللهم امييين |
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام عليكم بنات و جمعة مباركة عليكم يا رب يفتح عليكم ابواب الفرج و الفرح و السرور اللهم آمين
|
رد: التجمع الجديد للجزائريات المتأخرات في الحمل و أهلين بالتونسيات الغاليات
امومة الف الف مبروك و يا رب يثبت حملك و تشوفيه سليم معافى بين يديك يا رب
بصح نصحك بالرقية اللي اعطاتك صبورة يا رب يفرج عليها هي ثاني انا في اول الحمل كثر علي التخمام و الوساويس من الخوف كيما تعرفي صرالي مرتين حمل ضعيف و قاتلي الطبيبه هذا تاني النسبة ما راهيش مليحة و كنت مقلقة و ما نرقدش و نشوف بزاف منامات بديت بالرقية كل ما نصلي الصبح و الفجر نقراها على بطني و ندير حداي قرعة ماء حتى هي راهي تترقى و نمسح بهداك الماء على كرشي و نشرب في كل وقت صدقيني قلبي ولا مرتاح بزاف و وليت نرقد مليح و المنامات ما نشوفش خلاص ديريها و ردي علي و ان شاء الله ما يكون غير الخير و ربي يجازي صبورة و يعطيها ما تتمنى يا رب |
رد: التجمع الجديد للجزائريات المتأخرات في الحمل و أهلين بالتونسيات الغاليات
نور الهدى كيما قاتلك اسماء الدورة كي تولي دير روطار راهو الرحم يحوس على الولادة ان شاء ربي يفرحك الشهر الجاي ان شاء الله
ام نهى اذا فيه امكانية باش تروحي للعمرة روحي و بدلي شوي على الاقل تتهني من المشاكل تبالي بلي المشاكل هي اللي راهي تاثر عليك نور الهدى التعليم واعر بزاف انا يزيدوني فوق الشهرية و الله ما نخدم في خصوصا هاد الجيل قليل الاداب و ان شاء الله تروحي ديري تاست و تفرحي و تجي تفرحينا قبل ما تروحي ديري تاست اقري سورة يس قريت مرة بلي اللي يبغي يقضي امر يقرا سورة يس و يروح ربي يوفقه في حاجته ربي يسهل ان شاء الله عبير نجاوبك حبيتي على السؤال انتاعك انا ما رانيش ندخل بزاف تعرفي الوحم و كنت مرة مرة كي ندخل نرد غير على التجمع و نخرج رسلولي برية قالولي راكي غير في التجمع راكي مشرفة و عندك مسؤوليات و ليت ندخل بسيف علي في كل منتدى و ندير ردود و شوي و نقوللهم ينحولي الاشراف ما نقدرش بزاف على نشوف قاع المواضيع لاميا راني لاحظت تسقسي بزاف عل الام الثدي صدقيني ما تتعلقيش بيه مرات يكون الحمل بلا عوارض انا في هاد الحمل ما حسيت حتى بحاجة غير الام الدورة تجيني مرة على مرة و ليسطومة اللي حكمتني في الاسبوع السادس اما الام الثدي و حتى الافرازات ما راهيش كاينة و صدري ما راهش منفوخ و لا متحجر راه عادي خلي التخمام بزاف و يا ربي يفرحك بلا ما تفيقي يا رب |
رد: التجمع الجديد للجزائريات المتأخرات في الحمل و أهلين بالتونسيات الغاليات
صباح الخير
جمعة مباركة للجميع يا يما مساكن سهام يقطعو القلب ربي يرحمهم ان شاء الله والله غير كي تسمعي هكدا يسماطلك كل شيء الدنيا هادي صح والو وحنا نجرو موراها ربي يغفرلنا بسومة مريومة امال وصبورة كيفاش صبحتو انا اليوم نخليكم راني خارجة مور الجمعة نتلاقاو في الليل ان شاء الله سلااااااااااااااام |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
اما جريدة الشروق اكبر جريدة تجيب غير الكذب و ما نديرش عليها خلاص المهم نقولو لا اله الا الله و لا حول و لاقوة الا بالله |
| الساعة الآن 07:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .