|
رد: التجمع الجديد للجزائريات المتأخرات في الحمل و أهلين بالتونسيات الغاليات
خولة
و عليكم السلام يا رب تضحكي وفرحانة في حياتك.. حبيبتي ان شاء الله يا رب انا و كامل المحرومات نور الهدى راهي غايبة..يا رب تدخل و تطمنا عليها كيفاش دارت التست و لا مازال..يا رب تكون حامل ..هي و الاخت 20 سنة انتظار ثاني الدورة انتاعها راهي في وقتها يا رب تكون حامل... |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
يا رب لي متاخرة عليهم الدورة يطلعو حوامل و لي بالدورة ربي يفتح عليهم و يفرحو فالشهر هذا يا ربي و اروق قاع خياتي المنتظرات و فرح قلوبهن فالقريب العاجل ,,, امين يا رب العالمين |
رد: التجمع الجديد للجزائريات المتأخرات في الحمل و أهلين بالتونسيات الغاليات
صبورة اختي راني سقسيت نورفالفيس بوك و قالتلي مزال مدرتش راهي خايفة بصح راني نديرلها فالكوراج هههه
يا ربي و تفرحنا يا ربي |
رد: التجمع الجديد للجزائريات المتأخرات في الحمل و أهلين بالتونسيات الغاليات
مساء الانوار اخواتي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
مساء الفل و الياسمين اهلا جيجي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
وشك خولة؟ واشهم الامورات؟
|
رد: التجمع الجديد للجزائريات المتأخرات في الحمل و أهلين بالتونسيات الغاليات
مساء الخير الزينات واش راكم
اسمحولي قبيلات دخلت تمتم خرجت البارح الليل كامل وانا نسطر بالضرسة تاع الهم ما رقدتش حتى دقيقة اليوم غير شعلت البيسي اداني رقاد حتى نوضتني هديك الهمية تاع الضرسة الله لا يتربحها والله عييييييييييييييت ما لقيت واش نديرلها |
رد: التجمع الجديد للجزائريات المتأخرات في الحمل و أهلين بالتونسيات الغاليات
لاباس جيجي السوال عليك العميرة
بسومتي يا يما على الضرسة ربي يشافيك و نتي بالكرش معندهم ميديرولك ربي يكون في عونك |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
وانت واش راكي واش راهم البوبونات ديالك احكيلي على ولادتك جاتك ساهلة ولا واعرة ايا ابداي |
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
اوكي دوك نحكيلك على ولادتي انا ملي كنت فالشهر السادس فبدايتو تحل الكول و دايمن معايا الوجاع و لاطونسيوت تهبطلي و مرة هكذا انا فالكوزينة مع العشي جوايه 6 طاختلي السقية و الوجع ماكانش بصح بداني في ظهري مع الطريق ايا 9 و نص كنت فسبيطار و القابلة طلبتني فالراديو تاع التاسع عطيتها غير السابع و انا كانت خبرتني الطبيبة ديالي بلي الطفلة التانية مراهيش نتخدة الوضعية الصحيحة بصح حبت تزيد تشوف بالاك سقمت روحها امالا زادت بعتتني مع الفرملية ندير راديو تما عندهم يا يما درتو و انا طالعة فالدرووج الوجع يقتل و انا فاشلة خلاص ايه طلعتني للطابلة شافتني و كان الكول ديجا فاتح 6 و الوجع يجي يجي بالقوة و مبعد يبرد يروج خلاص و انا حاشاك من هديك الصالة للتواليت رايحة جاية تبانلي تحصرت و كي نخرج منلقى والو ... يجي السطر القاوي نروح عندهم ولدوني ولدوني ايا يشوفوني شوية و يعاودو يرجعوني يقولولي روحي دوري ,,,, يا يما الرحمة كي يخف السطر و يبرد طول يجيني النعاس عيني تجي تنعس و السطر يولي ايا و مبعد طلعتني للطابلة للمرة الاخيرة ايا ركبتلي السيروم و قالتلي اتكلي على ربي عاونيني و نعاونك ,, قلت بسم الله و خليتها على ربي ,, بدات تخلط تخلط و انا مع هداك الوجع ميمبا فقت بلي راهي تقطع فيا ,,,صح توجعت بصح و الله ماشي بزاف شغل متحسيش ثالمون الوجع,, المهم بدات تقولي ادفعي ادفي و انا معاها دفعت مليح مليح كنت قاوية مليح و قسما بالله انا نفع و ندعي لاخواتي كل وحدة باسمها ربي يرزقهم الحمل و الحمد لله دفعت حتى خرجت جنى حبيبتي ايا هي خرجت و انا فشلت ,, قالتلي ارتاحي شوي دوك نرجع بعدها رجعت و قالتي ميلي على جنبك اليسار و عاودي ولي ,,, دارولي 2 حقن باه نتعاون رجعت بيهم دفعت شويا و الطفلة التانية جات برجليها ,, ايا دفعت شوية و زدت حبست و فشلت كااامل حتى ولات القابلة تعيط باعلى صوت زيدي زيدي وشبيكي الطفلة خنقتيها ,, علابالك هادي الهدرة مزالت في ودنيا ..علابالك هي قالت هكدا و انا هزيت روحي عصرت عصرت حتى خرجت العميرة رنا المهم خرجت و مبكاتش زادت خلعتني مي فطنوها الحمد لله ايه داتهم لهيكا و خلاتني هكداك و كنت صايي بردت ,, يا يما على الخياطة يا يما مت مت علابالك كملت كلش و جات عندي مبروك مادام و طلبت مني الاسماء مسكينة هديكك القابلة هايلة يعني محبتش تقولي على الاسماء كما كنت نولد علابالها قادرة نخلط ههههه جابتلي الاولى قالتي هيلك الاولى سميها قلتلها جنى و زيد لتانية رنا ايه داوني طول فكرسي متحرك للغرفة و البنات مجابوهمليش طول داوهم للاكوافوز |
| الساعة الآن 03:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .