|
رد: التجمع الجديد للجزائريات المتأخرات في الحمل و أهلين بالتونسيات الغاليات
الشخشوخة / .
*** منظر مقرب : السلام عليكم ورحمة الله وبركاته رايحين نرجعوا للتقليدي وهذه المرة انا اخترت ان اقدم لكم في الدرس الرابع الشخشوخة او المفرمسة او الفطير كما يسميه البعض على طريقتي يللا اترككم مع الطريقة نحتاج سميد ناعم يعني مغربل حطي الكمية اللي تحبي + ملح + قطرات خل لكي يجعلها متماسكة و لا تتقطع نبلل كل شيء بالماء الدافء نغطيها بكيس بلاستيكي يكون ملامس للعجينة ونتركها قدر المستطاع ساعة ساعتين او اكثر ثم نعجنها بجهاز العجن او اليدين . انا السميد نتاعي يشرب الماء درتها شوية مرخوفة وتماسكت فيما بعد نكورها قد حبات المندرين ونغطيهم بكيس ونخليهم يرتاحوا نص ساعة ندهن الصينية بالزيت ونقرصها متوسطة ثم نبدا نكسل فيها من الوسط الى جميع الاتجاهات حتى تصبح شفافة نحملها برفق ونطهيها فوق طاجين الحديد على نار ضعيفة جدااا نقلبها بحيث تكون الحواشي في الوسط باه ينشفو وهكذا نكمل حتى ننهي جميع الكريات نحطهم فوق بعض ونغطيهم بمنديل لاحظوا كانها اوراق ديول كلها بيضاء وشفافة نلفها على بعضها ونقصها بالمقص شرائط نحلهم هاهي عند التقديم ما تفوروهاش لانها شفافة ورقيقة تمتص البخار وتزيد تسقوها تتعجن حطوا الكمية المراد تقديمها في صيبنية وسخنوها في الفرن بالنسبة للمرق عادي نحتاج حبة بصل كبيرة فلفل حار حسب الرغبة +قطع دجاج +كمشة حمص + ثوم وشحم مداوي + طماطم مصبرة وهريسة واكيد زيت ملح وتوابل نقلي البصل والثوم والدجاج والملح والزيت والتوابل مليح ثم نضيف الطماطم والهريسة والحمص ونمرق ونغلق الكوكوت ولازم المرق يكون خاثر بالنسبة للفلفل انا فورتوا وبعد ما طابت المرقة نحيت حق اولادي واضفت الفلفل لباقي المرق للكبار يعني عند التقديم نحط الشخشوخة ونضع فوقها قطع الدهان ثم الدجاج والحمص والمرق وتقدم * و هذا شكلها النهائي . بصحة و عافية |
رد: التجمع الجديد للجزائريات المتأخرات في الحمل و أهلين بالتونسيات الغاليات
اصابع المرقاز بالدجاج /
*** منظر جانبي : السلام عليكم ورحمة الله وبركاته كيفكن اخواتي العزيزيات ؟؟ ان شاء الله لاباس اليوم درت في الدرس الثاني هذا الطبق وصراحة كان لذيذ جدااا كانت مجرد فكرة طبقتها وجات هايلة *** المقادير + الطريقة : نحتاج مرقاز + قطعتين دجاج صدر حطي المرقاز في مقلاة وبدون اي اضافة خليه يطيب في الشحم اللي فيه بعد ما يذوب حضري البيشمال بوضع ملعقة كبيرة مرغرين + ملعقتين فرينة + 2 كاس حليب وملح خلطي وحطي على النار مع التحريك المتواصل ولما تثقل اضيفي قطعة جبن + دبشة مقطعة وحركي بسرعة حتى تندمج المكونات ارحي الدجاج بعد نزع العظم وتبليه بملح فلفل اسود ثوم كمون ابسطيه فوق نايلون وغطيه بالنايلون وحليه بالحلالة هكذا اقسميه حسب عدد المرقازات اللي عندك اطليه بالبشاميل و حطي المرقازات على الحافة لفي الدجاج على المرقاز بهذه الطريقة ضعي القطع في صحن وكملي الصف الثاني والثالث بللي اصابعك بالماء واغلقي الجهتين اخفقي بياض بيضة + ملح + فلفل اسود اغمسي فيها الاصابع ورمديهم في الفرينة ثم ضعيهم في الثلاجة حضري الصوص في قدر حطي عظام الدجاج + ملعقتين زيت + ورقة رند + ثوم + ملح فلفل اسود كسبر افاح قليهم شوية ومرقي بكاسين ماء وخليه يغلي ربع ساعة ثم خذي قليل من الصوص اضيفي له ملعقة كبيرة فرينة + صفار بيضة وحركي جيدا واتركيه جانبا اقلي الاصابع اضيفيها للصوص وخليها على نار هادية وقبل التقديم اضيفي خليط الصفار والفرينة وحركي باه تعقد الصوص قدميها مزينة بشرائح الزيتون الاخضر والقارس والمعدنوس او الكسبر لذيذ جداااااااا |
رد: التجمع الجديد للجزائريات المتأخرات في الحمل و أهلين بالتونسيات الغاليات
طاجين الشفلور روووعة
السلام عليكم ورحمة الله وبركاته صباحكم ورد وفل اخواتي العزيزات اليوم نقدم لكم طريقة جديد ة وجميلة في نفس الوقت لطاجين الشفلور ملينا من الطريقة التقليدية ولازم شوية تغيير http://forum.hwaml.com/imgcache2/hwa...134984_606.jpg نبدا على بركة الله نحتاج صدر دجاج + اربع الى خمس زهرات شفلور + اربع او خمس حبات بطاطا متوسطة ننزع العظم من الدجاج ونرحيه نيء في الروبو ونزيدو نرحيو الشفلور نيء ايضا نضيف لهما بيضة + ملعقة فرينة + فلفل حار ودبشة مقطعين رقيق + ملح وتوابل + ثوم ونخلط وهاهي نشكلها كويرات بهذا الشكل ونوعا ما كبيرة باه تعطي فخامة للطبق ونرمدها في الفرينة ونضعها في الثلاجة نجهز المرق نضع في قدر كبير ومسطح عظم الدجاج + نص بصلة مفرومة + ثوم + شوية زيت + فلفل حار + 2ورق رند +ملح فلفل اسود كسبر فلفل احمر حار نقلي على نار هادئة ثم نضيف شوية ماء ساخن + ملعقة طماطم ونقلي نمرق بالماء الساخن ونغطيها ونخليها على نار هادية وفي هذه الاثناء نقشر البطاطا نغسلها نقسمها على اربع نضع قليل من الزيت في مقلاة ونحمر البطاطا بعد ما يسخن الزيت مليح ننزعها نضيفها للمرق بواسطة المغرف المثقوب مباشرة دون الاكثار من الاواني وفي نفس الزيت نخرج الكريات من الثلاجة ونقليهم مباشرة بعد ما يحماروانضيفهم للمرق وهاهي المكونات تطيب واليكم الطبق جاهز شهية طيبة |
رد: التجمع الجديد للجزائريات المتأخرات في الحمل و أهلين بالتونسيات الغاليات
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
|
رد: التجمع الجديد للجزائريات المتأخرات في الحمل و أهلين بالتونسيات الغاليات
دجاجة ديزوسي
السلام عليكم ورحمة الله وبركاته وش راكم حبيباتي واخواتي ؟؟ ان شاء الله توكونوا بخير وصحة وعافية اليوم نقدم لكم طريقتي في تحضير الدجاجة منزوعة العظام وبالتفصيل الممل وذلك تلبية لطلب الاخوات احضري دجاجة متوسطة الحجم نظفي جلدها وانزعي الريش ثم انزعي ما بداخلها ضعيها في الماء والخل والملح والليمون حوالي ساعة نفتحها من جهة الصدر ننزع الرقبة هكذا وبحذر ثم القانصة وبواسطة سكين حاد حتى لا نمزق الجلد ايضا بواسطة سكبن حادة نمررها فوق العظم لنزع عظام الفخذين ثم الصدر عظامه سهلة واخيرا الجوانح ننزع نصف العظم الاول من الداخل والنصف الثاني من الخارج وراح الجلد يتقطع اكيد لكن لايهم ندخل الاجنحة الى الداخل بواسطة الاصبع هاهي الدجاجة خالية من العظام نحضر التتبيلة زيت ثوم ملح توابل حسب الرغبة وهريسة ندهنها من الداخل ونحضر الحشو ملعقتين ارز طايب زيتون اخضر فلفل حار دبشة وبصل وثوم لحم مرحي نخلط الكل نضيف بيضة هريسة وملح وتوابل نضع الحشو وسط الدجاجة نلف الجانبين ونخيطها ندهنها بباقي الصلصة نضعها في كيس ونربطه بعد ما نخرج الهواء جيداا نضاعف كيس اخر ثم نطهيها في كوكوت فيها الماء نصف ساعة واللي يحبها طايبة اكثر يزيد 10 دقائق يتبع ..... في هذه الاثناء نحضر الصوص مرق ابيض بعظام الدجاج والزيتون الاخضر بعد ما تطيب نعقدها بالفرينة وعصير الليمون وصفار بيضة وهذا حسب الرغبة هاهي الدجاجة بعد ما طابت لاحظوا كمية من الصوص نزلت منها احتفظوا بها واضيفوها لاي طبخة لانها لذيذة نحمرها تقطع شرائح تقدم مع الصلصة والبطاطا المقلية |
رد: التجمع الجديد للجزائريات المتأخرات في الحمل و أهلين بالتونسيات الغاليات
اهلا وسهلا سمراء كيفاش راكي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
بسومة26 اللهم اميين حبيبتي ربي يخليك و يعطيك و يحفظلك عائلتك من كل سوء ويتمم عليك الحمل بخير و سلامة.. انا راني احسن من البارح الحمد لله وحدة وحدة ربي يفرج.. |
رد: التجمع الجديد للجزائريات المتأخرات في الحمل و أهلين بالتونسيات الغاليات
مساااااااااااء الخير
وشراكم يا الفحلات امة حنونة لاباس عليك وماتشوفي شر ان شاء الله يعطيك الصحة على الوصفات لي راكي تحطيهم في ميزان حسناتك ان شاء الله انا جربت الموسكوتشو تاع دانيت اممممممممممم جا يهبل تالمو عجبني قلت لراجلي يزيد يشريلي شوية دوزان خصوني باش نعاودو ..........يعطيك الصحة يا اختي ربي يعطيك على حساب قلبك |
رد: التجمع الجديد للجزائريات المتأخرات في الحمل و أهلين بالتونسيات الغاليات
اهلا الزينات واش راكم لاباس!؟!؟
ام نهى لاباس!،!؟ ططمنينا عليك و على راجلك سمرا بالشفاء عليك الحمد لله اسماء ليال لاباس!،! ريحانة واش مهديدو راه عجبو الحال واقيلا ههههه خليه يموح عندو الحق صبورة الزينة واش راكي لاباس!؟!؟ رانا اخواتك الله يبارك رانا قبياة تاع اخوات مايخصكش صدر دافىء ابدا رانا هنا،،،،،، سهام ان شاء الله النجاح و التوفيق امة الرحمن بعيد الشر عليك حنونة الحمد لله ربي سترم حاذري على روحك اختي،،،،، ربي يخفظك،،،،يعطيك الصحة على الوصفات،،، كاميليا مرحبا بيك ربي يجعل التجمع عتبة خير عليك و تحملي و نفرحو بيك،،، نوزالهدى الله يبارك عليهم ربي يخفظهم،،، و لعقوبة ليك،،،، و لينا امين راني ميتة على توأم يا رب يرزقنا،،،،، الكادو راه كلش نتوفر انت و قدرتك و حاجيات جارتك،،،،، بسومة الزينة لاباس!،!؟! واش راكي مع الوحم!؟!؟ ربي يحفظك لاميا الزينة لاباس!؟!، بسومة لاباس!؟!؟! بسمة روحينا ربي يفرج عليك و يخفظك من كل شر امين،،،، ربي يكون معاك،،،،،، |
| الساعة الآن 02:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .