منتديات حوامل النسائية - تجمع الجزائريات الغاليات المتأخرات في الحمل ‏

صباح الخير يا الفحلات وشراكم لاباس
مازالني هنا هههههههhwaml03hwaml02hwaml03

اقتباس:

المشاركة الأصلية كتبت بواسطة 20 سنة انتظار (المشاركة 3627898)

السلام و عليكم
ريحانة انشاء الله يا ربي منامك يصدق فالواقع
الله يلمها الما توحشتا بزاف
و عليك نتي مقلقيش روحك ربي يجيب الخير .. اشربي الزيت باش يزلق هههه و نزوجوه من بعد ههههه ... ياك دبرتي العروس هههههه
سمراء جارتي كنت عندها فسبيطار و مزالت تتعدب مسكينة الاوجاع موجعة بصح الكول مغلوق و البيبي الاول هبط بزاف يمكن يولدوها قيصري ..... علابالك رجعت للدار و انا مثيوشة منها مسكينة غاضتني بزاف .. كرشها بالون تمشي ما تقدرش تتحرك

ان شاء الله يا رب
و الله ماني مقلقة المهم يخرج لاباس عليه و هذاك هو المهم

اقتباس:

المشاركة الأصلية كتبت بواسطة حياتي قمراتي (المشاركة 3627953)

السلام و عليكم البنات
نشكركم بزاف على الدعوات تاعكم خياتي راهم جنى و رنا حياو بفضل دعاءكم
المهم رانا اليوم خرجنا بصح مرانيش مطمنة... خاطر حتى الطبا خافو .. البنات راهم سبيعيات و تقفلو كامل ميقدرو لا يرضعو لا يتنفسو .. و نهار لي ديناهم فيه علابالكم الطبيبة عاقت للفرملية اجري افتحيلي ليكوافوز البنات بقاو فالبلارة 4 ايام و كانو كل يوم يوزنوهم ينقصو و خاصة جنى لي تطلع زرقة و تعصر روحها و لقاو التنفس عندها فابل بزاااف بعتونا درنالها راديو على قلبها خاطر شكو يكون فيه فتحة اصلا هذا الراديو طلبوه نهار زادت و مبعد قالو لالا مكاين والو و كي جبنالهم الراديو مكانتش الطبيبة نفسها يعني تبدلت و لوخرى قولنالها خبرينا شافت شافت معاه و مبعد قالت خلي حتى تجي الاخرى لي هي بعتاتكم ... و اليوم زعما كي لقاوهم رضعو شويةو الميزان بقاو قد قد راهم خرجوهم ... بصح قلبي مراهش مطمن عليهم كامل و خاصة جنى كي زادو خوفوني بالمشكل هذا
دعواكم يا البنات ..و ربي يفرج همكم

خولة حنونة و الله غير تقلقنا على قمراتك
الحمد لله على سلامت بناتك
وربي اجبلهم الشفاء يا رب
اديهم عند سبيسياليست احسن ؟؟؟

اقتباس:

المشاركة الأصلية كتبت بواسطة صبورة (المشاركة 3627974)

السلام عليكم لبنات واش راكم توحشتكم

امة الرحمان شكرا على كرم الضيافة و الله يبارك شاطرة ..
خولة
الحمد لله على سلامة بناتك.درك بالعقل يتحسنوا و يحكموا ارواحهم في صحتهم.لبنات كامل دعاولك و تقلقنا لما خبرتنا اختك..و نظن مرضوا على خاطر كنت تغسليلهم..و هوما سبيعيات مالازمش يقيسهم الماء.امسحيلهم غير ب les gants شمخيها و اعصريها مليح..و ما تنقليهمش من غرفة دافئة لغرفة مايكونش فيها نفس درجة الحرارة..
مريم
واش الغيبة هادي..و كامل رانا نقولوا يانيس القاضي خطفك منا خلاص..واش راهوا ..و انت ارتحت من لاطراس انتاع وبيراسيون؟
ريحانة
ماتتقلقيش لما يجي وقتوا راكي تولديه..بلاك ماراكيش حاسبة مليح..

ان شاء الله يارب بصح هذا ماشي حسابي حساب الطبيبة
وشراكي انتي صبورة
ان شاء الله بخير

اقتباس:

المشاركة الأصلية كتبت بواسطة barbi alg (المشاركة 3628056)

لبنات شوفو كرشي كبرت شوي ولا مزال هههههه

الله ابارك وليتي بطبوطة باربي هههههه

اقتباس:

المشاركة الأصلية كتبت بواسطة oum abderaouf (المشاركة 3628064)

السلام عليكن لبناااااااااااااات كيراكم قاع
امة الله يبارك المرا الزينة الهايلة يعطيك الصحة على ليغوسات شابين نسيهم ان شاء الله وربي يفرحك
سهام تهلاي في ضيافك مليح ربي يفرحك
سميرة ربي يفرحك
بسومة ربي يشافيك من ضهرك و يفرحك رانا كيف كيف انا فاني ظهري قتلني من الوقاااااف راكي تعرفي التعليم
نور اليقين ربي يهنيك اتفكري المليحة ترتاحي
صبورة ربي يفرج بعد الصبر
هدى كبيرة القلب ربي يفرحك و يتحقق حلم ريحانة راهي حامل بالاك ربي سبحانو مافيه غي الخير
ربي يعطيك وقفة ساهلة ان شاء الله يقولو ولادة الولد مشي كيما البنت ان شاء الله اسهل كولي التمر
مريم ربي يحفظلك العريس ان شاء الله
خولة طمنتينا و ربي يقويك و يشافيلك بنياتك ان شاء الله
بسمة روجينا ربي يحفظك و يسهللك
وكل لبنات اللي راهم غايبات ان شاء الله المانع خير

ان شاء الله اختيام عبد الرؤوف اكون منامي حقيقة
ونفرح بيكم كامل

اقتباس:

المشاركة الأصلية كتبت بواسطة ASMA layal (المشاركة 3628270)

السلام عليكم

وشراكم يا الفحلات

ام نهى ربي يفرج عليك ماتتقلقيش حنونة كل شيء يجوز

خولة ربي يشافي بناتك ان شاء الله ماتنسايش توام وزادو في السابع بصح كي يكبرو شوية راهم يزيدو في الوزن والصحة

هدى يا رب ويتحقق حلم ريحانة ونسمعو اخبار لي تفرح

ريحانة نحي التقلاق من راسك وكتري من المشي وربي يسهلك ان شاء الله

مريومة توحشنا القصرة معاك سلميلي على يانيسو

نور ادخلي طمنينا على باباك ان شاء الله يكون تحسن

امة يا الشاطرة هكدا نحبك ماتزيديش تغيبي علينا يعطيك الصحة على الوصفة تاع دانيت عجبتني بزاف راح نسييها ان شاء الله

بسومة26 وين راكي غايبة عسى المانع خير .....طلي علينا

سهام وشراكي يا الفحلة الحمد لله لي خرجلك القاطو مليح

صبورة وشراكي حنونة ان شاء الله لاباس

باربي عجبني التوقيع ديالك يارب كي ليوم ان شاء الله يولي صح

عبير وامومة توحشناكم طلو علينا شوية

ام عبد الرؤوف بسومة بسمة سماسم لامية نور اليقين الما اترج وباقي البنات ان شاء الله تكونو كامل ملاح ولي نسيتها تسمحلي

اسماء وشراكي لاباس حنونة و الله غير توحشتك
وقيلا راني نتوحم عليك؟؟؟؟قوليلي واش بقالك من وحم

اقتباس:

المشاركة الأصلية كتبت بواسطة Nourelhouda (المشاركة 3629249)

صباح الخير يا الزيناتتوحشتكم بزاف. راني نعس في الطلبةفي الامتحان و راني كونيكتي بالتلفون ههههههههه.
بابا راه شوية برك لوكان يحبس الدخان هو اللي هلكو الله يهديه
اختي ام حسونة راحت البارح و مازال مالحقتش هذيك البلاد بعيدة بزاف دارت ايسكال في دبي و تلحق لعشية لانغولا ان شاء الله تلحق بخير
حسونة راه بخير راه عند ماما مسكينة اختي بكات علي وليدها هبلت غاضتني ربي يصبرها
توحشتكم بزافاعطوني اخر الاخبار
خولة واش راهم بناتك كي تدخلي ابعثيلي الرقم تاعك نهدر معاك

نور وشراكي حبوبة
الحمد لله الي باباك راهو بخبر
بصح لازم احبس الدخان باش اريح مليح
واختك ربي اوصلها لبلادها على خير يا رب
و الله انا في بلاصتها تقطعت على اوليدها ان شاء الله اجوزو اليامات في سع و ترجعلو تلقاه راجل
تهلاو فيه وربي يرزقك انتي في القريب يا رب