|
رد: الغاليات بنات فلسطين @هنا التجمع الجديد@
انا راح اكون هون الليلة
ولوقت متاخر |
رد: الغاليات بنات فلسطين @هنا التجمع الجديد@
وانا كمان بضل هون هاد الليلة ظلينا انا وام مروان للفجر ههههههه يلا خليكي بضل بس بدي تفاعل وحيوية ونشاط
فوفو زمان ما طلت يارب تكوت بخير هي وبنته لانه كانت مفلوزة اخر مرة ودودو كمان وحلا ييييييييييي وكثر صبايا |
رد: الغاليات بنات فلسطين @هنا التجمع الجديد@
اي والله وانا كمان فاقدة جارة القمر كثير
ان شاء الله يرجعوا مثل اول انا قاعدة بغسل نشرت وجبه هلا وحطيت التانيه بكرا عندنا بننات حماتي التنتين الله يعينا حالة استنفار راح نعلن مممممممممم بالنسبة للنشاط تشاليش بس انتي افتحي موضوع وشوفي قديش ببرم ههههههههههههه ام مرووووووووووووووووان تعالي يختي ما تتغلي علينا هينا قاعدين ناطرينك انا والله كان عندي ظروف الايام الماضيه بابا مرض وطعمت زوزو لهيك ما تابعت ما بقدر اغيب عن هووووووون |
رد: الغاليات بنات فلسطين @هنا التجمع الجديد@
سلامتهم والله غلبني اسيد بالطعم الحمد لله خف كثير
كيف علاقتك ببنات حماك بتدخلو فيك ولا كيف يعطيكي العافية ع الغسلات هههه بحب اغسل الصبح |
رد: الغاليات بنات فلسطين @هنا التجمع الجديد@
انا إجيت
صبايا أنا نفسيتي ادمرت على الآخر بجد مش قادرة تعبانة كتييييير إمبارح عمي وعمتي عملولي مشكلة وكان زوجي بيات بالشغل وصارو يزعقلولي بالليل عشان كنت طالعة فوق عند سلفة عمتي وطولت عندها ونزلت صاروا يزعقولي ليش لالحين ما كان نمتي عندهم بس أنا ماوفرتلهم لأنه إلهم من يوم الآحد وهما مكشرين بوجهي ومش طايقيني طبعا لأسباب تافهة كتييييييير وراح أقلكم الأسباب عشان تحكمو أنا يوم الأحد عزلت غرفتي وتكتكتها ورتبتها لأنه صارلي فترة ماعزلتها وطبعا هالشي مابعجب دار عمي أو بالآخص حماتي ليش ما بتعرفي يعني مش أول مرة هاد ويوم الاثنين رحت ع السوق وخليت بنتي عند حماتي وكنا من يوم السبت متفقين إني أروح ع السوق وأسيب بنتي عندها بس أنا قلتلها تعالي انتي معي وبنسيب بنتي عند وحدة من سلفاتك ما رضيت حكت خدي وحدة من سلفاتي ع السوق وسيبي البنت عندي ع هاد الأساس اتفقت مع حماتي إمبارح وأنا عند سلفتها حماتي بعتت سلفي بدها سلفتها تنزل إلها المهم نزلنا انا وياها سوا الا هي بتقلي ليش اجيتي ما كان نمتي عندهم ليش هالغلبة قلتلها شو في فهميني شو مالك طيب ما أنا كل فترة وفترة بروح عند وحدة أسهر وزوجي بعرف كمان وبآجي بتكوني نايمة شو عجب هالمرة مسكت سلفتها وصارت تشكي مني أنا مابعمل شغلة بالدار وأنا ما بستنظف أقلها تعالي معي ع السوق والمهم كزبتني بكتيييير شغلات وما كانت بدها اياني أحكي الصدق كل ما آجي أحكي تسكتني بس أنا ما سكتت وأخدت بنتي وانا طالعة من عندها صرت احكي أنا ايمتا أموت أتريح من هالعيشة وأصلا انا مش مرتاحة لعيشتكو وفتت ع غرفتي وسكرت الباب ولبست وبدي أروح ع أهلي وهالكلام كان الساعة 12 بالليل الا هي لحقتني مرة عمه وسلفي اللي أصغر مني مرة عمه أخدت مني البنت وسلفي اللي أصغر مني صار يرجع فية اما سلفي الكبير اللي امه مشبعاه علية صار يحكي روح وصلها ولما ترجوني ارجع رجعت الا هي عمتي بتقلي أنا بكرة بس يجي جوزك بدي أشوف حل معاه يروح يطلع يشوفله شقة ومن هالكلام وأجا جوزي وقعد معاهم ونام وصحي وهما ما حكوله ولا حاجة وهلأ طلع ع الشغل بس أنا اليوم ما طلعت من باب غرفتي ولحتى الآن ما حدا عرف بالموضوع من أهلي بس أنا بالليل حكيت لجوزي كل حاجة وقلتله انتا حر تصدقني أو تكزبني بس لما أجا الصبح كان معي عادي مابعرف عاد شو اللي يصير |
رد: الغاليات بنات فلسطين @هنا التجمع الجديد@
حبيبتي الله يسعد قلبك يارب
الحمدلله بنات حماتي كثير مناح معي بس في وحده متجوزه مرات بتنكش نكشات في منخفض السبت وبدي اشطب البيت قبل المطر كل ما يصير عندي وجبه بحطها انا اريح مابخلي علي شي مممم شو عامله هلا انا برقض انا وبرلنت |
رد: الغاليات بنات فلسطين @هنا التجمع الجديد@
بعين الله يا ام مروان بس هاي حماتك شكلها بتغار منك انا نهاااائيا مابنصحك تروحي لعند اهلك او حتى تعرفيهم بالمشكلة والله مابعرف شو احكيلك وينك يا حواء تعي انصحيه شو تعمل انا بس شوية اخص العجنات برجع بنص ساعة بالكثير وكمان ماتوعلي حالك عشان حليب بنتك حرام
|
رد: الغاليات بنات فلسطين @هنا التجمع الجديد@
حبيبتي ام مروان الله يكون بعونك هاي كاينه بدها شغلة عشان تتمشكل معك
اجت منهم ما اجت مننك انتي وقت يصير الحكي حطي قانون انها تساعدك بكل اشي واذا اطلعتو بشقة احسن الك اتحملي شوي بس بترتاحي بالاخر لو بتضطري تبيبعي قطعة من ذهبك عشان تسكني لحالك |
رد: الغاليات بنات فلسطين @هنا التجمع الجديد@
اوعك تدخلي حدا بالمشكله بتكبر وبعبو راس جوزك عليكي وبتخسري اهم شي حطي جوزك لصفك
|
رد: الغاليات بنات فلسطين @هنا التجمع الجديد@
كيف بدي احطه لصفي
عمتي قوية وقادرة بتعرف كيف تسلب اولادها لصفها حق او مش حق |
| الساعة الآن 12:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .