|
رد: التجمع الجديد للجزائريات المتأخرات في الحمل و أهلين بالتونسيات الغاليات
يا لمياء حبيبتي شفتي ..... رانا في زمان الله يستر
حتى قرايبيك مولاوش يرضاوللك الخير انا صراتلي في وحد العرس تاع الجيران كنت هابطة فالدروج و ولد صغير عندو بالاك عامين ... امالا مسكين طاح و امو راهي تشطح و الله معلابالها بيه هزيتو و قعدت نسكت فيه و بقيت تما قلت لوحد الطفلة تما عيطي لماماه الا تعرفيها عيطتلها زعما جات تجري نحاتو من يديلا كلام و لا سلام و راحت يا وخذي على ولدي عين صابتو عين صابتو ... المهم تمعني عليا و راحت لهيه مع وحدة و تقولها راهي من عند هديك وسمها ..هاديك عروسة خالتي خديجة ياك ماتضنيش تقول فيها و كي شغل مرانيش نسمع و لا كيفاه المهم خليتهم وكلت عليهم ربي هزيت روحي و روحت للدار نبكي ... |
رد: التجمع الجديد للجزائريات المتأخرات في الحمل و أهلين بالتونسيات الغاليات
لمياء كنت حاطاتك اقل مني سبحان الله
ظهرتي اكثر مني ما تبانيش ديما نحطك صغيرة نهى انا ثاني قريت في قسنطينة و الله هاذوك الايام نشريها بالمليارات و ما كانش يا ليت الشباب يعود يوما |
رد: التجمع الجديد للجزائريات المتأخرات في الحمل و أهلين بالتونسيات الغاليات
و انت اختي لامية على سلامتك
واشي هو المشكل عندك خبريني ؟؟؟؟؟؟؟؟؟ هههههههههههههه زعمة انا لبيبة حلالة المشاكل تاع بكري تشفاو عليها "لبيبة لبيبة انا اسمي لبيبة ,,,,,,,,,,,, نشيطة " نسيت الغنية ديالها هههههههههههههه |
رد: التجمع الجديد للجزائريات المتأخرات في الحمل و أهلين بالتونسيات الغاليات
حنونة أم نهى ربي يخليك
مين رهت لصبطار دخلت معايا عجوزتي خطرش هي و دارنا في بلعباس قاتلي طبيبة ماشي نورمال وجع تاع دورة ميبقاش 4 أيام و كي وصفتلها لي طاح مني قاتلي كنتي بالحمل و طاح قلتلها بصح روطار 4 أيام قاتلي بويضة تتلقح 15 يوم من قبل مأمنتهاش و كي خرجنا قالتهاله يماه قالها كيفاش الأسبوع لي فات طبيب قالي لازم عملية قاتله هذا ربي و عود تأكدنا بالإيكو مراناش مأمنين بصح كلش بيد ربي سبحانه متقولي لا طبيب و لا شيئ أخر الواحد يتوكل على ربي برك |
رد: التجمع الجديد للجزائريات المتأخرات في الحمل و أهلين بالتونسيات الغاليات
20 سنة انتظار ما توجعي قلبك ماوالو رانا كامل في هوا سوا ربي انشاء الله يشوف لينا و يرحمنا من كلام الناس
|
رد: التجمع الجديد للجزائريات المتأخرات في الحمل و أهلين بالتونسيات الغاليات
وين قريتي عبير و واش من تخصص بلاك تلاقينا ما تعرفي
|
رد: التجمع الجديد للجزائريات المتأخرات في الحمل و أهلين بالتونسيات الغاليات
انشاء الله يا ربي
ربي يفرحنا كاملين |
رد: التجمع الجديد للجزائريات المتأخرات في الحمل و أهلين بالتونسيات الغاليات
ام نهى انا ما عندي حتى مشكل و زوجكذلك ما عندو حتى مشكل و حملت مرتين و اجهضت و حتى الدرك ما كاين والو زعما قالولي تحل حزامك ما كاش منها اخر اجهاض كان من 4 سنين.
|
رد: التجمع الجديد للجزائريات المتأخرات في الحمل و أهلين بالتونسيات الغاليات
لاميا سواسوا بداو الذراري يبكو غير اللي تبدا تقرالو القرأن و يرقولو و يقولو العين و غير انا في وسطهم شكون راح يضرب بعين ،،،،،،
هدى انا عجوزتي اليوم قنطت مسكينة زوج عرايس و القربة يابسة و الله وليت نتمنى ترفد مرت لوسي باش تفرح عجوزتي مادابيا ماعليش غير ترفد قبلي ،،،،، المهم ربي يجيبلنا ام نهى. حكيتلك حكاياي كي عرفتك على روحي ،،،، ماعليش نعودلك المشكل في راحلي مسكين كان عندو نقص في الحيوانات المنوية و من بعد وجع عندو العدد صفر وكنا راح نديرو اطفال انابيب مالقاولوش حيوانات ، و زيد دار عملية الخزعة و مالقاولوش الخلية تاعو غير ناضجة،،،،،،، و دركا رانا حابسين اخر واحد روحنالو الطبيب بن غربية في العاصمة و اعطا لراجلي تحاليل دم يندارو في فرنسا و قالو اذا عندك الزريعة نكمل معاك اذا نا عندكش الله غالب،،،، راجلي خاف يروح،،،، رانا قاعدين،،،، |
رد: التجمع الجديد للجزائريات المتأخرات في الحمل و أهلين بالتونسيات الغاليات
........................
|
| الساعة الآن 01:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .